ஆளுநருக்கு அதிகாரம் கிடையாது! இத்தோட நிறுத்திக்கோங்க! அமைச்சர் நிர்மல்குமார் கறார் உத்தரவு!!

மதுரை: மதுரையில் நேற்று பொறுப்பு ஆளுநர் அர்லேக்கர் அரசு திட்டங்கள் குறித்து ஆய்வு மேற்கொண்ட சம்பவம் பெரும் அரசியல் பரபரப்பை ஏற்படுத்தியுள்ளது. ஆளுநர் நேரடியாக ஆட்சி அதிகாரத்தில் தலையிட்டு ஆய்வு செய்ய முடியாது என திமுக, இடதுசாரி கட்சிகள் மற்றும் விசிக உள்ளிட்ட கட்சிகள் கடும் கண்டனம் தெரிவித்துள்ளன.

இந்நிலையில், ஆளுநர் ஆய்வுக்கு அரசு அதிகாரிகள் ஒத்துழைப்பு கொடுக்கக் கூடாது என தமிழக அரசு சார்பில் தெளிவான உத்தரவு பிறப்பிக்கப்பட்டுள்ளது. அரசு திட்டங்களை ஆய்வு செய்ய ஆளுநருக்கு எந்த உரிமையும் இல்லை என்றும், அனுமதியின்றி ஆளுநரை அரசு அதிகாரிகள் சந்திக்கக் கூடாது என்றும் உயர் அதிகாரிகளுக்கு அமைச்சர் சி.டி. நிர்மல் குமார் கடுமையான உத்தரவு அனுப்பியுள்ளார்.

ஆளுநர் அர்லேக்கர் மதுரைக்கு நேரில் வந்து பல்வேறு துறைகளின் செயல்பாடுகளைப் பார்வையிட்டதற்கு எதிர்ப்பு தெரிவித்த திமுக உள்ளிட்ட கட்சிகள், இது அரசியல் சாசனத்துக்கு எதிரான செயல் என விமர்சித்தன. மாநில அரசின் அதிகாரத்துக்கு ஆளுநர் தலையிடுவது ஏற்புடையதல்ல என்று அவர்கள் வலியுறுத்தினர்.

இதையும் படிங்க: மக்களுக்கு ரூ.2,000! எம்.எல்.ஏ-க்களுக்கு ரூ.50கோடி! மு.க.ஸ்டாலின் திட்டம் இதுதான்! அமைச்சர் நிர்மல்குமார் விளாசல்!

அமைச்சர் சி.டி. நிர்மல் குமார் இதுகுறித்து அதிகாரிகளிடம் தெளிவாகக் கூறியதாகத் தகவல்கள் வெளியாகியுள்ளன. அரசு திட்டங்கள் மற்றும் செயல்பாடுகளை மதிப்பீடு செய்யும் பொறுப்பு மாநில அரசுக்கே உள்ளது. ஆளுநர் தரப்பில் இருந்து வரும் அழைப்புகளுக்கு முன்கூட்டிய அனுமதி இல்லாமல் பதில் அளிக்கவோ அல்லது சந்திக்கவோ கூடாது என அறிவுறுத்தப்பட்டுள்ளது.

இந்த சம்பவம் தமிழகத்தில் ஆளுநர் – அரசு இடையேயான மோதல் மீண்டும் தீவிரமடைந்துள்ளதை காட்டுகிறது. கடந்த சில ஆண்டுகளாகவே ஆளுநர் ரவியுடன் தமிழக அரசுக்கு இடையே பல விவகாரங்களில் கருத்து வேறுபாடு நிலவி வருவது குறிப்பிடத்தக்கது. தற்போதைய நடவடிக்கை அந்தப் பதற்றத்தை மேலும் அதிகரித்துள்ளது.

எதிர்க்கட்சிகளோ, ஆளுநரின் ஆய்வு மாநிலத்தின் முன்னேற்றத்துக்கு உதவும் என்று கூறி வருகின்றன. ஆனால் ஆளும் தரப்பு இதை அரசியல் தலையீடு என்கிறது. இந்த விவகாரம் அடுத்த சில நாட்களில் மேலும் பரபரப்பை ஏற்படுத்தும் என அரசியல் வட்டாரங்கள் கருதுகின்றன. 

இதையும் படிங்க: அதிமுகவுடன் இணைந்து திமுக ஆட்சி அமைக்க திட்டம்? அத்தனை எம்.எல்.ஏ-க்களும் ராஜினாமா செய்ய ரெடி! - நிர்மல்குமார்!