உதயநிதிக்கு ஆதரவாக குரல் கொடுத்த எடப்பாடி பழனிசாமி! அடுத்த நொடியே மைக் ஆஃப்... சட்டசபையில் பரபரப்பு

தமிழக சட்டசபையில் இன்று நடைபெற்ற விவாதத்தின்போது எதிர்க்கட்சித் தலைவர் உதயநிதி ஸ்டாலின் தொடர்ந்து பேச அனுமதிக்க வேண்டும் என்று எதிர்க்கட்சி வரிசையில் இருந்த முன்னாள் முதல்வர் எடப்பாடி பழனிசாமி குரல் கொடுத்த சம்பவம் பரபரப்பை ஏற்படுத்தியது. இதையடுத்து எடப்பாடி பழனிசாமியின் மைக் உடனடியாக அணைக்கப்பட்டது.

தமிழக சட்டசபையின் பட்ஜெட் கூட்டத்தொடர் தற்போது நடைபெற்று வருகிறது. இதன் ஒரு பகுதியாக இன்று நடைபெற்ற விவாதத்தில், மேகதாது அணை விவகாரம் தொடர்பாக எதிர்க்கட்சித் தலைவர் உதயநிதி ஸ்டாலின் கவன ஈர்ப்பு தீர்மானம் கொண்டு வந்தார்.

அப்போது பேசிய உதயநிதி ஸ்டாலின், மேகதாது அணை விவகாரம் தொடர்பாக தமிழக அரசின் நிலைப்பாடு குறித்து பேசினார். தொடர்ந்து, முன்னாள் முதலமைச்சர் மு.க.ஸ்டாலின் மேகதாது அணை கட்டப்படக் கூடாது என்று கடிதம் எழுதி வைத்துவிட்டு தூங்கச் சென்று விடுகிறார் என முதலமைச்சர் விஜய் கூறியதாக குறிப்பிட்டு பேசினார்.

இதையும் படிங்க: வேளாண் பட்ஜெட்டில் எந்த புதிய திட்டமும் இல்லை! இனிக்க இனிக்க பேசி ஏமாற்றி விட்டார்கள்! எடப்பாடி பழனிசாமி விமர்சனம்!

உதயநிதி ஸ்டாலின் இந்த கருத்தை தெரிவித்தபோது, சபாநாயகர் குறுக்கிட்டார். கவன ஈர்ப்பு தீர்மானத்தில் இடம்பெற்றுள்ள விவகாரம் தொடர்பாக மட்டுமே பேச வேண்டும் என்றும், பிற கருத்துகளை தவிர்க்க வேண்டும் என்றும் அவர் அறிவுறுத்தினார்.

மேலும், உதயநிதி ஸ்டாலினுக்கு ஒதுக்கப்பட்ட பேசும் நேரம் முடிவடைந்துவிட்டதாகவும் சபாநாயகர் தெரிவித்தார். இதனால், தேவையில்லாத கருத்துகளை தொடர்ந்து பேச அனுமதிக்க முடியாது எனவும் கூறினார்.

இந்த நிலையில், எதிர்க்கட்சித் தலைவர் தொடர்ந்து பேசுவதற்கு அனுமதி வழங்க வேண்டும் என எடப்பாடி பழனிசாமி சட்டசபையில் குரல் கொடுத்தார். இதனால் அவையில் சிறிது நேரம் பரபரப்பு ஏற்பட்டது.

எடப்பாடி பழனிசாமி பேசிக்கொண்டிருந்தபோதே அவரது மைக் அணைக்கப்பட்டது. இதனால், அவர் சட்டசபையில் தொடர்ந்து பேச முடியாத நிலை ஏற்பட்டது. இந்த சம்பவம் தொடர்பான காட்சிகள் தற்போது அரசியல் வட்டாரத்திலும் சமூக வலைத்தளங்களிலும் கவனம் பெற்றுள்ளன.

ஒருபுறம் ஆளும் தரப்புக்கும் எதிர்க்கட்சிகளுக்கும் இடையே சட்டசபையில் பல்வேறு விவகாரங்களில் கருத்து மோதல் தொடர்ந்து வரும் நிலையில், எதிர்க்கட்சித் தலைவர் உதயநிதி தொடர்ந்து பேச வேண்டும் என்று எடப்பாடி பழனிசாமி குரல் கொடுத்ததும், உடனடியாக அவரது மைக் அணைக்கப்பட்டதும் அரசியல் ரீதியாக பேசுபொருளாகியுள்ளது.

சட்டசபை நடவடிக்கைகளில் பேசுவதற்கான நேரம், தீர்மானத்தின் வரம்பு மற்றும் சபாநாயகரின் அனுமதி தொடர்பான விதிமுறைகள் மீண்டும் கவனத்தை ஈர்த்துள்ள நிலையில், இன்றைய சம்பவம் தமிழக அரசியல் வட்டாரத்தில் பரபரப்பை ஏற்படுத்தியுள்ளது.

இதையும் படிங்க: அதிரடி நடவடிக்கைக்கு தயாராகும் பழனிசாமி... கூட்டத்தில் பங்கேற்காத நிர்வாகிகளுக்கு காத்திருக்கும் அதிர்ச்சி!