திமுகதான் உண்மையான அடிமை கட்சி! கோவையில் அண்ணாமலை அனல் பறக்கும் பேச்சு!

கோவை தெற்கு சட்டமன்றத் தொகுதி அதிமுக வேட்பாளரை ஆதரித்துப் பரப்புரை மேற்கொண்ட தமிழக பாஜக முன்னாள் தலைவரும், தற்போதைய தேசியச் செயற்குழு உறுப்பினருமான கே. அண்ணாமலை, முதலமைச்சர் மு.க. ஸ்டாலினின் விமர்சனங்களுக்குப் பதிலடி கொடுக்கும் வகையில் திமுகவை 'அடிமை கட்சி' எனச் சாடியுள்ளார். அதிமுகவை அடிமை கட்சி எனச் சொல்ல திமுகவிற்கு எந்தத் தகுதியும் இல்லை என அவர் ஆவேசமாகப் பேசினார்.

முதலமைச்சர் ஸ்டாலின் சமீபத்திய கூட்டங்களில் அதிமுகவை பாஜகவின் அடிமை கட்சி என விமர்சித்து வருவதற்குக் கண்டனம் தெரிவித்த அண்ணாமலை அதிமுகவை பார்த்து முதலமைச்சர் ஸ்டாலின் அடிமை கட்சி என்கிறார். ஆனால், இந்தியாவிலேயே ஒரு அடிமை கட்சி இருக்கிறது என்றால் அது திமுகதான். குடும்ப அரசியலுக்கும், வாரிசு அரசியலுக்கும் அடிமையாக இருக்கும் ஒரு கட்சி மற்றவர்களை விமர்சிக்கக் கூடாது.

கூட்டணிக் கட்சியான அதிமுகவின் அரசியல் வரலாற்றைப் பாராட்டி அவர் பேசியதாவது இந்தியாவிலேயே ஆகச்சிறந்த பிராந்திய கட்சி அதிமுகதான். 1977-ஆம் ஆண்டிற்குப் பிறகு, இந்தியாவில் உள்ள ஒரு பிராந்திய கட்சி அதிக முறை ஆட்சிப் பொறுப்பில் இருந்தது என்றால் அது புரட்சித் தலைவர் எம்.ஜி.ஆரும், புரட்சித் தலைவி ஜெயலலிதாவும் வளர்த்த அதிமுகதான்" எனப் பெருமிதத்துடன் குறிப்பிட்டார்.

இதையும் படிங்க: அண்ணாமலைக்கு டெல்லி மேலிடம் அவசர அழைப்பு! தனி விமானத்தில் பறந்ததால் தமிழக பாஜகவில் பரபரப்பு!

கோவை தெற்கு தொகுதியில் போட்டியிடும் அதிமுக வேட்பாளர் மற்றும் தேசிய ஜனநாயகக் கூட்டணியின் (NDA) பலம் குறித்துப் பேசிய அவர்: கோவை எப்போதுமே தேசிய சிந்தனை கொண்டவர்களின் கோட்டை. இங்கே திமுகவின் பருப்பு வேகப் போவதில்லை. கோவை தெற்கு மக்கள் மீண்டும் ஒருமுறை இரட்டை இலை சின்னத்திற்கு வாக்களித்து வளர்ச்சியை உறுதி செய்வார்கள் எனத் தெரிவித்தார்.

திமுக அரசின் கடந்த 5 ஆண்டு கால நிர்வாகக் குளறுபடிகள் மற்றும் கோவைக்குச் செய்யத் தவறிய திட்டங்களைச் சுட்டிக்காட்டிய அவர், வரும் ஏப்ரல் 23-ஆம் தேதி மக்கள் தகுந்த பதிலடி கொடுப்பார்கள் என நம்பிக்கை தெரிவித்தார்.

தமிழகத்தில் அதிமுக - பாஜக கூட்டணி இடையே தொகுதிப் பங்கீட்டில் சில சலசலப்புகள் இருந்த போதிலும், அண்ணாமலை அதிமுகவை 'சிறந்த பிராந்திய கட்சி' எனப் புகழ்ந்து பேசியிருப்பது கூட்டணிக் கட்சியினரிடையே உற்சாகத்தை ஏற்படுத்தியுள்ளது.

இதையும் படிங்க: வேட்பாளர் பட்டியலில் பேரு இல்லனா என்ன..?? இதுவே எனக்கு சந்தோஷம் தான்..!! அண்ணாமலை நச் பதில்..!!