3 நாட்கள் விடுமுறைக்குப்பின் கூடும் சட்டப்பேரவை: முதல்வர் ஜோசப் விஜயின் பதிலுக்கு எகிறும் எதிர்பார்ப்பு!

தமிழ்நாடு சட்டப்பேரவையில் கடந்த வியாழக்கிழமையன்று உள்துறை மற்றும் காவல் துறை மீதான மானியக் கோரிக்கை விவாதத்தின் போது பிரதான எதிர்க்கட்சிகளால் அடுக்கடுக்காக எழுப்பப்பட்ட அனல் பறக்கும் கேள்விகள் மற்றும் விமர்சனங்களுக்கு, மூன்று நாள் தொடர் விடுமுறைக்குப் பின்னர் இன்று கூடும் பேரவையில் முதலமைச்சர் விஜய் மிகக் காட்டமாகச் சுளீர் பதிலுரை அளிக்கவுள்ளார்.

தமிழக சட்டப்பேரவையின் பட்ஜெட் கூட்டத்தொடர் விறுவிறுப்பாக நடைபெற்று வரும் சூழலில், கடந்த வியாழக்கிழமை மாநிலத்தின் சட்டம் - ஒழுங்கு மற்றும் காவல்துறை மானியக் கோரிக்கை மீதான காரசார விவாதம் நடைபெற்றது. அப்போது, எதிர்க்கட்சித் தலைவர் எடப்பாடி பழனிசாமி, திமுக முன்னணித் தலைவர் உதயநிதி ஸ்டாலின் உள்ளிட்ட பல்வேறு எதிர்க்கட்சித் தலைவர்களும் தலைநகர் சென்னையில் தவெக நிர்வாகி படுகொலை, ஏடிஎம் கொள்ளைச் சம்பவங்கள் மற்றும் உளவுத்துறையின் செயல்பாடுகள் குறித்து அடுக்கடுக்கான கடுமையான குற்றச்சாட்டுகளை முன்வைத்து அவையில் புயலைக் கிளப்பினர்.

இதனைத் தொடர்ந்து வெள்ளி, சனி மற்றும் ஞாயிறு ஆகிய மூன்று நாட்கள் தொடர் விடுமுறைக்குப் பிறகு, தமிழ்நாடு சட்டப்பேரவை இன்று காலை மீண்டும் கூடுகிறது. இன்றைய அவை நடவடிக்கைகளின் மிக முக்கிய நிகழ்வாக, துறைக்குப் பொறுப்பு வகிக்கும் முதலமைச்சர் விஜய் அவர்கள் காவல் துறை மானியக் கோரிக்கை மீதான விவாதத்திற்கு விரிவான விளக்கங்களுடன் அதிகாரப்பூர்வ பதிலுரை ஆற்றவுள்ளார். எதிர்க்கட்சித் தலைவர்கள் எழுப்பிய கூர்மையான கேள்விகள் ஒவ்வொன்றிற்கும் தகுந்த ஆதாரங்களுடனும் புள்ளிவிவரங்களுடனும் அவர் தரவிருக்கும் பதிலடி அரசியல் வட்டாரங்களில் பெரும் எதிர்பார்ப்பை எகிற வைத்துள்ளது.

இதையும் படிங்க: சட்டசபை சண்டை சபையாக கூடாது... தீவு திடலில் தலைமை செயலகம் கட்டுக! தமிமுன் அன்சாரி பேட்டி!

முதலமைச்சர் விஜய்யின் இந்த அதிரடி பதிலுரை நேரலையாக ஒளிபரப்பாகவுள்ள நிலையில், இணையதளங்கள் மற்றும் சமூக வலைதளப் பக்கங்களில் "CM Vijay Assembly Speech" தொடர்பான விவாதங்கள் தற்போதே காட்டுத்தீயாகப் பரவி ட்ரெண்டாகி வருகின்றன. எதிர்க்கட்சிகளின் விமர்சனங்களை முதலமைச்சர் எவ்வாறு எதிர்கொண்டு முறியடிக்கப் போகிறார் என்பதைக் காண நெட்டிசன்களும் அரசியல் நோக்கர்களும் மிகுந்த ஆர்வத்துடன் தீவிரமாகக் கண்காணித்து வருகின்றனர்.

இதையும் படிங்க: எங்கள ஓடாதீங்கன்னு சொன்னீங்க.. இப்ப நீங்களே ஓடுறீங்களே!! CM விஜய்யை கலாய்த்த உதயநிதி!!