#BREAKING: சும்மா அதிருது- ல..! பெரம்பூர் தொகுதியில் பிரச்சாரத்தை தொடங்கிய விஜய்..! உற்சாக வரவேற்பு..!!
பெரம்பூர் சட்டமன்ற தொகுதியில் இருந்து தனது பிரச்சாரத்தை விஜய் தொடங்கினார்.
by
தமிழக வெற்றிக் கழகத்தின் தலைவரும், நடிகருமான விஜய், தமிழ்நாடு சட்டமன்றத் தேர்தலை முன்னிட்டு தனது அரசியல் பயணத்தை தீவிரப்படுத்தியுள்ளார். சென்னை பெரம்பூர் தொகுதியில் இன்று தனது வேட்பு மனுவை தாக்கல் செய்து, அதன் பின்னர் அங்கேயே தனது தேர்தல் பரப்புரையை உற்சாகமாகத் தொடங்கினார். இந்த நிகழ்வு தவெகவினரிடையே மட்டுமின்றி, பொதுமக்களிடையேயும் பெரும் எதிர்பார்ப்பையும் உற்சாகத்தையும் ஏற்படுத்தியுள்ளது. விஜய் பெரம்பூர் தொகுதியில் போட்டியிடுவார் என்பது ஏற்கனவே தவெக வட்டாரங்களில் பேசப்பட்டு வந்தது.
நேற்று கட்சியின் 234 தொகுதிகளுக்கான வேட்பாளர் பட்டியலை அவர் அறிவித்த நிலையில், அடுத்த நாளே பெரம்பூரில் தனது வேட்பு மனுவை தாக்கல் செய்ய திட்டமிட்டிருந்தார். இந்த தொகுதியை அவர் தனது தேர்தல் அறிமுகத்திற்கு தேர்ந்தெடுத்ததற்கு, வட சென்னையின் பல்வேறு பிரச்சினைகளுக்கு தீர்வு காண்பதில் உள்ள ஆர்வமும், உள்ளூர் மக்களின் எதிர்பார்ப்பும் முக்கிய காரணமாகக் கருதப்படுகிறது.
வேட்பு மனு தாக்கல் செய்யும் முன்பாகவே, பெரம்பூர் தொகுதியில் பரப்புரைக்கு அனுமதி கோரியபோது சில சிரமங்கள் ஏற்பட்டன. காவல் துறை மற்றும் உள்ளூர் அதிகாரிகளிடமிருந்து அனுமதி மறுக்கப்பட்டதாக விஜய் தரப்பில் புகார் எழுந்தது. இதனைத் தொடர்ந்து, அவர் தலைமை தேர்தல் அதிகாரியை நேரில் சந்தித்து புகார் மனு அளித்தார். இந்த நடவடிக்கைக்குப் பிறகு, மார்ச் 30 அன்று பெரம்பூரில் பொதுக்கூட்டம் நடத்த அனுமதி கிடைத்தது. அதன்படி இன்று பெரம்பூர் தொகுதியில் வேட்பு மனுவை தாக்கல் செய்த விஜய், அதன் பின்னர் தவெகவின் தேர்தல் பணிமனைக்குச் சென்றார்.
இதையும் படிங்க: கை கொடுக்குமா கோபிசெட்டிபாளையம்? முதல் முறையாக தவெகவில் களம் காணும் செங்கோட்டையன்... வேட்பு மனுத் தாக்கல்..!!
அங்கிருந்து பரப்புரை நிகழ்ச்சிக்கு நகர்ந்தார். பெரம்பூர் முழுவதும் விஜய்யின் வருகையை எதிர்பார்த்து ஆயிரக்கணக்கான தவெக தொண்டர்களும், ஆதரவாளர்களும் திரண்டனர். தெருக்கள் முழுவதும் கொடிகளும், பதாகைகளும் அலங்கரிக்கப்பட்டிருந்தன. விஜய் வந்தபோது, மக்கள் “தளபதி... தளபதி...” என்று முழக்கமிட்டு, பெரும் உற்சாக வரவேற்பு அளித்தனர். இந்த வரவேற்பு விஜய்யின் அரசியல் செல்வாக்கை மீண்டும் ஒருமுறை உறுதிப்படுத்தியது.
இதையும் படிங்க: #BREAKING: விசில் போடு..! HOTSPOT- ஆன பெரம்பூர்… தவெக தலைவர் விஜய் வேட்பு மனுத் தாக்கல்…!
