“என்ன கேட்காமல் செய்யக்கூடாது... இடிச்சி தள்ளிட்டு போய்டுவேன்".... தொகுதி விசிட்டின் போது தரக்குறைவாக பேசிய தவெக எம்.எல்.ஏ...!

சேலத்தில் கட்டப்பட்டு வரும் கழிவு நீர் கால்வாய் , பொது மக்களுக்கு பாதிப்பு ஏற்படாத வகையில் கட்டப்பட்டு வரும் நிலையில் , ஒப்பந்தாரரை மிரட்டுவதற்காக வேலையை நிறுத்த வேண்டும் என்று தவெக சட்டமன்ற உறுப்பினர் அடாவடியாக பேசும் வீடியோ வைரல்

கட்டப்பட்டு வரும் கால்வாயை உடைத்து விடுவேன் என்றும் தான் ஒரு எம்எல்ஏ என்றும் கூறி தகாத வார்த்தைகளால் ஒப்பந்ததாரர்களை மிரட்டு தொனியில் பேச்சு

 சேலம் மாநகராட்சி பகுதியில் அமைந்துள்ள மூக்கனேரி என்ற ஏரியில் இருந்து வெளியேறும் உபரி நீர் அந்த பகுதியில் உள்ள குடியிருப்புகளுக்குள் நுழைந்து விடுவதாக தொடர்ந்து புகார் வந்ததாலும், மேலும் அப்பகுதியில் உள்ள வீடுகளில் இருந்து வெளியேறும் கழிவுநீரும் முறையாக செல்ல வழி இல்லாததால் சாலைகளிலேயே கரிவு வெளியேறியது. இதனால் கடந்த திமுக ஆட்சியின் பொழுது கழிவுநீர் கால்வாய் அமைக்க நிதி ஒதுக்கீடு செய்யப்பட்டு பணிகள் முடியும் தருவாயில் உள்ளன.

இதையும் படிங்க: அடுத்த இடி..! அதிமுகவிலிருந்து மேலும் 15 பேர் தவெக வருவார்கள்... செங்கோட்டையன் உறுதி..!!

சுமார் பத்து அடி ஆழத்திற்கு 8 அடி அகலத்திற்கும் பெரிய அளவில் அமைக்கப்படும் இந்த கழிவுநீர் கால்வாயில் , யாரும் தவறி விழுந்திட கூடாது என்ற நோக்கில் கால்வாயின் மேற்புறம் சிமெண்ட் ஸ்லாப் அமைத்து பணிகள் முழு வீச்சில் நடைபெற்று வருகின்றன.

 இந்த நிலையில் அந்தப் பகுதியில் ஆய்வு என்ற பெயரில் வந்த வடக்கு சட்டமன்ற தொகுதி தவெக சட்டமன்ற உறுப்பினர் சிவக்குமார், கால்வாயின் மேல்பகுதியில் சிமெண்ட் ஸ்லாப் அமைப்பதற்கு எதிர்ப்பு தெரிவித்து , அங்குள்ள ஒப்பந்ததாரரிடம் கடுமையான தகாத வார்த்தைகள் பேசி மிரட்டல் விடுத்துள்ளார்.

மேலும் கால்வாய் என்றால் திறந்து இருக்க வேண்டும் , ஏன் மூடியவாறு கட்டுகிறார்கள் , யாராவது விழுந்தால் எப்படி தூக்க முடியும் என மிரட்டல் விடுத்து பேசியதோடு, தான் ஒரு எம்எல்ஏ என்றும் தற்போது நினைத்தால் இந்த சிமெண்ட் ஸ்லாப்பை உடைத்து எறிந்து விடுவதாகவும் கூறி , தகாத வார்த்தைகளால் ஒப்பந்ததாரர்களை பேசிய வீடியோ தற்போது சமூக வலைதளங்களில் வைரல் ஆகி வருகிறது..

 குறிப்பாக அகலமான கால்வாய் அமைக்கும் போது மேல்புறத்தில் சிமெண்ட் ஸ்லாப் அமைப்பது தான் நடைமுறை. பொது மக்களின் பாதுகாப்பிற்காக தான் மேல்புறம் மூடப்படுகிறது. 

ஆனால் ஒப்பந்ததாரரிடம் எதையாவது பெற வேண்டும் என்பதற்காக வடக்கு சட்டமன்ற உறுப்பினர் 

தவெக வை சேர்ந்த சிவக்குமார் பேசி இருப்பது பலரையும் அதிர்ச்சியில் ஆழ்த்தியுள்ளது..

இதையும் படிங்க: கொள்கை என்பது சொல் அல்ல, செயல்! தவெகவில் 15 பெண் எம்.எல்.ஏ-க்கள் என ஐடி விங் பெருமிதம்!