26 நாட்கள் தொடர் உண்ணாவிரதத்தை முடித்துக் கொண்டார் சோனம் வாங்சுக்... நள்ளிரவில் நடந்தது என்ன?

நாட்டில் நிலவும் வன்முறை அச்சுறுத்தல் மற்றும் அரசின் உறுதிமொழிகளைக் காரணம் காட்டி, பிரபல சமூக ஆர்வலர் சோனம் வாங்சுக் நள்ளிரவில் தனது 26 நாள் உண்ணாவிரதத்தை முடித்துக்கொண்டார். நேற்று நள்ளிரவில் குருகிராமில் உள்ள மெதாந்தா மருத்துவமனையில் மத்திய அமைச்சர்கள் ஜே.பி. நட்டா மற்றும் ஜிதேந்திர சிங் ஆகியோர் அவருக்கு எலுமிச்சை ஜூஸ் கொடுத்து, உண்ணாவிரதத்தை முடித்துக்கொள்ளுமாறு அவரை வற்புறுத்தினர்.

குழப்பமான அரசாங்க முடிவுகள்:

மாணவர்களின் போராட்டம் தீவிரமடைந்ததாலும், வாங்சுக்கின் உடல்நிலை மோசமடைந்ததாலும், பிரதமர் நரேந்திர மோடியே களத்தில் இறங்கினார். காலையிலும் இரவிலும் என இருமுறை நிலைமைக்கு பதிலளித்த பிரதமர், கசிவுகளுக்கு எதிராகக் கடுமையான நடவடிக்கை எடுக்கப்படும் என்று உறுதியளித்தார். பிரதமரின் அறிவிப்பு வெளியான சில மணி நேரங்களிலேயே, மத்திய அரசு பல முக்கிய முடிவுகளை எடுத்தது

இதையும் படிங்க: "காவிரி விவகாரம் பேச பெங்களூரு வாருங்கள்!" - முதலமைச்சர் விஜய்க்கு கர்நாடக முதல்வர் சிவக்குமார் அழைப்பு!

விரைவு நீதிமன்றம் அறிவிப்பு: 

நீட் வினாத்தாள் கசிவு வழக்கில் குற்றவியல் நடவடிக்கைகளை விரைவாக நடத்துவதற்காக, டெல்லி உயர் நீதிமன்றம் ஒரு சிறப்பு விரைவு நீதிமன்றத்தை அறிவித்துள்ளது. ரவுஸ் அவென்யூ நீதிமன்ற வளாகத்தில் இருந்து செயல்படவிருக்கும் இந்த சிறப்பு நீதிமன்றத்தின் நீதித்துறை அதிகாரியாக அனு குரோவர் பாலிகா நியமிக்கப்பட்டுள்ளார்.

உயர்கல்விச் செயலாளர் இடமாற்றம்: 

சர்ச்சையையடுத்து, மத்திய உயர்கல்விச் செயலாளர் வினீத் ஜோஷியை அரசு இடமாற்றம் செய்துள்ளது. அவர் பஞ்சாயத்து ராஜ் துறைக்கு மாற்றப்பட்டு, அவருக்குப் பதிலாக நரேஷ் கங்வார் உயர்கல்விச் செயலாளராக நியமிக்கப்பட்டுள்ளார். மேலும், டி.கே. அனில் குமாருக்குப் பள்ளிக் கல்விச் செயலாளராகப் பொறுப்பு வழங்கப்பட்டுள்ளது.

பிரதமர் மோடி கொடுத்த உறுதி: 

மாணவர்களின் எதிர்காலத்தைச் சீர்குலைப்பவர்கள் எந்தச் சூழ்நிலையிலும் கண்டுகொள்ளப்படாமல் விடப்பட மாட்டார்கள் என்று பிரதமர் மோடி தெளிவுபடுத்தினார். வினாத்தாள் கசிவுக்குக் காரணமான குற்றவாளிகளைக் கடுமையாகத் தண்டிப்பதற்குத் தேவையான அனைத்து நடவடிக்கைகளையும் எடுக்குமாறு அதிகாரிகளுக்கு அறிவுறுத்தியுள்ளதாக அவர் கூறினார். மாணவர்கள் அமைதியாக இருக்க வேண்டும் என்றும், அவர்களின் நலன்களைப் பாதுகாப்பதே அரசின் முதல் முன்னுரிமை என்றும் அவர் தெரிவித்தார்.

நடந்தது என்ன?

நீட் உள்ளிட்ட பல தேர்வுகளின் வினாத்தாள் கசிவுகளுக்கு தார்மீகப் பொறுப்பேற்று, மத்திய கல்வி அமைச்சர் தர்மேந்திர பிரதான் பதவி விலக வேண்டும் என்ற கோரிக்கை வலுத்தது. டெல்லியில் உள்ள ஜந்தர் மந்தரில் அவர் மேற்கொண்டு வரும் காலவரையற்ற உண்ணாவிரதம் நாடு முழுவதும் ஒரு சூடான விவாதப் பொருளாக மாறியது. 

சோனம் வாங்சுக்கின் உண்ணாவிரதத்தின் 21-வது நாளில், டெல்லி காவல்துறை அவரை சப்தர்ஜங் மருத்துவமனைக்கு மாற்றியது. அவரது உடல்நிலை காரணமாகவே அவர் மருத்துவமனைக்கு அழைத்துச் செல்லப்பட்டதாக காவல்துறை கூறினாலும், அவர் வலுக்கட்டாயமாக அழைத்துச் செல்லப்பட்டதாக அவரது ஆதரவாளர்கள் குற்றம் சாட்டுகின்றனர். அவரது மனைவி கீதாஞ்சலி ஆங்மோ, தன் கணவரை ஒரு தனியார் மருத்துவமனைக்கு மாற்றுவதற்காக டெல்லி உயர் நீதிமன்றத்தை அணுகினார், ஆனால் நீதிமன்ற அமர்வு முக்கிய உத்தரவுகளைப் பிறப்பித்தது. சோனம் வாங்சுக்கை மெதாந்தா மருத்துவமனைக்கு மாற்ற உயர் நீதிமன்றம் அனுமதித்தது. அங்கும் அவர் உண்ணாவிரதத்தை தொடர்ந்து வந்த நிலையில், மத்திய அமைச்சர்கள் உடனான பேச்சுவார்த்தை மற்றும் நீட் வினாத்தாள் கசிவு விவகாரத்தில் பிரதமர் மோடி கொடுத்த வாக்குறுதிகளை ஏற்றுக்கொண்டு 26 நாட்களாக தொடர்ந்து வந்த உண்ணாவிரத்தத்தை நேற்று நள்ளிரவு முடித்துக்கொண்டார்.

இதையும் படிங்க: “டெல்லியில் போராடி வருவது மாணவர்களே அல்ல.. ரவுடிகள்...” - பகீர் கிளப்பிய நயினார் நாகேந்திரன்...!