அமைச்சரவையில் இடம்பெறுமா சிபிஎம்..? முதல்வருடன் என்ன பேசினோம்... சண்முகம் விளக்கம்..!!

தமிழ்நாட்டின் புதிய முதலமைச்சர் விஜய் தலைமையிலான அமைச்சரவையில் மார்க்சிஸ்ட் கம்யூனிஸ்ட் கட்சி (சிபிஎம்) இடம்பெறாது என்பது தங்கள் முடிவு என்று மாநிலச் செயலாளர் பெ.சண்முகம் தெரிவித்துள்ளார். முதலமைச்சர் விஜய், மார்க்சிஸ்ட் கம்யூனிஸ்ட் கட்சியின் மாநிலச் செயலாளர் முத்தரசனை சந்தித்த சம்பவம் அரசியல் வட்டாரத்தில் பரபரப்பை ஏற்படுத்திய நிலையில், இந்த விளக்கம் வெளியாகியுள்ளது.

அமைச்சரவை அமைப்பு தொடர்பான பேச்சுவார்த்தைகள் நடைபெற்று வரும் வேளையில், கம்யூனிஸ்ட் கட்சிகள் தங்கள் நிலைப்பாட்டை தெளிவாக்கியுள்ளன. அமைச்சரவையில் நாங்கள் இடம்பெற மாட்டோம் என்பது உறுதியான முடிவு. இது சிபிஐ மற்றும் சிபிஎம் ஆகிய இரு கம்யூனிஸ்ட் கட்சிகளும் இணைந்து எடுத்த கூட்டு முடிவு என்று பெ.சண்முகம் வலியுறுத்தினார்.

இந்த முடிவில் எந்த மாற்றமும் இருக்காது என்றும் அவர் உறுதியாகக் கூறியுள்ளார். முன்னதாக, தவெக அமைச்சரவையில் இடம்பெறும் என்ற எதிர்பார்க்கப்பட்டதற்கு இவ்வாறு பதிலளித்துள்ளார். இது கம்யூனிஸ்ட் கட்சிகளுக்குள் ஒருங்கிணைப்பு இருப்பதை வெளிப்படுத்துகிறது. பல்வேறு சர்ச்சைகளுக்கு இது முற்றுப்புள்ளி வைத்திருக்கிறது.

இதையும் படிங்க: தன் கட்சி ஊழலையே தட்டிக் கேட்க முடியாத CM..! லஞ்ச வேட்டை..! நயினார் தாக்கு.!

தற்போதைய அரசியல் சூழலில் கம்யூனிஸ்ட் கட்சிகள் தங்கள் தனித்த அடையாளத்தையும், கொள்கை அடிப்படையிலான நிலைப்பாட்டையும் பேணி வருவதாகக் கருதப்படுகிறது. அமைச்சரவை பங்கேற்பு குறித்த விவாதங்கள் தொடரும் நிலையில், இரு கட்சிகளும் எடுத்துள்ள இந்த கூட்டு முடிவு அரசியல் கவனத்தை ஈர்த்துள்ளது. இந்த நிலைப்பாடு எதிர்கால கூட்டணி அரசியலில் கம்யூனிஸ்ட் கட்சிகளின் பங்கு குறித்து புதிய விவாதங்களை உருவாக்கும் என எதிர்பார்க்கப்படுகிறது.

இதையும் படிங்க: தொட்டா விடமாட்டேன் சொன்னீங்களே..! தொடரும் லஞ்சம் குற்றச்சாட்டு..! .TTV தினகரன் விளாசல்..!