NDA கூட்டணி கட்சிகளை அழைக்கல..! CPI அலுவலகத்தில் தவெக நிர்வாகி நிர்மல் குமார் விளக்கம்..!!
தமிழக வெற்றி கழகத்திற்கு ஆதரவு தருமாறு என் டி ஏ கூட்டணி கட்சிகளை அழைக்கவில்லை என நிர்மல் குமார் தெரிவித்தார்.
by
இந்திய கம்யூனிஸ்ட் கட்சி அலுவலகத்திற்கு நேரில் சென்று தமிழக வெற்றி கழக இணை பொதுச் செயலாளர் நிர்மல் குமார் பேசினார். தமிழக வெற்றிக்கழகம் ஆட்சி அமைக்க ஆதரவு தரவேண்டும் என்று கோரிக்கை விடுத்த நிலையில் நிர்மல் குமார் அக்கட்சி அலுவலகத்திற்கு சென்று வலியுறுத்தி இருக்கிறார். இதை தொடர்ந்து செய்தியாளர்களை சந்தித்தார். தேசிய ஜனநாயக கூட்டணியில் உள்ள கட்சிகளுக்கு அழைப்பு விடுக்கவில்லை என தமிழக வெற்றி கழகத்தின் இணை பொதுச் செயலாளர் நிர்மல் குமார் தெரிவித்தார்.
தமிழக வெற்றி கழகம் ஆட்சி அமைக்க இந்திய கம்யூனிஸ்ட் கட்சிகளிடம் ஆதரவை கேட்டு இருப்பதாகவும் ஆலோசித்து முடிவு சொல்கிறோம் எனக் கூறியிருப்பதாகவும் தெரிவித்துள்ளார். இதேபோல விடுதலை சிறுத்தைகள் கட்சி, இந்திய யூனியன் முஸ்லிம் லீக் உள்ளிட்ட கட்சிகளுக்கும் அழைப்பு விடுத்திருப்பதாக நிர்மல் குமார் தெரிவித்துள்ளார்.
தமிழக வெற்றிக் கழகம் ஆட்சி அமைக்க ஆதரவு தரும் கட்சிகளுக்கு ஆட்சி அதிகாரத்தில் பங்கு தருவோம் என்றும் உறுதிப்பட தெரிவித்துள்ளார். ஆளுநர் அரசமைப்பு சட்டப்படி நடப்பார் என்று நம்புகிறோம் என்றும் இல்லையெனில் அடுத்த கட்ட நடவடிக்கை என்ன என்று முடிவெடுக்கப்படும் எனவும் தெரிவித்துள்ளார்.
இதையும் படிங்க: விஜய்க்கு ஆதரவா.? இல்லையா.? 24 மணி நேரத்தில் முடிவு..! சிபிஎம் தேசிய செயலாளர் தகவல்..!
தமிழக முதலமைச்சராக விஜய் பதவியேற்க பல்வேறு கட்ட நடவடிக்கைகள் மேற்கொள்ளப்படுகிறது. ஆளுநரிடம் ஆட்சி அமைக்க உரிமை கோரும் விஜய்க்கு இன்னும் அழைப்பு விடுக்கப்படவில்லை. பெரும்பான்மையின் நிரூபிக்க வேண்டும் என்று நிர்பந்தம் செய்யப்படுகிறது. 113 எம்எல்ஏக்களின் ஆதரவு விஜய்க்கு இருக்கும் நிலையில் இன்னும் 5 எம்எல்ஏக்கள் ஆதரவு தான் தேவைப்படுகிறது. இதனால் பதவி ஏற்பும் ரத்து செய்யப்பட்டது குறிப்பிடத்தக்கது.
இதையும் படிங்க: விஜய்க்கு ஆதரவா..? மாறும் அரசியல் களம்..! CPI அவசர செயற்குழு கூட்டம்..!!
