"காவிரி உரிமையை தவறவிட்ட தவெக அரசு".! எப்படி தீர்வு வரும்..? பூந்து விளாசிய EPS..!!

காவிரி நீர் பிரச்சனை மீண்டும் தமிழகத்தில் கடுமையான அரசியல் விவாதமாக மாறியுள்ளது. தமிழக வெற்றிக்கழக அரசு பொறுப்பேற்ற பிறகு இந்த நீண்டகால சிக்கல் புதிய பரிமாணங்களை பெற்றுள்ளது. கர்நாடக அணைகளில் நீர் இருப்பு குறைவாக இருப்பதாகக் கூறி தமிழகத்திற்கு உரிய பங்கு நீரை திறக்க மறுக்கும் நிலை தொடர்வதால் டெல்டா விவசாயிகள் கடும் பாதிப்பை சந்தித்து வருகின்றனர். 

குறுவை சாகுபடி தாமதமடைந்தது, மேட்டூர் அணை திறப்பு தள்ளிப்போனது, மேலும் சம்பா பயிர் சாகுபடிக்கான நிச்சயமற்ற தன்மை ஆகியவை விவசாய சமூகத்தில் அதிருப்தியை ஏற்படுத்தியுள்ளன. இந்தப் பின்னணியில் தமிழக வெற்றிக்கழக அரசு மீது பல்வேறு தரப்பினரிடமிருந்து விமர்சனங்கள் எழுந்துள்ளன. 

முதலமைச்சர் விஜய் கர்நாடக முதலமைச்சருடன் நேரடி பேச்சுவார்த்தை நடத்த முன்வந்தது பெரும் சர்ச்சையை உருவாக்கியது. இது நீண்டகாலமாக தமிழகம் பின்பற்றி வந்த அணுகுமுறையிலிருந்து மாறுபட்டதாகக் கருதப்பட்டது. உச்சநீதிமன்றத் தீர்ப்பு, காவிரி நீர் மேலாண்மை ஆணையம் மற்றும் ஒழுங்காற்றுக் குழு ஆகிய சட்டப்பூர்வ அமைப்புகளின் வழியே தீர்வு காண வேண்டும் என்ற நிலைப்பாட்டை கைவிட்டு இருதரப்பு பேச்சுவார்த்தைக்கு செல்வது தமிழகத்தின் உரிமைகளை பலவீனப்படுத்தும் என விவசாய அமைப்புகள் எச்சரித்தன. நேரடி பேச்சுவார்த்தை மேகதாது அணை திட்டத்துடன் இணைக்கப்பட்டு தமிழகத்திற்கு பாதகமான சமரசத்திற்கு வழிவகுக்கும் அபாயம் உள்ளதாக அவை கவலை தெரிவித்தன. 

இதையும் படிங்க: அ.தி.மு.க.வில் அடுத்த அதிரடி என்ன? அமித் ஷாவை சந்திக்க இ.பி.எஸ். தீவிரம்... டெல்லி பயணத்தால் அரசியல் பரபரப்பு!

சென்னை கிண்டியில் அதிமுக பொதுச்செயலாளர் எடப்பாடி பழனிச்சாமி செய்தியாளர்களை சந்தித்து பேசினார். அப்போது காவிரி நீரை பெற இந்த அரசு என்ன நடவடிக்கை எடுத்தது என்பது தெரியவில்லை என்று கூறியுள்ளார். அனைத்துக் கட்சிக் கூட்டத்தை கூட்ட வேண்டும் என்று அரசியல் கட்சி தலைவர்களும் கூறிவிட்டனர் என எடப்பாடி பழனிச்சாமி குறிப்பிட்டார். மேலும் விவசாய பிரதிநிதிகளையும் அழைத்து கருத்துக்களை பெற வேண்டும் என வலியுறுத்தினார். உச்ச நீதிமன்றத்தில் பெற்ற தீர்ப்பை கூட காப்பாற்ற முடியாத அரசாக தமிழக வெற்றிக்கழக அரசு இருப்பதாக குறிப்பிட்டுள்ளார். 

இதையும் படிங்க: பதவி ராஜினாமா எதற்கு..? கட்சி தாவிய விவகாரம்... பதில் கொடுக்க ஆணை..!!