அன்புமணி பிரசாரத்தில் புகுந்த வீரப்பன் மகள்! சேலத்தில் திடீர் பரபரப்பு!! வித்யா ராணி கைது!

சேலம் மாவட்டம் மேட்டூரில் நடைபெற்ற தேர்தல் பிரசார கூட்டத்தில் ஏற்பட்ட திடீர் பரபரப்பு, அரசியல் சூழலை மேலும் சூடுபிடிக்கச் செய்துள்ளது. பா.ம.க. தலைவர் அன்புமணி ராமதாஸ் (Anbumani Ramadoss) கலந்து கொண்ட பிரசார நிகழ்ச்சியில், நாம்தமிழர் கட்சி வேட்பாளர் வித்யா ராணி திடீரென நுழைந்ததால் பதற்றமான சூழல் உருவானது.

மேட்டூர் தொகுதியில் அ.தி.மு.க. வேட்பாளர் வெங்கடாஜலத்தை ஆதரித்து மேச்சேரி பகுதியில் உள்ள பத்ரகாளியம்மன் கோவில் அருகே அன்புமணி பிரசாரம் மேற்கொண்டார். அப்போது கூட்டம் நடந்து கொண்டிருந்த நேரத்தில், நா.த.க. வேட்பாளரான வித்யா ராணி திடீரென கூட்டத்துக்குள் நுழைந்து அன்புமணியிடம் நேரடியாக பேச முயன்றார்.

அவர் கூறுகையில், “பா.ம.க. தொண்டர்கள் சாலையை மறித்து நிற்பதால், எனது வாகனம் செல்ல முடியவில்லை; தயவு செய்து வழி விடச் சொல்லுங்கள்” என கேட்டதாக தெரிவிக்கப்படுகிறது. இதற்கு அன்புமணி “அதைப் பிறகு பார்க்கலாம்” என்று கூறி தனது பிரசாரத்தைத் தொடர்ந்தார். இதனால் மனவருத்தமடைந்த வித்யா ராணி, கூட்டத்திலேயே அமர்ந்து அழுததாகக் கூறப்படுகிறது.

இதையும் படிங்க: எம்.எல்.ஏ சீட் தர்றேன்னு சொல்லி ஏமாத்திட்டாங்க!! பாமக ராமதாஸ் பேரன் பரபரப்பு ஆடியோ! சிக்கலில் அன்புமணி!

இந்த சம்பவத்தையடுத்து பாதுகாப்பு காரணங்களைக் குறிப்பிட்டு போலீசார் உடனடியாக அவரை அங்கிருந்து அகற்றி காவல் நிலையத்துக்கு அழைத்துச் சென்றனர். இதனால் அங்கு சில நிமிடங்கள் பதற்றமான நிலை உருவானது.

பின்னர் செய்தியாளர்களிடம் பேசிய வித்யா ராணி, கடந்த சில நாட்களாக போலீசார் தன்னை தொடர்ந்து கண்காணித்து வருவதாக குற்றம்சாட்டினார். தனது வாகனம் பல இடங்களில் தடுத்து சோதனை செய்யப்படுவதாகவும், தேர்தல் செலவுக் கணக்குகளை அடிக்கடி கேட்கப்படுவதாகவும் அவர் தெரிவித்தார். மேலும், அந்த வழியை எளிதாக கடக்க முடிந்திருந்தும், குறிப்பாக தன்னை தடுத்ததாகவும் குற்றம் சாட்டினார்.

அன்புமணி குடும்பத்துடன் தங்களுக்கு பழக்கமும் மரியாதையும் உள்ளதால் தான் நேரடியாக பேச முயன்றதாகவும் அவர் கூறினார். இருப்பினும், தன்னை காவல் நிலையத்தில் வைத்திருப்பதாகவும், இதுவரை எந்த வழக்கும் பதிவு செய்யப்படவில்லை என்றும் தெரிவித்தார்.

இந்த சம்பவம் தேர்தல் நேரத்தில் அரசியல் கட்சிகளுக்கிடையே நிலவும் பதற்றத்தையும், பாதுகாப்பு நடவடிக்கைகளின் தாக்கத்தையும் வெளிப்படுத்துவதாக பார்க்கப்படுகிறது.

இதையும் படிங்க: என் போட்டோ போடாதீங்க! அன்புமணிக்கு கறார்! மீண்டும் கோர்ட் படியேறிய ராமதாஸ்!