சொல் வேறு, செயல் வேறு என இருக்கக் கூடாது!  முதல்வர் விஜய்யை சாடிய பிரேமலதா விஜயகாந்த்!

தமிழக அரசின் உத்தியோகபூர்வ டெல்லி சிறப்புப் பிரதிநிதியாக 'ஜனநாயகன்' திரைப்படத்தின் தயாரிப்பாளர் . கே.வெங்கட நாராயணா அவர்கள் நியமிக்கப்பட்ட விவகாரம், நாளுக்கு நாள் அசுர வேகத்தில் புதிய அரசியல் புயலைக் கிளப்பி வருகிறது. இச்சூழ்நிலையில், தேமுதிக பொதுச்செயலாளர் பிரேமலதா விஜயகாந்த் அவர்கள் இன்று செய்தியாளர்களைச் சந்தித்து, தவெக அரசின் இந்தத் தவறான நியமனத்தை உடனடியாக ரத்து செய்ய வேண்டும் எனப் புள்ளிவிவரக் காரணிகளுடன் காரசாரமாக வாதாடியுள்ளார். மேலும், தமிழகத்தில் நிலவி வரும் கடுமையான உள்கட்டமைப்பு மற்றும் விவசாயப் பிரச்சினைகளை முன்வைத்து அவர் அடுக்கடுக்கான குற்றச்சாட்டுகளை முன்வைத்துள்ளார்.

செய்தியாளர்கள் சந்திப்பில் பேசிய பிரேமலதா விஜயகாந்த், நான் முதல் நாளில் இருந்தே உத்தியோகபூர்வமாகத் தொடர்ந்து வலியுறுத்தி வருகிறேன், தமிழக அரசு விவசாயிகளின் பயிர் கடனை  முழுவதுமாகத் தள்ளுபடி செய்ய வேண்டும். ஏனென்றால், என்னுடைய சொந்தத் தொகுதியிலேயே கூட தற்பொழுது 600 அடி ஆழத்திற்குப் போர்வெல் போட்டாலும் துளி கூடத் தண்ணீர் வரவில்லை என்ற அவல நிலை நீடிக்கிறது. நிலத்தடி நீர்மட்டம் அடியோடு சரிந்து, வறட்சி கோரத்தாண்டவம் ஆடி வருகிறது. இத்தகைய இக்கட்டான சூழலில், உலகளாவிய பருவநிலை மாற்ற உத்தியான 'எல்-நினோ' (El Nino) தாக்கம் வேறாக உருவெடுத்து வந்தால், தமிழ்நாடு ஒட்டுமொத்தமாக மாபெரும் வறட்சி மாநிலமாக மாறும் அபாயம் உள்ளது. அதனால்தான், மழைநீரைச் சேமிக்கச் சொல்கிறோம்; கர்நாடகாவின் மேகதாது அணையைக் மிகத் தீவிரமாக எதிர்க்கிறோம் என்று தெரிவித்தார்.

இதையும் படிங்க: தமிழ்நாட்டில் இன்று கருப்பு நாள்; பெரியபாளையம் வாயு கசிவு விபத்து குறித்து பிரேமலதா விஜயகாந்த் உருக்கம்!

தவெக அரசின் டெல்லி தூதுவர் நியமனம் பற்றி பேசிய அவர், மத்திய-மாநில அரசுகளுக்கு இடையே ஒரு முக்கியப் பாலமாக இருந்து தமிழகத்தின் காவிரி மற்றும் நிதி உரிமைகளைப் பெற வேண்டிய டெல்லி சிறப்புப் பிரதிநிதி பதவிக்கு, தமிழ்நாட்டிற்கு எவ்விதத் தொடர்பும் இல்லாத கர்நாடக மாநிலத்தைச் சேர்ந்த ஒரு திரைப்பட தயாரிப்பாளரை நியமித்திருப்பது முற்றிலும் தவறானது. தனது சொந்தப் படத்தை தயாரித்தார் என்பதற்காக இத்தகைய உயரிய கேபினட் அந்தஸ்து அரசுப் பதவியை வழங்குவது நியாயமற்றது ஆகும். எனவே, வெங்கட் கே. நாராயணாவிற்கு வழங்கப்பட்ட இந்த 'டெல்லி சிறப்பு பிரதிநிதி' பதவி நியமன அரசாணையை முதலமைச்சர் ச.ஜோசப் விஜய் அவர்கள் உடனடியாக ரத்து செய்ய வேண்டும் என்று தீர்க்கமாக முழங்கினார்.

மேலும் தவெக அரசை எச்சரித்துப் பேசிய அவர், மக்களுக்கு ஒரு நல்லாட்சியை வழங்குவோம் என்று கூறிவிட்டு, திரைமறைவில் தங்களுக்கு வேண்டப்பட்டவர்களுக்குப் பதவிகளை வாரி வழங்கும் இந்தத் தவெக அரசு, 'சொல் வேறு; செயல் வேறு' என்று இல்லாமல் நேர்மையாக இருக்க வேண்டும். ஆட்சியில் நடக்கும் அத்தனை நிர்வாகக் குளறுபடிகளையும் தமிழக மக்கள் உன்னிப்பாகப் பார்த்துக் கொண்டிறார்கள் என்பதை ஆட்சியாளர்கள் மறந்துவிடக் கூடாது என்று எச்சரித்தார்.

இதையும் படிங்க: முன்னாள் முதல்வர் கலைஞர் கருணாநிதியின் 103-வது பிறந்தநாள்: தேமுதிக பொதுச்செயலாளர் பிரேமலதா விஜயகாந்த் வாழ்த்து!