ராமதாஸ் பேரனுடன் பாஜக ரகசிய பேரம்!! தேமுதிக நழுவியதால் எடப்பாடிக்கும் விருப்பம்! கூட்டணி பேச்சு தீவிரம்!

தமிழக அரசியலில் கூட்டணி விளையாட்டு சூடுபிடித்துள்ளது. 2026 சட்டமன்ற தேர்தலுக்கான கூட்டணி பேச்சுவார்த்தைகள் தீவிரமடைந்துள்ள நிலையில், தேமுதிக கடைசி நேரத்தில் திமுகவுடன் இணைந்தது அதிமுக கூட்டணிக்கு பெரும் பின்னடைவை ஏற்படுத்தியுள்ளது. 

இதனால் வன்னியர் ஓட்டு வங்கியை இழக்க விரும்பாத அதிமுக பொதுச்செயலர் எடப்பாடி கே. பழனிசாமி, பாமக நிறுவனர் ராமதாஸை கூட்டணியில் சேர்க்க திட்டமிட்டு வருவதாக கூறப்படுகிறது.

பாமகவில் ராமதாஸ் – அன்புமணி இடையேயான பிளவு கட்சியை இரண்டாக செயல்பட வைத்துள்ளது. அன்புமணி ஜனவரி 7-ம் தேதி அதிமுக-பாஜக கூட்டணியில் இணைந்தார். இதனால் ராமதாஸ் அதிமுக கூட்டணியில் சேர முடியாத நிலை ஏற்பட்டது. திமுகவும் ராமதாஸை சேர்க்க தயக்கம் காட்டுகிறது. தவெகவும் பட்டியலின ஓட்டுகளை இழக்க விரும்பவில்லை. 

இதையும் படிங்க: அரைச்ச மாவையே அரைக்கும் இபிஎஸ்! சொதப்பும் ஆலோசனை கம்பெனி?! அதிமுக எதிர்கொள்ளும் திடீர் சிக்கல்! தொண்டர்கள் சோர்வு!

இந்நிலையில் தேமுதிக நழுவியதால், ராமதாஸை சேர்த்தால் வன்னியர் ஆதரவு அதிகரிக்கும் என அதிமுக கணக்கு போடுகிறது. ஆனால் அன்புமணி இருப்பதால் ராமதாஸை எப்படி சேர்ப்பது, அன்புமணியை சம்மதிக்க வைப்பது என பழனிசாமி ஆலோசித்து வருவதாக கட்சி வட்டாரங்கள் தெரிவிக்கின்றன.

ராமதாஸ் தரப்பில் அவரது மகள் ஸ்ரீ காந்தி, பேரன் சுகுந்தன் கூட்டணி பேச்சு நடத்தி வருகின்றனர். பாஜக தீவிரமாக ராமதாஸை இழுத்து வர முயல்கிறது. நேற்று சென்னை எம்ஆர்சி நகரில் உள்ள ஹோட்டலில் சுகுந்தன் பாஜக பிரமுகர்களை சந்தித்தார். அப்போது பாஜக தரப்பு சில வாக்குறுதிகள் அடங்கிய கடிதத்தை கொடுத்தது. அதை எடுத்துக்கொண்டு சுகுந்தன் தைலாபுரம் தோட்டத்தில் ராமதாஸை சந்தித்து பேசினார்.

திண்டிவனம் தைலாபுரம் தோட்டத்தில் நேற்று பாமக வன்னியர் சங்க மாநில நிர்வாகிகள், மாவட்ட செயலர்கள், தலைவர்களுடன் ராமதாஸ் ஆலோசனை நடத்தினார். பின்னர் பேட்டியளித்த அவர், “தேர்தலில் எப்படி பணியாற்றுவது, யுக்திகள் குறித்து ஆலோசித்தோம். கூட்டணி உடனே முடிவு செய்ய முடியாது. களம் சரியாக அமையவில்லை. திராவிட கட்சிகளுடன் கூட்டணி இருக்கும். நாளைக்குள் கூட்டணியை அறிவிப்போம்” என்றார்.

ராமதாஸ் எந்த கூட்டணியை தேர்வு செய்வார் என்பது தமிழக அரசியலில் பெரும் எதிர்பார்ப்பை ஏற்படுத்தியுள்ளது. அவரது முடிவு வன்னியர் ஓட்டு வங்கியை எந்த கூட்டணிக்கு சார்பாக திருப்பும் என்பது தேர்தல் கணக்குகளை மாற்றலாம்!

இதையும் படிங்க: ஜெயலலிதா பிறந்தநாளில் இருக்கு சர்ப்ரைஸ்! எடப்பாடி பழனிசாமி போட்டு வைத்த ஸ்கெட்ச்! அதிமுக ப்ளான்!