போராடினால் தேச துரோகியா..? போராட்டத் தீ பரவட்டும்... CPM சண்முகம் ஆவேசம்..!!

டெல்லியில் மாணவர்கள் நடத்தி வரும் போராட்டம் ஒரு பெரிய அளவிலான இளைஞர் எழுச்சியாக உருவெடுத்துள்ளது. 2026ஆம் ஆண்டு நீட் தேர்வில் ஏற்பட்ட கேள்விப்பட்டியல் கசிவு மற்றும் பிற தேர்வு ஒழுங்கீனங்கள் தொடர்பாக ஏற்பட்ட கோபம் இந்தப் போராட்டத்திற்கு முக்கிய காரணமாக அமைந்துள்ளது. ஜூன் 6ஆம் தேதியிலிருந்து ஜந்தர் மந்தரில் தொடங்கிய இந்த அமைதியான போராட்டம், பின்னர் பெரிய அளவிலான மோதல்களுடன் தொடர்கிறது. 

இந்தப் போராட்டத்தை முதன்மையாகத் தொடங்கியது 'காக்ரோச் ஜனதா பார்ட்டி' என்ற இளைஞர் அமைப்பு. டிஜிட்டல் தகவல் தொடர்பு வியூக நிபுணர் அபிஜீத் திப்கே இதைத் தொடங்கினார். உச்ச நீதிமன்ற தலைமை நீதிபதியின் ஒரு கருத்து இந்த அமைப்பின் பெயருக்கும், சமூக ஊடகத்தில் பரவலான ஆதரவுக்கும் காரணமாக அமைந்தது. இந்த அமைப்பு விரைவில் தேர்வு சீர்திருத்தங்கள், கல்வி அமைப்பில் வெளிப்படைத்தன்மை ஆகியவற்றைக் கோரி தெரு போராட்டங்களுக்கு மாறியது. 

ஜூன் 28ஆம் தேதி லடாக் சுற்றுச்சூழல் செயற்பாட்டாளர் சோனம் வாங்சுக் இந்தப் போராட்டத்தில் இணைந்து காலவரையற்ற பட்டினி போராட்டத்தைத் தொடங்கினார். கல்வி அமைச்சர் தர்மேந்திர பிரதான் பதவி விலக வேண்டும், பிரதமர் மோடி மீதும் பொறுப்பு சுமத்தப்பட வேண்டும், தேர்வு அமைப்பில் முழுமையான சீர்திருத்தங்கள், இறந்த மாணவர்களின் குடும்பங்களுக்கு இழப்பீடு உள்ளிட்ட கோரிக்கைகள் முன்வைக்கப்பட்டன.

இதையும் படிங்க: டெல்லியைப் பிளக்கும் போராட்டம்..! களமிறங்கிய காங்கிரஸ்... 5 முக்கிய கோரிக்கைகள்.!!

 ஜூலை 18ஆம் தேதி போலீஸார் சோனம் வாங்சுக்கை மருத்துவமனைக்கு அழைத்துச் சென்றனர். இது போராட்டக்காரர்களிடையே பெரும் கோபத்தை ஏற்படுத்தியது. அபிஜீத் திப்கே உள்ளிட்டோர் புதிய பட்டினி போராட்டத்தைத் தொடங்கினர். நேற்று பல்லாயிரக்கணக்கான மாணவர்கள் ஜந்தர் மந்தரில் திரண்டு பாராளுமன்ற நோக்கி ஊர்வலம் நடத்த முயன்றனர். மழை பொழியும் வானிலையிலும், போலீஸ் தடுப்புகளையும் மீறி ஆயிரக்கணக்கானோர் கூடினர். போராட்டம் வன்முறையாக மாறியது. போலீஸார் கண்ணீர் புகை குண்டுகள் வீசி தடியடி நடத்தினர். 

பாஜக ஆட்சிக்கு எதிராக போராடுபவர்களை தேச விரோதிகள் என்று முத்திரை குத்துவது சங் பரிவார கும்பலின் வாடிக்கை என்று மார்க்சிஸ்ட் கம்யூனிஸ்ட் கட்சியின் மாநிலச் செயலாளர் சண்முகம் தெரிவித்துள்ளார். விவசாயிகள் போராடிய போது அவர்களை தேச துரோகிகள் என்று சொல்ல அந்த கும்பல் தயங்கியதில்லை என்றும் தெரிவித்தார். தற்போது போராடும் மாணவர்கள் மற்றும் இளைஞர்களையும் தேசத்துக்கு ஆபத்து என ஆர்எஸ்எஸ் கும்பல் பொய் பிரச்சாரம் செய்கிறது என்றும் குற்றம் சாட்டியுள்ளார். ஆட்சியாளர்களின் அடக்குமுறைக்கு எதிராக போராட்ட தீ பரவட்டும் எனவும் சிபிஎம் மாநில செயலாளர் சண்முகம் தெரிவித்திருக்கிறார். 

இதையும் படிங்க: டெல்லியை உலுக்கும் போராட்டம்... வரலாறு காணாத சர்ச்சை... அமித்ஷா - தர்மேந்திர பிரதான் சந்திப்பு.!!