சாதிய மோதல்களை தடுக்க HIGH ALERT..! தீவிர கண்காணிப்பில் சிறப்பு காவலர்கள்..! ஐஜி விஜயேந்திர பிதாரி பேட்டி..!

தென்மண்டல காவல்துறை ஐஜி விஜயேந்திர பிதாரி தலைமையில் நெல்லை மற்றும் தென்காசி மாவட்ட காவல் துறை அதிகாரிகள் பங்கேற்ற ஆலோசனைக் கூட்டம் நடைபெற்றது. இந்தக் கூட்டத்துக்குப் பின்னர் செய்தியாளர்களிடம் பேட்டியளித்த ஐஜி, தென்மாவட்டங்களில் சாதிய அடிப்படையிலான மோதல்களை முழுமையாகத் தடுக்க சிறப்பு கண்காணிப்பு நடவடிக்கைகள் தீவிரப்படுத்தப்பட்டுள்ளதாக அறிவித்தார்.

கூட்டத்தில் எடுக்கப்பட்ட முக்கிய முடிவுகளை விளக்கிய அவர், கிராமப்புறங்களில் கண்காணிப்பு பலப்படுத்தப்பட்டுள்ளதாகவும், தேவைப்படும் இடங்களில் சிறப்பு காவலர்கள் நியமிக்கப்பட்டுள்ளதாகவும் தெரிவித்தார். சாதிய மோதல்கள் ஏற்படக்கூடிய சூழல்களை முன்கூட்டியே கண்டறிந்து தடுப்பது, உள்ளூர் மக்களுடன் தொடர்புகளை வலுப்படுத்தி அமைதியை நிலைநாட்டுவது ஆகியவை முக்கிய நோக்கமாக இருப்பதாக அவர் வலியுறுத்தினார்.

மேலும், காவல்துறையினர் எந்தவிதமான சமுதாய அல்லது சாதி சார்ந்த பாரபட்சமும் இன்றி நடுநிலையுடன் செயல்பட வேண்டும் என்று அதிகாரிகளுக்கு உத்தரவு பிறப்பிக்கப்பட்டுள்ளது. சாதி பாரபட்சத்துடன் செயல்படும் காவலர்கள் மீது கடும் நடவடிக்கை எடுக்கப்படும் என எச்சரித்த ஐஜி, இது தொடர்பான புகார்கள் உடனடியாக விசாரிக்கப்பட்டு உரிய தண்டனை வழங்கப்படும் என்றும் உறுதியளித்தார். தென்மாவட்டங்களின் சட்டம் ஒழுங்கு நிலையை உறுதிப்படுத்தும் வகையில் இந்த நடவடிக்கைகள் மேற்கொள்ளப்படுவதாகவும், சிறிய அளவிலான பிரச்சினைகள் கூட பெரிய மோதலாக மாறாமல் தடுக்க கண்காணிப்பு அதிகரிக்கப்பட்டுள்ளதாகவும் ஐஜி விஜயேந்திர பிதாரி தெரிவித்தார்.

இதையும் படிங்க: 436 தொலைநோக்கு திட்டங்கள்..! அமைச்சரவை கூட்டத்தில் நடந்தது என்ன..? அமைச்சர் நிர்மல் குமார் பேட்டி..!!

நெல்லை, தென்காசி உள்ளிட்ட பகுதிகளில் அண்மையில் ஏற்பட்ட சம்பவங்களை மனதில் கொண்டு இந்த ஆலோசனை கூட்டம் மிகவும் முக்கியத்துவம் வாய்ந்ததாக அமைந்தது. காவல்துறையின் இந்த தீவிர அணுகுமுறை மாவட்ட மக்களிடையே அமைதியையும் நம்பிக்கையையும் ஏற்படுத்தும் என எதிர்பார்க்கப்படுகிறது.

இதையும் படிங்க: “தவெகவில் இணையப்போறீங்களா?”... சி.விஜயபாஸ்கர் ஒரே வார்த்தையில் ரிப்ளை..!!