விஜய் போட்ட மாஸ்டர் ப்ளான்! ஷாக் தந்த திமுக! கடைசி நேரத்தில் மாறிய திட்டம்! விஜய் பயணத்தில் திடீர் திருப்பம்!!

தமிழக சட்டமன்றத் தேர்தல் 2026-க்கு தயாராகி வரும் நிலையில், தமிழக வெற்றிக் கழகம் (த.வெ.க.) தலைவர் நடிகர் விஜய் மாவட்டங்களில் தீவிரமாக மக்கள் சந்திப்பு பிரசாரம் மேற்கொண்டு வருகிறார். தேர்தல் அறிவிப்புக்கு முன்பே பல மாவட்டங்களில் சுற்றுப்பயணம் செய்ய திட்டமிட்டுள்ளார். வேலூர், தர்மபுரி, சேலம், திருநெல்வேலி உள்ளிட்ட மாவட்டங்களில் விஜய் பிரசாரம் செய்ய உள்ளார்.

வரும் 13-ம் தேதி சேலத்தில் பிரமாண்ட மக்கள் சந்திப்பு கூட்டம் நடத்த த.வெ.க. திட்டமிட்டுள்ளது. சேலம் மத்திய மாவட்ட செயலாளர் ஆ. பார்த்திபன் தலைமையில் நிர்வாகிகள், மகுடஞ்சாவடி போலீஸ் நிலையத்தில் அனுமதி கோரி கடிதம் அளித்துள்ளனர். அந்த கடிதத்தில், 2016-ல் முன்னாள் முதல்வர் ஜெயலலிதா அதே இடத்தில் (சேலம்-கோவை பிரதான சாலை, மகுடஞ்சாவடி பகுதி) தேர்தல் பொதுக்கூட்டம் நடத்தியதை சுட்டிக்காட்டி, அதே இடத்தில் விஜய் மக்கள் சந்திப்பு கூட்டத்துக்கு அனுமதி வழங்க வேண்டும் என்று கோரியுள்ளனர்.

சேலம் கூட்டத்துக்கு முன்பாக வேலூர் மாவட்டம் அகரம்சேரியில் வரும் 8-ம் தேதி பொதுக்கூட்டம் திட்டமிடப்பட்டிருந்தது. ஆனால், அதே நாளில் முதல்வர் மு.க. ஸ்டாலின் வேலூருக்கு வர இருப்பதால், பெரும்பாலான போலீசார் பாதுகாப்பு பணிக்கு சென்றுவிடுவர்.

இதையும் படிங்க: வேளச்சேரியில் பறக்கும் விசில் சப்தம்! விஜய் குஷி!! மு.க.ஸ்டாலின், எடப்பாடிக்கு ஷாக்!

இதனால் த.வெ.க. கூட்டத்துக்கு போதிய போலீஸ் பாதுகாப்பு அளிக்க முடியாது என்று அதிகாரிகள் தெரிவித்தனர். இதையடுத்து வேலூர் கூட்டத்தை ஒத்திவைக்கும் சூழல் ஏற்பட்டுள்ளது.

த.வெ.க. நிர்வாகிகள் கூறுகையில், சேலம் நிகழ்ச்சி முடிந்த பிறகு வேலூரில் கூட்டம் நடத்த ஆலோசனை நடத்தப்படும். அதற்குள் திருநெல்வேலி, தர்மபுரி ஆகிய மாவட்டங்களில் அனுமதி கிடைத்தால், அங்கு முன்கூட்டியே கூட்டம் நடத்தவும் திட்டமிடப்பட்டுள்ளது. விஜயின் சுற்றுப்பயணம் தொடர்ந்து தீவிரமடைந்து வருவதால், தமிழக அரசியல் களத்தில் பரபரப்பு ஏற்பட்டுள்ளது.

த.வெ.க. தலைவர் விஜய் தனது பிரசாரத்தில் மக்களின் பிரச்னைகளை வலியுறுத்தி வருகிறார். இந்த சுற்றுப்பயணங்கள் தேர்தல் களத்தில் கட்சியின் வாக்கு வங்கியை வலுப்படுத்தும் என எதிர்பார்க்கப்படுகிறது. சேலம் கூட்டத்துக்கு அனுமதி கிடைத்தால், அது பெரும் திரளாக நடைபெறும் என்று கட்சியினர் நம்பிக்கை தெரிவிக்கின்றனர். தேர்தல் நெருங்கி வரும் நிலையில், விஜயின் இந்த பயணங்கள் அனைத்து கட்சிகளின் கவனத்தையும் ஈர்த்துள்ளன.

இதையும் படிங்க: கருணாநிதியும், ஜெயலலிதாவும் ரோல் மாடலா? அப்போ கொள்கை தலைவர்கள் எங்கே? சீமான் கிடுக்குப்பிடி!