நார்வே செஸ் சாம்பியன் பிரக்ஞானந்தா..! கார்ல்சனை இருமுறை வீழ்த்தி சாதனை..! முதல்வர் விஜய் வாழ்த்து..!!

உலகின் புகழ்பெற்ற செஸ் தொடர்களில் ஒன்றான நார்வே செஸ் 2026 தொடரில் இந்தியாவின் இளம் கிராண்ட்மாஸ்டர் ர. பிரக்ஞானந்தா அசத்தலான ஆட்டத்தை வெளிப்படுத்தி பட்டத்தை வென்று புதிய வரலாறு படைத்துள்ளார். இந்திய வீரர்களில் முதன்முறையாக இந்த பட்டத்தை கைப்பற்றிய அவர், தமிழ்நாட்டிற்கும் இந்தியாவிற்கும் பெருமை சேர்த்துள்ளார். இந்த சாதனையைப் பாராட்டி தமிழ்நாடு முதலமைச்சர் விஜய் மனமார்ந்த வாழ்த்துகளைத் தெரிவித்துள்ளார். 

நார்வே செஸ் தொடர் மே 25 முதல் ஜூன் 5 வரை ஒஸ்லோவில் நடைபெற்றது. 10 சுற்றுகள் கொண்ட இந்த தொடரில் பிரக்ஞானந்தா 18/30 புள்ளிகளுடன் சாம்பியனாக உயர்ந்தார். கடைசி சுற்றில் வின்சென்ட் கெய்மருக்கு எதிராக வெற்றி பெற்று பட்டத்தை உறுதி செய்தார். இந்த வெற்றியின் மூலம் அவர் நான்கு கிளாசிக்கல் போட்டிகளில் தொடர்ச்சியாக வெற்றி பெற்ற சாதனையையும் படைத்தார். 

மிக முக்கியமான சாதனையாக, உலகின் நம்பர் 1 வீரரும் நார்வேயின் செஸ் லெஜண்டுமான மாக்னஸ் கார்ல்சனை ஒரே தொடரில் இரண்டு முறை தோற்கடித்துள்ளார். மூன்றாவது சுற்றில் வெள்ளை நிறக் காய்களுடனும், எட்டாவது சுற்றில் கருப்பு நிறக் காய்களுடனும் அவரை வீழ்த்தியது உலக செஸ் ரசிகர்களை அதிர்ச்சியில் ஆழ்த்தியது. ஒரு தொடரில் கார்ல்சனை இருமுறை கிளாசிக்கல் ஆட்டத்தில் தோற்கடித்த முதல் இந்திய வீரர் என்ற பெருமையும் பிரக்ஞானந்தாவுக்குக் கிடைத்துள்ளது. 

இதையும் படிங்க: 436 தொலைநோக்கு திட்டங்கள்..! அமைச்சரவை கூட்டத்தில் நடந்தது என்ன..? அமைச்சர் நிர்மல் குமார் பேட்டி..!!

இந்த நிலையில், பிரக்ஞானந்தாவிற்கு முதல்வர் விஜய் வாழ்த்து தெரிவித்துள்ளார். நார்வே தலைநகர் ஆஸ்லோவில் நடைபெற்ற நார்வே செஸ் 2026 தொடரில் அறிவார்ந்த ஆட்டத்தை வெளிப்படுத்தி, பட்டத்தை வென்ற முதல் இந்தியர் என்ற வரலாற்றுச் சாதனையைப் படைத்திட்ட கிராண்ட்மாஸ்டர் பிரக்ஞானந்தாவுக்கு எனது மனமார்ந்த வாழ்த்துகள் என்று கூறினார். ஒரே தொடரில் நடப்புச் சாம்பியன் மாக்னஸ் கார்ல்செனை இரண்டு முறையும், நான்கு போட்டிகளில் தொடர்ந்து வெற்றியும் பெற்று சாதனை படைத்துள்ளார் என்றும் தமிழ்நாட்டிற்கும், இந்தியாவிற்கும் பெருமை சேர்த்துள்ள கிராண்ட்மாஸ்டர் பிரக்ஞானந்தா புதிய சாதனைகளைப் படைத்திட எனது வாழ்த்துகள் எனவும் தெரிவித்தார். 

இதையும் படிங்க: வெற்றி தமிழகம் அமைச்சரவை கூட்டம்.. முதல்வர் விஜய் தலைமையில் முக்கிய விவகாரங்கள் குறித்து ஆலோசனை..!