வந்தாச்சு குட்நியூஸ்! காவலர் நாளில் முதல்வர் விஜய் முக்கிய வாக்குறுதி! சிறப்பு வாழ்த்து!

சென்னை: காவலர் நாளை முன்னிட்டு, தமிழக முதல்வர் சி. ஜோசப் விஜய் காவல்துறையினருக்கு வாழ்த்து தெரிவித்துள்ளார். இதுதொடர்பாக தனது சமூக வலைதளப் பக்கத்தில் அவர் வெளியிட்டுள்ள பதிவில், காவலர்களின் பணியையும் தியாகத்தையும் பாராட்டியதுடன், அவர்களின் நலனுக்காக அரசு முன்னுரிமை அளிக்கும் என தெரிவித்துள்ளார்.

1859-ம் ஆண்டு மெட்ராஸ் மாவட்டக் காவல் சட்டம் நிறைவேற்றப்பட்டதன் மூலம் நவீன மற்றும் அமைப்புரீதியான காவல்துறை உருவான நாளை நினைவுகூரும் வகையில் காவலர் நாள் கடைப்பிடிக்கப்படுவதாக முதல்வர் தனது பதிவில் குறிப்பிட்டுள்ளார்.

சமூகத்தில் அமைதியை நிலைநாட்டவும், சட்டத்தின் ஆட்சியை உறுதி செய்யவும் காவல்துறையினர் தன்னலமின்றி பணியாற்றி வருவதாக அவர் தெரிவித்துள்ளார். குற்றங்களைத் தடுப்பது, சட்டம்-ஒழுங்கை பராமரிப்பது மட்டுமின்றி, ஆபத்தான சூழல்கள் மற்றும் பேரிடர் காலங்களிலும் பொதுமக்களின் உயிர், உடைமை மற்றும் உரிமைகளை பாதுகாக்க காவல்துறையினர் துணிச்சலுடன் செயல்படுவதாகவும் அவர் பாராட்டியுள்ளார்.

இதையும் படிங்க: எம்.ஜி.ஆர்., ஜெயலலிதாவுக்கு பிறகு... வடமாநிலங்களில் விஜய்க்கு கிடைக்கும் கவனம்! சந்திக்க காத்திருக்கும் எம்.பி.,க்கள்?

காவலர்களின் வீரமும் தியாகமும் எப்போதும் போற்றத்தக்கது என்றும் முதல்வர் குறிப்பிட்டுள்ளார். காவல்துறையினர் எதிர்கொள்ளும் பணிச்சுமையை குறைப்பதற்கும், அவர்களின் பணியை நவீனமயமாக்குவதற்கும் அரசு முக்கியத்துவம் அளிக்கும் எனவும் தெரிவித்துள்ளார்.

குறிப்பாக காவல்துறையினருக்கு நவீன தொழில்நுட்ப வசதிகளை ஏற்படுத்தி, பணித்திறனை மேம்படுத்த நடவடிக்கை எடுக்கப்படும் என முதல்வர் கூறியுள்ளார். அதேபோல் காவலர்களுக்கும் அவர்களது குடும்பத்தினருக்கும் தேவையான நலத்திட்டங்களை உறுதி செய்வதிலும் அரசு முன்னுரிமை செலுத்தும் என தெரிவித்துள்ளார்.

காவல்துறையின் பணிச்சுமை, தொழில்நுட்ப வசதிகள் மற்றும் குடும்ப நலன் ஆகியவை முக்கியமான அம்சங்களாக இருக்கும் என முதல்வரின் பதிவு மூலம் தெரியவருகிறது. காவலர்களின் பணியை பாராட்டுவதுடன், அவர்களுக்குத் தேவையான ஆதரவையும் வழங்க வேண்டியதன் அவசியத்தையும் இந்த வாழ்த்துச் செய்தி வலியுறுத்துகிறது.

மேலும், பொதுமக்களும் காவல்துறையினரும் இணைந்து செயல்பட வேண்டும் என முதல்வர் வேண்டுகோள் விடுத்துள்ளார். நம்பிக்கை மற்றும் நல்லிணக்கத்துடன் இருதரப்பினரும் பயணித்தால் அமைதியும் பாதுகாப்பும் நிறைந்த தமிழகத்தை உருவாக்க முடியும் என்றும் அவர் தெரிவித்துள்ளார்.

காவலர் நாளில் காவல்துறையினரின் சேவையை நினைவுகூர்ந்த முதல்வர் விஜய், அவர்களின் வீரத்துக்கும் தியாகத்துக்கும் நன்றி தெரிவித்ததுடன், காவலர்கள் மற்றும் அவர்களது குடும்பங்களின் நலனில் அரசு கவனம் செலுத்தும் என்ற உறுதியையும் தெரிவித்துள்ளார்.

இதையும் படிங்க: உள்ளாட்சித் தேர்தலுக்கு தவெக போடும் ஸ்கெட்ச்... விடாப்பிடியாக அடித்த கம்யூனிஸ்ட்கள்...!