"முரசு கொட்டட்டும்.. ஸ்டாலின் தொடரட்டும்.. தமிழ்நாடு வெல்லட்டும்!" - தேமுதிக பிரசார பாடலை வெளியிட்ட பிரேமலதா விஜயகாந்த்...!

தேசிய முற்போக்கு திராவிட கழகத்தின் நிறுவனத் தலைவர், ‘கேப்டன்’ விஜயகாந்த் அவர்களின் வழியில், தமிழ் நாட்டின் உரிமைகளை மீட்டெடுக்கவும், மாநிலத்தின் வளர்ச்சியை உறுதிப்படுத்தவும் தேமுதிக களம் கண்டு வருகிறது. அந்த வகையில், வரவிருக்கும் தேர்தல் களத்தை அதிரச்செய்யும் விதமாக, கழகத்தின் எழுச்சிமிகு புதிய பிரச்சாரப் பாடலை தேமுதிக பொதுச்செயலாளர்   பிரேமலதா விஜயகாந்த் அவர்கள்  விருத்தாசலத்தில் வெளியிட்டார்.

சிறப்பம்சங்கள்:
முரசு கொட்டட்டும்.. ஸ்டாலின் தொடரட்டும்.. தமிழ்நாடு வெல்லட்டும்.. என்ற வரிகள் தாங்கிய இந்தப் பாடல், தமிழ் நாடு முதல்வர் அவர்களின்  தலைமையிலான மதச்சார்பற்ற முற்போக்கு கூட்டணியின் தேமுதிக மற்றும் கூட்டணி கட்சிகளின் வலிமையையும் பறைசாற்றும் வகையில் உருவாக்கப்பட்டுள்ளது. 

தொண்டர்களிடையே உற்சாகத்தை விதைக்கும் வகையிலும், தேர்தல் பரப்புரைகளில் பொதுமக்களை ஈர்க்கும் வகையிலும் துள்ளலான இசையுடன் இப்பாடல் அமைந்துள்ளது. இந்தத் தேர்தல் களம் தமிழ்நாட்டின் வெற்றியைத் தீர்மானிக்கும் களம். நமது முரசு முழக்கம் எட்டுத்திக்கும் ஒலிக்கட்டும், ஸ்டாலின் அவர்களின் நல்லாட்சி தொடரட்டும், அதன் மூலம் நம் தமிழ்நாடும், தமிழ் மக்களும் வெற்றி பெறட்டும் என்பதே இந்தப் பாடலின் நோக்கம்.

இதையும் படிங்க: எடப்பாடியின் வயிறு எரியும் வாசனை வீசுகிறது! அதிமுக போட்ட பழைய ஒப்பந்தத்தை வெளியிட்ட பிரேமலதா விஜயகாந்த்!

இப்பாடல் இன்று முதல் அனைத்து சமூக வலைதளங்களிலும் மற்றும் மாநிலம் தழுவிய தேர்தல் பிரச்சார வாகனங்களிலும் ஒலிக்கச் செய்யப்படும் எனத் தெரிவிக்கப்பட்டுள்ளது.

இதையும் படிங்க: குட்டி ப்ளைட்டும்! ஸ்டார் ஹோட்டல் ரூமும் கொடுத்திருங்க!! பிரசாரத்திற்கு வர டிமாண்ட் செய்யும் கமல்! திமுக அப்செட்!