கொங்கு மண்டலத்தை குறி வைக்கும் விஜய்!! தவெக அமைச்சரவையில் 8 பேருக்கு பதவி! அதிரடி திட்டம்!
ஒட்டுமொத்த விஜய் அமைச்சரவையில் உள்ள கொங்கு மண்டல அமைச்சர்களின் எண்ணிக்கை 8 ஆக உயர்ந்துள்ளது.
by
தமிழக வெற்றிக் கழக அரசின் புதிய அமைச்சரவை விரிவாக்கம், தமிழக அரசியலில் கொங்கு மண்டலத்தின் செல்வாக்கை மீண்டும் மையப்புள்ளியாக மாற்றியுள்ளது.
முதலமைச்சர் விஜய் (Vijay) தலைமையிலான புதிய அமைச்சரவையில், கோவை, ஈரோடு, சேலம், திருப்பூர் மற்றும் நாமக்கல் உள்ளிட்ட கொங்கு மாவட்டங்களுக்கு இதுவரை இல்லாத அளவுக்கு முக்கியத்துவம் வழங்கப்பட்டிருப்பது அரசியல் வட்டாரங்களில் பெரும் கவனத்தை ஈர்த்துள்ளது.
கடந்த மே 10ஆம் தேதி பதவியேற்ற முதல் கட்ட அமைச்சரவையில் இடம்பெற்ற கே.ஏ. செங்கோட்டையன் மற்றும் டாக்டர் கே.ஜி. அருண்ராஜ் ஆகியோருடன் சேர்த்து, தற்போது மேலும் 6 புதிய முகங்கள் அமைச்சரவையில் இணைக்கப்பட்டுள்ளதால், கொங்கு மண்டலத்தைச் சேர்ந்த அமைச்சர்களின் எண்ணிக்கை 8 ஆக உயர்ந்துள்ளது.
தமிழகத்தின் தொழில், ஏற்றுமதி, விவசாயம் மற்றும் நகர்ப்புற வளர்ச்சியின் மையமாக விளங்கும் இந்தப் பகுதியை அரசியல் ரீதியாக முழுமையாக கைப்பற்றும் வியூகத்தில்தான் விஜய் செயல்படுகிறார் என கூறப்படுகிறது.
இதையும் படிங்க: சென்னையில் மட்டும் 7 அமைச்சர்கள்!! தலைநகரில் தனிகவனம் செலுத்தும் விஜய்! பின்னணி இதோ!
கோபிச்செட்டிப்பாளையம் தொகுதியிலிருந்து வெற்றி பெற்ற கே.ஏ. செங்கோட்டையனுக்கு நிதித்துறை வழங்கப்பட்டிருப்பது, கொங்கு மண்டலத்தின் அனுபவ அரசியலுக்கு விஜய் அளிக்கும் மதிப்பை காட்டுகிறது. திருச்செங்கோடு தொகுதியைச் சேர்ந்த முன்னாள் ஐஆர்எஸ் அதிகாரி டாக்டர் கே.ஜி. அருண்ராஜ் சுகாதாரத் துறையை கவனித்து வருகிறார்.
தற்போது நடைபெற்ற அமைச்சரவை விரிவாக்கத்தில் ராசிபுரம் தொகுதியின் டி. லோகேஷ் தமிழ்செல்வன், சேலம் தெற்கின் ஏ. விஜய் தமிழன் பார்த்திபன், அவினாசியின் எஸ். கமல், குமாரபாளையத்தின் சி. விஜயலட்சுமி, ஈரோடு கிழக்கின் எம். விஜய் பாலாஜி மற்றும் கிணத்துக்கடவின் கே. விக்னேஷ் ஆகியோர் அமைச்சர்களாக இணைக்கப்பட்டுள்ளனர்.
இளம் தலைமுறை, பெண்கள், பட்டியல் சமூக பிரதிநிதித்துவம் மற்றும் தொழில்-விவசாய சமநிலையை ஒன்றாக இணைக்கும் வகையில் இந்த அமைச்சரவை அமைக்கப்பட்டுள்ளதாக அரசியல் விமர்சகர்கள் கருதுகின்றனர்.
குறிப்பாக, தொழிற்சாலைகள், ஏற்றுமதி நிறுவனங்கள், நெசவு துறை மற்றும் விவசாய பொருளாதாரத்தின் மையமாக இருக்கும் கொங்கு மண்டலத்தின் ஆதரவை நீண்ட காலத்திற்கு உறுதிப்படுத்த விஜய் இந்த அரசியல் நகர்வை மேற்கொண்டுள்ளார் என்பதே முக்கிய அரசியல் வாசிப்பாக பார்க்கப்படுகிறது.
இதையும் படிங்க: "மீண்டும் வந்தே மாதரம் முதலிடம் "..! தமிழக அமைச்சர்கள் பதவியேற்பு விழா தொடக்கம்..!
