அமெரிக்கா இல்லாத பாரசீக வளைகுடா தான் எங்கள் எதிர்காலம்! ஈரான் உச்ச தலைவர்மொஜ்தபா சூளுரை!

ஈரான் உயர்மட்ட ஆட்சியாளரும், உச்ச தலைவர் அயதுல்லா அலி கமேனியின் மகனுமான மொஜ்தபா கமேனி, பாரசீக வளைகுடா பிராந்தியத்தில் அமெரிக்கா இல்லாத ஒளிமயமான எதிர்காலம் உருவாகும் என்று உறுதியுடன் தெரிவித்துள்ளார்.

ஈரான் டிவியில் வாசிக்கப்பட்ட அவரது அறிக்கையில், “இறைவனின் உதவியாலும் சக்தியாலும், பாரசீக வளைகுடா பிராந்தியத்தில் ஒளிமயமான எதிர்காலம் அமெரிக்கா இல்லாத எதிர்காலமாக இருக்கும். அது ஈரான் மக்களின் முன்னேற்றம், வசதி மற்றும் சேவை செய்யும் எதிர்காலமாக அமையும்” என்று கூறினார்.

மொஜ்தபா கமேனி மேலும் கூறுகையில், “ஈரானின் தேசிய நலன்களுக்காக அணுசக்தி மற்றும் ஏவுகணைத் திறன்களை தொடர்ந்து பாதுகாப்போம். 9 கோடி ஈரானியர்களும் இந்த அணுசக்தி, ஏவுகணை, உயிரி தொழில்நுட்பம் உள்ளிட்டவற்றை ஈரானின் அடையாளமாகவும் தேசிய சொத்தாகவும் கருதுகின்றனர். நீர், நிலம், வான்வெளியைப் பாதுகாப்பது போலவே இந்த திறன்களையும் பாதுகாப்போம்” என்றார்.

இதையும் படிங்க: ஈரான் உச்ச தலைவர் உயிரோடு தான் உள்ளார்!! ஆனால்! வான்வழி தாக்குதலில் பலத்த காயம் அடைந்தார் மொஜ்தபா!!

அமெரிக்காவையும் இஸ்ரேலையும் கடுமையாக விமர்சித்த அவர், “அமெரிக்காவும் இஸ்ரேலும் பிராந்தியத்தின் அராஜகவாதிகள். அமெரிக்கா ஈரானுக்கு எதிரான போரில் அவமானகரமான தோல்வியை சந்தித்துவிட்டது. ஆயிரக்கணக்கான கிலோமீட்டர் தொலைவில் இருந்து வந்து பேராசையுடன் செயல்படும் வெளிநாட்டினருக்கு பாரசீக வளைகுடா மற்றும் ஒமன் வளைகுடாவில் நீரின் ஆழத்தைத் தவிர வேறு இடமில்லை” என்று எச்சரித்தார்.

பாரசீக வளைகுடா மற்றும் ஹார்முஸ் ஜலசந்திக்கு இப்போது புதிய அத்தியாயம் தொடங்கியிருப்பதாகவும், இப்பகுதியில் ஈரான் மற்றும் அதன் அண்டை நாடுகளுக்கு பொதுவான தலைவிதி உள்ளது என்றும் அவர் வலியுறுத்தினார்.

இந்த அறிக்கை ஈரான்-அமெரிக்கா இடையேயான பதற்றம் உச்சத்தில் இருக்கும் சூழலில் வெளியாகியுள்ளது. மொஜ்தபா கமேனியின் இந்தப் பேச்சு, ஈரான் தனது அணுசக்தி மற்றும் ராணுவத் திறன்களை எந்தச் சூழலிலும் கைவிடாது என்பதை தெளிவாக உணர்த்துகிறது.

ஈரான் மக்களிடையே தேசிய உணர்வை வலுப்படுத்தும் வகையில் அமைந்துள்ள இந்த அறிக்கை, சர்வதேச அளவில் கவனத்தை ஈர்த்துள்ளது.

இதையும் படிங்க: அணுசக்தி ஒப்பந்தம் கையெழுத்தாகாமல் போர் முடியாது!! ஈரானுக்கு அமெரிக்க அமைச்சர் திட்டவட்டம்!