ஆதவிற்கு எதிராக களமிறங்கும் திமுக MLA மகன்...! எதிர்ப்பார்ப்பை தூண்டிய வில்லிவாக்கம் தொகுதி..!!

சென்னை வில்லிவாக்கம் சட்டமன்றத் தொகுதியில் தமிழக வெற்றி கழகத்தின் தேர்தல் பிரச்சார மேலாண்மைப் பொதுச் செயலாளராகப் பொறுப்பு வகிக்கும் ஆதவ் அர்ஜுனா போட்டியிடுவார் என எதிர்பார்க்கப்படும் நிலையில், அவருக்கு எதிராக திமுக சார்பில் அண்ணா நகர் தொகுதியின் தற்போதைய எம்எல்ஏ எம்.கே. மோகன் மகன் கார்த்திக் மோகன் களமிறக்கப்படலாம் என்ற தகவல் அரசியல் வட்டாரத்தில் சுற்றி வருகிறது.

ஆதவ் அர்ஜுனா, அரசியல் உத்தியாளராக அறியப்படுபவர். முன்பு விடுதலை சிறுத்தைகள் கட்சியில் இருந்து சர்ச்சைக்குரிய கருத்துகள் காரணமாக விலகிய பின்னர், நடிகர் விஜய் தொடங்கிய தமிழக வெற்றி கழகத்தில் இணைந்தார். த.வெ.கவின் தேர்தல் பிரச்சார மேலாண்மைப் பொதுச் செயலாளராக நியமிக்கப்பட்ட அவர், சென்னைப் பகுதியில் கட்சியின் செயல்பாடுகளை தீவிரமாக முன்னெடுத்து வருகிறார். வில்லிவாக்கம் தொகுதியில் அவர் தற்காலிக தேர்தல் அலுவலகம் அமைத்திருந்தார். இது கோயிலுக்கு சொந்தமான இடத்தில் அமைக்கப்பட்டதாகக் கூறி, தேர்தல் நடத்தை விதிகளை மேற்கோள் காட்டி காலி செய்யப்பட்ட சம்பவம் சமீபத்தில் பெரும் பேச்சுக்குரியதாக மாறியது.

இதில் ஆதவ் அர்ஜுனா தரப்பினர் அதிருப்தியை வெளிப்படுத்திய நிலையில், அவர் தொகுதியில் தீவிரமாக பிரச்சாரம் செய்து வருவதாகவும், சென்னையில் பல தொகுதிகளில் த.வெ.க வெற்றி பெறும் என நம்பிக்கை தெரிவித்து வருவதாகவும் கூறப்படுகிறது. 

இதையும் படிங்க: WAIT&SEE..! வில்லிவாக்கத்தில் செஞ்சி விட்ருவோம்... ஆதவ் அர்ஜுனாவுக்கு சேகர்பாபு எச்சரிக்கை..!!

இந்த நிலையில், திமுக தரப்பில் அண்ணா நகர் தொகுதியின் சிட்டிங் எம்எல்ஏ எம்.கே. மோகன் மகன் கார்த்திக் மோகனை வில்லிவாக்கத்தில் களமிறக்கலாம் என்ற தகவல் வெளியாகியுள்ளது. கார்த்திக் மோகன், திமுகவின் இளம் தலைவர்களில் ஒருவராகக் கருதப்படுகிறார். அண்ணா நகர் பகுதியில் கட்சி பணிகளில் ஈடுபட்டு வருபவர். அவரை வில்லிவாக்கத்தில் நிறுத்துவதன் மூலம், ஆதவ் அர்ஜுனாவுக்கு சவாலாக இருக்கும் ஒரு வேட்பாளரை அறிமுகப்படுத்தி, திமுகவின் வாக்கு வங்கியை தக்க வைக்க முயற்சி எடுக்கப்படலாம் என அரசியல் பார்வையாளர்கள் கருதுகின்றனர்.

இதையும் படிங்க: காலம் பேசாது... காத்திருந்து பதில் சொல்லும்..! ஆதவ் அர்ஜுனா சர்ச்சை... மௌனம் கலைத்த ரஜினி..!