"முதல்வரின் காலை உணவுத் திட்டம்"..! பெயர் மாற்றம்... விஜய் அரசின் அடுத்த மூவ்..!!

தமிழ்நாடு அரசு 2022 செப்டம்பர் 15 அன்று மதுரையில் அப்போதைய முதலமைச்சர் மு.க.ஸ்டாலின் தலைமையில் தொடங்கிய வரலாற்றுச் சிறப்புமிக்க திட்டம் முதல்வரின் காலை உணவுத் திட்டம். இது தொடக்கப் பள்ளி மாணவர்களுக்கு காலை நேரத்தில் சத்தான உணவை இலவசமாக வழங்கும் நோக்கில் உருவாக்கப்பட்டது. பள்ளிக்குச் செல்லும் குழந்தைகள் பசியின்றி, ஆரோக்கியமாகக் கல்வி கற்க உதவும் வகையில் இந்தத் திட்டம் அமைந்தது. தமிழக வரலாற்றில் காமராஜர், கலைஞர் போன்ற தலைவர்களின் கல்வி மற்றும் ஊட்டச்சத்து திட்டங்களின் தொடர்ச்சியாக இது கருதப்படுகிறது. 

பின்னர் இந்தத் திட்டம் படிப்படியாக விரிவுபடுத்தப்பட்டது. அரசு உதவி பெறும் பள்ளிகளுக்கும் நகர்ப்புறங்களுக்கும் பரவலாக்கப்பட்டது. 20 லட்சத்திற்கும் மேற்பட்ட மாணவர்கள் பயன்பெறும் அளவுக்கு வளர்ச்சி கண்டது. உணவு மெனுவில் உப்புமா, கிச்சடி, பொங்கல் போன்றவை இடம் பெற்றன. வெள்ளிக்கிழமைகளில் இனிப்பு வகைகளும் சேர்க்கப்பட்டன.

இத்திட்டம் குழந்தைகளின் வருகை விகிதத்தை அதிகரித்ததோடு, ஊட்டச்சத்துக் குறைபாட்டையும் குறைக்க உதவியது என்று பல ஆய்வுகள் சுட்டிக்காட்டின. இந்நிலையில், சமீப காலங்களில் தமிழ்நாட்டில் ஆட்சி மாற்றம் ஏற்பட்ட பின்னர், முதலமைச்சர் சி. ஜோசப் விஜய் தலைமையிலான அரசு பல்வேறு மக்கள் நலத் திட்டங்களை மறுபரிசீலனை செய்து வருகிறது. இந்தச் சூழலில் முதல்வரின் காலை உணவுத் திட்டத்தின் பெயர் தொடர்பான விவாதங்கள் எழுந்தன.

இதையும் படிங்க: கிறிஸ்தவர்களிடையே சாதிய பாகுபாடு... புள்ளி விவரத்துடன் சி.எம். விஜய்க்கு பறந்த முக்கிய கோரிக்கை...!

சில அரசியல் வட்டாரங்களில் இத்திட்டத்தை அரசின் பொதுத் திட்டமாக மாற்றி, தனிப்பட்ட முதல்வர் பெயரை நீக்க வேண்டும் என்ற கருத்துகள் முன்வைக்கப்பட்டன. இதன் விளைவாக, திட்டத்தின் பெயரை மாற்றும் முடிவு எடுக்கப்பட்டதாகத் தெரிகிறது. இந்த நிலையில் முதல்வரின் காலை உணவுத் திட்டத்தின் பெயர் காமராஜர் காலை உணவு திட்டம் என்ற பெயர் மாற்றம் செய்யப்பட்டுள்ளது தமிழக வெற்றிக்கழக அரசு இந்த மாற்றத்தை கொண்டு வந்திருக்கிறது. முதலமைச்சர் விஜய் தலைமையில் நடந்த கூட்டத்தின் முடிவெடுக்கப்பட்டதாக அறிவிக்கப்பட்டிருக்கிறது. திமுக ஆட்சியில் முதலமைச்சரின் காலை உணவு திட்டம் என்ற பெயரில் தொடங்கப்பட்ட திட்டமானது தற்போது காமராஜர் காலை உணவு திட்டம் என்று பெயர் மாற்றியமைக்கப்பட்டு இருக்கிறது. 

இதையும் படிங்க: ராகுல் காந்தி கைது ஜனநாயக விரோதம்..! மாணவர்கள் போராட்டத்திற்கு ஆதரவு... முதல்வர் விஜய் அதிரடி..!!