இனி SHORTAGE இருக்கக் கூடாது... ஆவின் பால் உற்பத்தியை அதிகரிக்கணும்... முதல்வர் விஜய் அறிவுறுத்தல்..!!

தமிழகத்தில் பால் உற்பத்தியாளர்களின் நலனையும், நுகர்வோரின் அத்தியாவசியத் தேவையையும் ஒருங்கிணைத்து, ஆவின் நிறுவனத்தின் செயல்பாடுகளை வலுப்படுத்த முதல்வர் விஜய் முக்கிய அறிவுறுத்தல்களை வழங்கியுள்ளார். சமீபத்தில் கால்நடை பராமரிப்பு மற்றும் பால்வளத் துறை சார்ந்த ஆய்வுக் கூட்டத்தை நடத்திய அவர், ஆவின் பால் கொள்முதல் அளவை கணிசமாக அதிகரிக்க வேண்டியதன் அவசியத்தை வலியுறுத்தினார்.

தனியார் பால் நிறுவனங்களுக்கு இணையாக ஆவின் கொள்முதல் விலையை உயர்த்தி, உற்பத்தியாளர்களை ஊக்கப்படுத்த வேண்டும் என்பது அவரது முக்கிய உத்தரவாகும். தமிழகத்தில் ஆவின் நிறுவனம் பல தசாப்தங்களாக மக்களின் நம்பிக்கைக்குரிய பால் விநியோக அமைப்பாக செயல்பட்டு வருகிறது. கிராமப்புற விவசாயிகள், குறிப்பாக சிறு மற்றும் குறு பால் உற்பத்தியாளர்கள் தங்கள் பாலை ஆவினுக்கு விற்பனை செய்து நல்ல வருமானம் பெறும் வகையில் இந்த அமைப்பு உருவாக்கப்பட்டது.

இருப்பினும், சமீப காலமாக தனியார் பால் நிறுவனங்கள் அதிக விலை கொடுத்து பால் கொள்முதல் செய்வதால் ஆவினின் கொள்முதல் அளவு குறைந்துள்ளது. இதனால் ஆவின் விநியோகம் பாதிக்கப்பட்டு, சென்னை உள்ளிட்ட பெரு நகரங்களில் பால் தட்டுப்பாடு ஏற்பட்டுள்ளது. இந்தப் பிரச்சினையை முதல்வர் விஜய் தனது ஆய்வுக் கூட்டத்தில் விரிவாகப் பரிசீலித்தார்.

இதையும் படிங்க: இன்னொரு சிங்கப்பெண் படை வேணும் போலையே..! TVK நிர்வாகியால் பாலியல் தொல்லை... வெட்கக்கேடு முதல்வரே..! விளாசிய TTV..!

கால்நடை பராமரிப்பு துறை அதிகாரிகள், பால்வளத் துறை அதிகாரிகள் மற்றும் ஆவின் நிர்வாகிகளுடன் நடைபெற்ற இந்தக் கூட்டத்தில், பால் உற்பத்தியாளர்களின் சிரமங்கள் குறித்து விரிவான விவாதம் நடைபெற்றது. தீவனம், மருந்து மற்றும் பராமரிப்பு செலவுகள் அதிகரித்துள்ள நிலையில், ஆவின் கொள்முதல் விலை போதுமானதாக இல்லை என்பது உற்பத்தியாளர்களின் முக்கிய குறை. தனியார் நிறுவனங்கள் லிட்டருக்கு பல ரூபாய் அதிகம் கொடுப்பதால், பலர் ஆவினை விட்டு தனியாருக்கு திரும்பியுள்ளனர். இதைச் சரி செய்ய முதல்வர் விஜய் தெளிவான வழிகாட்டுதலை அளித்தார். 

இதையும் படிங்க: கூட்டுக் களவாணி பிளான் போட்டது நீங்க..!! கோடநாடு-ன்னா நடுங்குவீங்களே... இபிஎஸ்க்கு தவெக பதிலடி..!!