மேகதாது விவகாரத்தில் குரல் உயர்த்திய முதல்வர் விஜய்..! பிரதமர் மோடிக்கு முக்கிய வலியுறுத்தல்..!

காவிரி நதி நீர் பங்கீடு பிரச்சினை இந்தியாவின் மிக நீண்டகால இடைமாநில நீர் சர்ச்சைகளில் ஒன்று. இந்தப் பிரச்சினையில் தமிழ்நாடு மற்றும் கர்நாடகா இடையே தொடர்ந்து வரும் மோதலுக்கு மத்தியில், மேகதாது அணை திட்டம் மீண்டும் முக்கியப் பேசுபொருளாகியுள்ளது. 2025 நவம்பர் 13 அன்று உச்ச நீதிமன்றம் வழங்கிய உத்தரவு இந்த விவகாரத்தில் ஒரு முக்கிய திருப்பத்தை ஏற்படுத்தியுள்ளது. 

மேகதாது கர்நாடகாவின் பெங்களூரு தெற்கு மாவட்டத்தில் உள்ள கனகபுரா தாலுகாவில் காவிரி ஆற்றின் மீது கர்நாடக-தமிழ்நாடு எல்லைக்கு அருகில் அமைந்துள்ள இடம். கர்நாடக அரசு இங்கு சமநிலை நீர் தேக்க அணை கட்டும் திட்டத்தை முன்மொழிந்துள்ளது. இந்தத் திட்டம் சுமார் 67.16 டி.எம்.சி. நீரைத் தேக்கி வைக்கும் திறன் கொண்டதாகவும், 400 மெகாவாட் மின்சக்தி உற்பத்தியுடன் கூடியதாகவும் திட்டமிடப்பட்டுள்ளது.

மொத்த மதிப்பு சுமார் 9,000 கோடி ரூபாய் என்று மதிப்பிடப்பட்டுள்ளது. இந்த அணை பெங்களூரு மற்றும் அதைச் சுற்றிய பகுதிகளின் குடிநீர் தேவையை நிறைவேற்றவும், நீர் மேலாண்மையை மேம்படுத்தவும் உதவும் என்று கர்நாடகா கூறுகிறது. தமிழ்நாடு அரசு மற்றும் அரசியல் தலைவர்கள் இந்தத் திட்டத்தை காவிரி நீர் பங்கீட்டு உத்தரவுகளுக்கு எதிரானது என்று கருதுகின்றனர்.

இதையும் படிங்க: டெல்லி நோக்கி விஜய்..? டாப் மீட்டிங்..! எகிறும் எதிர்பார்ப்பு..!

மேகதாது அணை விவகாரம் தொடர்பாக பிரதமர் நரேந்திர மோடிக்கு முதலமைச்சர் விஜய் கடிதம் எழுதியுள்ளார். காவிரி ஆற்றின் கோரிக்கை மேகத்தாது நீர்தீக்கத்திற்கான பூமி பூஜை நடைபெறும் என கர்நாடகா அரசு அறிவித்துள்ளது என்பதை முதல்வர் விஜய் குறிப்பிட்டுள்ளார். கர்நாடக துணை முதல்வரின் பேச்சு காவிரி ஆற்றை நம்பி இருக்கும் தமிழக விவசாயிகளிடையே மிகுந்த கவலையை ஏற்படுத்தி இருப்பதாக கூறினார். பிற மாநிலங்களின் ஒப்புதலை பெறாமல் எந்த ஒரு புதிய திட்டத்தையும் மேற்கொள்ளக் கூடாது என உச்சநீதிமன்றம் தீர்ப்பு வழங்கி இருப்பதாகவும் குறிப்பிட்டுள்ளார். உச்ச நீதிமன்ற தீர்ப்பை எந்த வகையிலும் மீறக்கூடாது என அறிவுறுத்த வேண்டும் என்ற முதல்வர் விஜய் தெரிவித்துள்ளார். 

இதையும் படிங்க: பயிர் கடன் தள்ளுபடி என SCAM.. ஏமாற ரெடியா இருக்கணுமா CM சார்..? உதயநிதி குற்றச்சாட்டு..!