அடுத்த விக்கெட்..! விஜய் கட்சியில் இணைந்த அதிமுக EX.MLA..! ஷாக் மேல ஷாக்..!
அதிமுக முன்னாள் MLA மனோகர் விஜய் முன்னிலையில் தவெக கட்சியில் இணைந்தார்.
by
வாசுதேவநல்லூர் தொகுதியின் முன்னாள் சட்டமன்ற உறுப்பினரான மனோகர் தமிழக வெற்றிக் கழகத்தில் இணைந்த நிகழ்வு தமிழக அரசியலில் கவனத்தை ஈர்த்துள்ளது. தென்காசி மாவட்டத்தில் உள்ள வாசுதேவநல்லூர் தொகுதியில் 2016ஆம் ஆண்டு சட்டமன்றத் தேர்தலில் அதிமுக சார்பில் போட்டியிட்டு வெற்றி பெற்றவர் இவர்.
அப்போது அந்தத் தொகுதியை அதிமுக கைப்பற்றியதில் மனோகரின் பங்களிப்பு முக்கியமானதாக இருந்தது. இந்நிலையில், சென்னையில் தமிழக வெற்றிக் கழகத்தின் தலைவர் விஜய்யை நேரில் சந்தித்த மனோகர், தன்னை அக்கட்சியில் இணைத்துக் கொண்டார். இந்த இணைப்பு விழா எளிமையாகவும் ஆனால் மிகுந்த உற்சாகத்துடனும் நடைபெற்றது.
விஜய் முன்னிலையில் மனோகர் தனது புதிய அரசியல் பயணத்தைத் தொடங்கினார். இந்த நிகழ்வு அதிமுகவுக்கு ஒரு அதிர்ச்சியை ஏற்படுத்தியுள்ளது என்றே கூறலாம். ஏனெனில், வாசுதேவநல்லூர் போன்ற தொகுதிகளில் அதிமுகவுக்கு வலுவான அடித்தளம் இருந்து வந்த நிலையில், முன்னாள் எம்எல்ஏ ஒருவர் தவெகவில் இணைவது கட்சியின் உள்ளூர் தொண்டர்களிடையே பேசுபொருளாக மாறியுள்ளது.
இதையும் படிங்க: சூடு பிடிச்சாச்சு..! ஜெ. பிறந்தநாளில் அதிமுக வேட்பாளர் பட்டியல்? திமுகவை முந்தும் EPS..!
மேலும், மனோகர் தென்காசி மாவட்ட பாஜக தலைவர் ஆனந்தன் அய்யாசாமியின் சொந்த அண்ணன் என்பதும் குறிப்பிடத்தக்கது. இது அரசியல் வட்டாரத்தில் மேலும் விவாதங்களைத் தூண்டியுள்ளது. இந்த இணைப்பு தவெகவுக்கு தென்மாவட்டங்களில் கூடுதல் பலத்தைச் சேர்க்கும் என எதிர்பார்க்கப்படுகிறது. அரசியல் களத்தில் இது போன்ற இணைப்புகள் புதிய அலையை உருவாக்கும் என்பது வழக்கமான ஒன்று. மனோகரின் இந்த முடிவு வரும் நாட்களில் தென்காசி, வாசுதேவநல்லூர் பகுதிகளில் எப்படிப்பட்ட தாக்கத்தை ஏற்படுத்தும் என்பதைப் பொறுத்திருந்து பார்க்கலாம்.
இதையும் படிங்க: அடுத்த விக்கெட்..! முதல்வர் முன்னிலையில் திமுகவில் ஐக்கியமாகும் அதிமுக EX. MINISTER..!
