புதுச்சேரியில் தொகுதி பங்கீடு மல்லுக்கட்டு! திமுக, காங்கிரஸ் குழுக்கள் நேரடி பேச்சுவார்த்தை!

புதுச்சேரி சட்டமன்றத் தேர்தலுக்கான களம் சூடுபிடித்துள்ள நிலையில், மதச்சார்பற்ற முற்போக்குக் கூட்டணியின் (SPA) பிரதானக் கட்சிகளான திமுக மற்றும் காங்கிரஸ் இடையேயான தொகுதிப் பங்கீடு பேச்சுவார்த்தை இன்று புதுச்சேரியில் அதிகாரப்பூர்வமாகத் தொடங்கியது. தமிழகத்தில் தொகுதிப் பங்கீடு சுமூகமாக முடிந்ததைத் தொடர்ந்து, தற்போது புதுச்சேரியிலும் இடங்களை இறுதி செய்ய இரு கட்சிகளும் முனைப்புக் காட்டி வருகின்றன.

அக்கட்சியின் புதுச்சேரி தேர்தல் ஒருங்கிணைப்பாளர் ஜெகத்ரட்சகன் எம்.பி, மாநில அமைப்பாளர் சிவா, அவைத் தலைவர் எஸ்பி.சிவக்குமார் மற்றும் முக்கிய எம்.எல்.ஏ.-க்கள் இந்தப் பேச்சுவார்த்தையில் பங்கேற்றுள்ளனர். புதுச்சேரியில் 'திராவிட மாடல்' ஆட்சியை அமைக்க வேண்டும் என்பதில் திமுக உறுதியாக உள்ளது.

பேச்சுவார்த்தைக் குழுத் தலைவர் வைத்திலிங்கம் எம்.பி, முன்னாள் முதலமைச்சர் நாராயணசாமி, சீனியர் துணைத் தலைவர் தேவதாஸ், எம்.எல்.ஏ வைத்தியநாதன், முன்னாள் அமைச்சர்கள் ஷாஜகான், கந்தசாமி மற்றும் முன்னாள் எம்.எல்.ஏ அனந்தராமன் ஆகியோர் பங்கேற்றுள்ளனர்.

இதையும் படிங்க: புதுச்சேரியில் ரங்கசாமிதான் ராஜா! என்.ஆர்.காங்கிரஸுக்கு 16, பாஜகவுக்கு 14 இடங்கள் ஒதுக்கீடு!

புதுச்சேரியில் காங்கிரஸ் கட்சியே கூட்டணியைத் தலைமை தாங்கும் என அகில இந்திய காங்கிரஸ் கமிட்டி (AICC) ஏற்கனவே அறிவித்துள்ளது. இருப்பினும், கடந்த தேர்தலில் காங்கிரஸை விட அதிக இடங்களை (6 இடங்கள்) வென்ற திமுக, இம்முறை கூடுதல் தொகுதிகளைக் கேட்டுப் பிடிவாதம் காட்டி வருகிறது.

காங்கிரஸ் கட்சி 20-க்கும் மேற்பட்ட தொகுதிகளில் போட்டியிட விரும்புவதாகவும், திமுக குறைந்தது 15 தொகுதிகளை எதிர்பார்ப்பதாகவும் அரசியல் வட்டாரங்கள் தெரிவிக்கின்றன. புதுச்சேரியில் மொத்தம் 30 தொகுதிகளே உள்ள நிலையில், கூட்டணிக் கட்சிகளான விசிக மற்றும் கம்யூனிஸ்ட் கட்சிகளுக்கும் இடங்களை ஒதுக்க வேண்டிய கட்டாயம் உள்ளது.

ஏற்கனவே என்.ஆர்.காங்கிரஸ் மற்றும் பாஜக தங்களது தொகுதிப் பங்கீட்டை (16:14) இறுதி செய்துள்ள நிலையில், திமுக - காங்கிரஸ் கூட்டணியும் அடுத்த சில தினங்களில் அதிகாரப்பூர்வ அறிவிப்பை வெளியிடும் என எதிர்பார்க்கப்படுகிறது.

இதையும் படிங்க: புதுச்சேரி: அக்கவுண்டில் கிரெடிட்டான ரூ.5,000..!! குஷியில் துள்ளி குதிக்கும் குடும்பத் தலைவிகள்..!!