மாதம் ரூ.2,500! வருசம் 6 கேஸ் சிலிண்டர்!! பட்ஜெட்டில் வெளியாகும் அறிவிப்பு எது?! முதல்வர் விஜய் ஆலோசனை!
தலைமைச் செயலகத்தில் பட்ஜெட் தயாரிப்பு குறித்து 2-வது நாளாக முதலமைச்சர் விஜய் தலைமையில் ஆலோசனை கூட்டம் நடைபெற்றது
by
சென்னை: தமிழ்நாட்டின் 2026-27ம் ஆண்டு பட்ஜெட் தயாரிப்பு பணிகள் தீவிரமடைந்துள்ள நிலையில், முதலமைச்சர் விஜய் தலைமையில் தலைமைச் செயலகத்தில் இரண்டாவது நாளாக ஆலோசனைக் கூட்டம் நடைபெற்றது. துறை ரீதியான முன்னேற்பாடுகளை விரைவுபடுத்தும் வகையில் முதலமைச்சர் தொடர்ந்து அதிகாரிகளுடன் ஆலோசனை நடத்தி வருகிறார்.
கடந்த மாதம் 18-ம் தேதி முதலமைச்சர் விஜய் பதவி ஏற்ற பிறகு சட்டசபை முதல் முறையாகக் கூடியது. பொறுப்பு ஆளுநர் அர்லேக்கர் உரை நிகழ்த்தினார். ஆளுநர் உரைக்கு நன்றி தெரிவிக்கும் தீர்மானத்தின் மீதான விவாதத்துக்கு முதலமைச்சர் விஜய் பதிலளித்தார்.
அதன்பிறகு சட்டசபை கூட்டத்தொடர் தேதி குறிப்பிடாமல் ஒத்திவைக்கப்பட்டது. இந்த இடைவெளியில் பட்ஜெட் தயாரிப்புப் பணிகள் முழு வீச்சில் நடைபெற்று வருகின்றன. இம்மாத இறுதியில் அல்லது அடுத்த மாதம் தொடக்கத்தில் சட்டசபை மீண்டும் கூடி பட்ஜெட் தாக்கல் செய்யப்படும் என எதிர்பார்க்கப்படுகிறது.
இதையும் படிங்க: முதல்வர் விஜய் ஆய்வுக்கு இதெல்லாம் முக்கியம்! சின்ன தப்பு கூட நடக்கக்கூடாது! துறை செயலர்களுக்கு உத்தரவு!
முதலமைச்சர் விஜய் தலைமையில் நேற்று தொடங்கிய துறை வாரியான ஆலோசனைக் கூட்டத்தில் கூட்டுறவு மற்றும் உணவுத்துறை, வருவாய் மற்றும் பேரிடர் மேலாண்மைத் துறை சார்ந்த அதிகாரிகள் பங்கேற்றனர். இன்று இரண்டாவது நாள் கூட்டத்தில் ஊரக வளர்ச்சித் துறை மற்றும் நெடுஞ்சாலைத் துறை அதிகாரிகளுடன் முதலமைச்சர் விரிவான ஆலோசனை நடத்தினார்.
பட்ஜெட்டில் புதிய திட்டங்கள், தற்போதைய திட்டங்களின் செயல்பாடு, நிதி ஒதுக்கீடு உள்ளிட்டவை குறித்து விரிவாக ஆய்வு செய்யப்படுகிறது. முதலமைச்சர் விஜய் தலைமையில் 22-ம் தேதி வரை தொடர்ந்து துறை வாரியான ஆலோசனைக் கூட்டங்கள் நடைபெற உள்ளன. ஒவ்வொரு நாளும் காலையில் தலைமைச் செயலகத்தில் இந்தக் கூட்டங்கள் நடைபெறும் என அறிவிக்கப்பட்டுள்ளது.
புதிய அரசு பொறுப்பேற்றுள்ள சூழலில், மக்கள் எதிர்பார்க்கும் பல்வேறு திட்டங்களுக்கு போதிய நிதி ஒதுக்கீடு செய்யப்படும் என எதிர்பார்ப்பு நிலவுகிறது. குறிப்பாக ஊரக வளர்ச்சி, நெடுஞ்சாலை, வருவாய் போன்ற முக்கிய துறைகளுக்கு எவ்வளவு முக்கியத்துவம் அளிக்கப்படுகிறது என்பதை நோக்கி அரசியல் வட்டாரங்கள் கவனம் செலுத்தி வருகின்றன. முதலமைச்சர் விஜய் தலைமையிலான இந்த ஆலோசனைக் கூட்டங்கள் பட்ஜெட்டின் திசையை நிர்ணயிக்கும் என்பதால் பெரும் எதிர்பார்ப்பை ஏற்படுத்தியுள்ளன.
இதையும் படிங்க: அசெம்பிளில கவனிச்சிக்குறேன்! உதயநிதி ஸ்டாலின் ஸ்கெட்ச்! சட்டசபை கூட்டத்தொடரில் முதல்வர் விஜய்க்கு காத்திருக்கும் நெருக்கடி!
