தமிழக அரசியலில் தலைகீழ் மாற்றம்... விஜய் பக்கம் சாயும் கிங் மேக்கர்... தவெக கூட்டணியில் இணையும் முக்கிய கட்சி...!!

தைலாபுரம் இல்லத்தில் பாமக நிறுவனர் மருத்துவர் ராமதாஸ் தலைமையில் முக்கிய நிர்வாகிகள் ஆலோசனை கூட்டம் நடைபெற்றது. தவெக-வுடன் கூட்டணி அமைப்பது குறித்து விவாதிக்கப்பட்டதாக தகவல் வெளியாகியுள்ளது. 

பாமகவில் மருத்துவர் ராமதாசிற்கும், அவரது மகன் அன்புமணிக்கும் இடையே கருத்து வேறுபாடு ஏற்பட்டு பெரும் மோதலாக வெடித்ததை தொடர்ந்து பாமகவில் இருந்து தனது மகன் அன்புமணியை அடிப்படை உறுப்பினர் பொறுப்பில் இருந்து நீக்கம் செய்து மருத்துவர் ராமதாஸ் அறிவித்தார். இதனால் பாமகவில் மருத்துவர் ராமதாஸ் அணி, அன்புமணி அணி என இரு அணிகளாக செயல்பட்டு வருகிறது. இந்நிலையில் தன்னை பாமகவின் தலைவராக அறிவிக்க கோரி மருத்துவர் ராமதாஸ் விடுத்த கோரிக்கையை நிராகரித்த இந்திய தேர்தல் ஆணையம், தங்களிடம் உள்ள ஆவணங்களின் அடிப்படையில் அன்புமணியை பாமகவின் தலைவராக அங்கீகரிப்பதாக தெரிவித்தது. 

இதனைத்தொடர்ந்து பாமகவின் தலைவராக தன்னை அறிவிக்க கோரியும், பாமகவின் கொடி மற்றும் சின்னத்தை அன்புமணி பயன்படுத்த தடை விதிக்க கோரியும் சென்னை உரிமையியல் நீதிமன்றத்தில் மருத்துவர் ராமதாஸ் வழக்கு தொடர்ந்துள்ளார். இதனிடையே அன்புமணி தரப்பு பாமக, பாஜக தலைமையிலான தேசிய ஜனநாயக கூட்டணியில் இடம் பெற்றுள்ள நிலையில் மருத்துவர் ராமதாஸ் தலைமையிலான பாமக யாருடன் கூட்டணி அமைத்து போட்டியிடும் என்ற எதிர்பார்ப்பு எழுந்திருந்தது. இந்நிலையில் வரும் சட்டமன்ற தேர்தலில் யாருடன் கூட்டணி அமைத்து போட்டியிடுவது என்பது குறித்து தனது தரப்பு பாமக மற்றும் வன்னியர் சங்க மாநில மாவட்ட நிர்வாகிகளுடனான ஆலோசனை கூட்டம் விழுப்புரம் மாவட்டம் திண்டிவனம் அருகே உள்ள தைலாபுரத்தில் பாமக நிறுவனர் மருத்துவர் ராமதாஸ் தலைமையில் தொடர்ந்து ஆலோசனை கூட்டங்களை நடத்தி வருகிறார். 

இதையும் படிங்க: திராவிட கட்சியுடன் “டீல் ஓ.கே”... கூட்டணிக்கு தேதி குறித்த ராமதாஸ்... திமுகவா?... அதிமுகவா? குழம்பும் தொண்டர்கள்...!

இதுவரை கூட்டணிக்கான சூழல் அமையாத நிலையில், குழு அமைத்து திமுக மற்றும் அதிமுகவிடம் இருந்து அழைப்பு வரும் என ராமதாஸ் காத்திருந்தார். ஒரு காலத்தில் அரசியல் களத்தில் கிங் மேக்கராக வலம் வந்த ராமதாஸை இரு திராவிட கட்சிகளுமே கண்டுகொள்ளாததால், தற்போது தவெகவுடன் கூட்டணி அமைக்க திட்டமிட்டுள்ளதாக கூறப்படுகிறது. 

விழுப்புரம் மாவட்டம் திண்டிவனம் அடுத்த தைலாபுரம் இல்லத்தில் பாமக நிறுவனர் மருத்துவர் ராமதாஸ் தலைமையில் முக்கிய நிர்வாகிகள் ஆலோசனைக் கூட்டம் நடைபெற்றது. இந்த ஆலோசனை கூட்டத்தில் பாமக கௌரவத் தலைவர் ஜிகே.மணி. செயல் தலைவர் ஸ்ரீகாந்தி. பொதுச் செயலாளர் முரளி சங்கர். பொருளாளர் செய்யத் மன்சூர் உசேன். இணைப்பொதுச் செயலாளரும், சேலம் மேற்கு சட்டமன்ற உறுப்பினருமான அருள். தலைமை நிலைய செயலாளர் அன்பழகன் உள்ளிட்ட முக்கிய நிர்வாகிகள் கலந்து கொண்டனர். 

திமுக மற்றும் அதிமுக கூட்டணியில் இணைய முடியாத சூழலில் மருத்துவர் ராம்தாஸ் தலைமையிலான பாமக, தவெக-வுடன் கூட்டணி அமைப்பது தொடர்பாக இந்த ஆலோசனை கூட்டத்தில் விவாதிக்கப்பட்டதாக தகவல் வெளியாகியுள்ளது. தவெக-வுடன் கூட்டணி ஏற்படும் சூழலில் பாமக போட்டியிடவுள்ள 35 பகுதிகளில் உள்ள முக்கிய பொறுப்பாளர்கள் அழைக்கப்பட்டு ஆலோசனை நடத்தப்பட்டுள்ளது. எதிர்வரும் சட்டமன்ற தேர்தலில் ஏறத்தாழ அனைத்து கட்சிகளும் கூட்டணியை இறுதி செய்துள்ள நிலையில் மருத்துவர் ராமதாஸ் தலைமையிலான பாமக யாருடன் கூட்டணி என்பது இன்னும் முடிவு செய்யப்படாமல் உள்ளது.

இதையும் படிங்க: அன்புமணிக்கு ஷாக்...!! - ராமதாஸ் வழக்கில் நீதிமன்றம் அதிரடி... ஒரே நாளில் தலைகீழாக மாறிய நிலை...!