"ஊடகவியலாளர்களுக்கும் தபால் வாக்கு" - தேர்தல் ஆணையத்தின் 5 புதிய துறை அறிவிப்பு!

தமிழகச் சட்டமன்றத் தேர்தல் வரும் ஏப்ரல் 23-ஆம் தேதி நடைபெறவுள்ள நிலையில், தபால் வாக்கு (Postal Ballot) செலுத்தும் வசதியை மேலும் விரிவுபடுத்தி இந்தியத் தேர்தல் ஆணையம் இன்று முக்கிய அறிவிப்பை வெளியிட்டுள்ளது. அத்தியாவசியப் பணிகளில் உள்ள அரசு ஊழியர்கள் மற்றும் அங்கீகரிக்கப்பட்ட ஊடகவியலாளர்கள் இதன் மூலம் பயனடைய உள்ளனர்.

தேர்தல் நாளன்று பணியில் இருக்கும் கீழ்க்கண்ட 5 துறைகளைச் சேர்ந்த ஊழியர்கள் 'வராத வாக்காளர்கள்'  பிரிவின் கீழ் தபால் வாக்கு செலுத்தலாம். 

• அரசுப் போக்குவரத்துக் கழகம் (TNSTC/SETC)
• மின்சார வாரியம் (TANGEDCO)
• போக்குவரத்துக் காவல் (Traffic Police)
• சிறைத்துறை
• தீயணைப்புத் துறை 

(இவை தவிர சுகாதாரம், ஆம்புலன்ஸ் மற்றும் விமானப் போக்குவரத்து துறையினருக்கும் இந்த வசதி உண்டு).

தேர்தல் ஆணையத்தால் அங்கீகரிக்கப்பட்ட, தேர்தல் நாள் செய்திக் சேகரிப்பில் ஈடுபடும் ஊடகவியலாளர்களும் (Journalists) தற்போது அத்தியாவசியப் பணிகள் பிரிவில் சேர்க்கப்பட்டுள்ளனர். அவர்களும் தபால் வாக்கு செலுத்தத் தகுதியுடையவர்கள் என அறிவிக்கப்பட்டுள்ளது.

இதையும் படிங்க: "டெல்லியிலும் கூட்டணி பேச்சுவார்த்தை நடக்கலாம்": நயினார் நாகேந்திரன் அதிரடி!

85 வயதுக்கு மேற்பட்ட முதியவர்கள் மற்றும் வாக்காளர் பட்டியலில் மாற்றுத்திறனாளிகள் (PwDs) என அடையாளப்படுத்தப்பட்டவர்கள். இவர்கள் படிவம் 12D (Form 12D)-ஐப் பயன்படுத்தி, தேர்தல் அறிவிக்கை வெளியான 5 நாட்களுக்குள் வாக்குச்சாவடி நிலை அலுவலரிடம் (BLO) சமர்ப்பிக்க வேண்டும். இதற்காக நியமிக்கப்பட்ட குழுக்கள் வாக்காளர்களின் வீடுகளுக்கே நேரில் சென்று வாக்குகளைச் சேகரிப்பார்கள்.

மே 4, 2026. பதிவு செய்யப்பட்ட அனைத்துத் தபால் வாக்குகளும் மே 4-ஆம் தேதி காலை 8:00 மணிக்குள் தேர்தல் நடத்தும் அலுவலரை (RO) சென்றடைய வேண்டும். இவர்களுக்கு மின்னணு முறையில் (ETPBS) தபால் வாக்குகள் அனுப்பப்படும்.

தேர்தல் அறிவிக்கை வெளியான 5 நாட்களுக்குள் (மார்ச் 21-க்குள்) விண்ணப்பிக்க வேண்டும். தபால் வாக்குகள் அனைத்தும் வாக்கு எண்ணும் நாளான மே 4, 2026 அன்று காலை 8:00 மணிக்குள் தேர்தல் நடத்தும் அலுவலரை (RO) சென்றடைய வேண்டும். வசதி மையங்களில் வாக்களிக்கும்போது முழுமையான ரகசியம் காக்கப்பட வேண்டும் என ஆணையம் அறிவுறுத்தியுள்ளது.

இதையும் படிங்க: கேரள தேர்தல் 2026: தர்மடம் தொகுதியில் முதலமைச்சர் பினராயி விஜயன் வேட்புமனு தாக்கல்!