அதிமுக கோட்டையில் விரிசல்.! எம்எல்ஏக்கள் ராஜினாமா எதிரொலி... 3 தொகுதிகள் காலியானதாக அறிவிப்பு..!

தமிழ்நாடு அரசியலில் ஒரு முக்கியமான திருப்பம் ஏற்பட்டது. அதிமுகவின் மூன்று சட்டமன்ற உறுப்பினர்கள் தங்கள் பதவியிலிருந்து ராஜினாமா செய்து, ஆளும் தமிழக வெற்றிக் கழகத்தில் இணைந்தனர். இதனைத் தொடர்ந்து, அவர்கள் பிரதிநிதித்துவம் செய்த மூன்று தொகுதிகளும் காலியாக அறிவிக்கப்பட்டுள்ளன. இந்த நிகழ்வு அதிமுகவுக்குப் பெரும் பின்னடைவை ஏற்படுத்தியுள்ளது மட்டுமின்றி, மாநில அரசியல் சமன்பாட்டை மேலும் சிக்கலாக்கியுள்ளது. 

ராஜினாமா செய்த மூன்று எம்எல்ஏக்கள்: மதுராந்தகம் தொகுதி (செங்கல்பட்டு மாவட்டம்) உறுப்பினர் மரகதம் குமரவேல், பெருந்துறை தொகுதி (ஈரோடு மாவட்டம்) உறுப்பினர் எஸ். ஜெயக்குமார் மற்றும் தாராபுரம் தொகுதி (திருப்பூர் மாவட்டம்) உறுப்பினர் பி. சத்யபாமா. இவர்கள் மூவரும் அதிமுகவின் எஸ்.பி. வேலுமணி - சி.வி. சண்முகம் தரப்பைச் சேர்ந்தவர்கள் எனக் கருதப்படுகின்றனர். மே 13 அன்று நடைபெற்ற நம்பிக்கை வாக்கெடுப்பின்போது இவர்கள் உள்ளிட்ட 25 எம்எல்ஏக்கள் தவெக அரசுக்கு ஆதரவு அளித்திருந்தனர். 

மே 25 அன்று மதியம் சென்னை செயலகத்தில் சட்டமன்ற சபாநாயகர் ஜே.சி.டி. பிரபாகரை சந்தித்து இம்மூவரும் தங்கள் ராஜினாமா கடிதங்களைச் சமர்ப்பித்தனர். சபாநாயகர் அவர்களின் ராஜினாமாக்களை ஏற்றுக்கொண்டதாக அறிவித்தார். பின்னர், தவெகவின் தேர்தல் மேலாண்மை பொதுச் செயலாளர் ஆதவ் அர்ஜுனாவைச் சந்தித்து அவர்கள் கட்சியில் இணைந்தனர். இந்த நடவடிக்கை அதிமுகவின் உள் பூசலை மேலும் தீவிரப்படுத்தியுள்ளது.

இதையும் படிங்க: பயிர் கடன் தள்ளுபடி.. விஞ்ஞான ஏமாற்று வேலை..! EPS கடும் குற்றச்சாட்டு..!

இந்த ராஜினாமாக்களால் மதுராந்தகம், பெருந்துறை மற்றும் தாராபுரம் தொகுதிகள் காலியானதாக அறிவிக்கப்பட்டு உள்ளது. முன்னதாக, தவெக தலைவர் விஜய் திருச்சி கிழக்கு தொகுதியை ராஜினாமா செய்திருந்ததால், தற்போது நான்கு தொகுதிகள் காலியாக உள்ளன. அடுத்த ஆறு மாதங்களுக்குள் இந்த தொகுதிகளுக்கு இடைத்தேர்தல் நடைபெற வாய்ப்புள்ளது.

இதையும் படிங்க: அதிமுக டு தவெகவிற்கு தாவிய சத்யபாமா... புகைப்படத்தை செருப்பால் அடித்து அதிமுகவினர் ஆவேசம்...!