நாளை முதல் ஏப்.1 வரை..!! இபிஎஸ் சூறாவளி தேர்தல் பிரச்சாரம்..!! முழு லிஸ்ட் இதோ..!!

தமிழ்நாடு சட்டமன்றத் தேர்தல் களம் வேகமாக சூடுபிடிக்கத் தொடங்கியுள்ளது. ஏப்ரல் 23, 2026 அன்று நடைபெறவுள்ள இந்த முக்கியத் தேர்தலுக்கான வேட்புமனு தாக்கல் வரும் மார்ச் 30-ம் தேதி முதல் தொடங்குகிறது. இந்த நிலையில், அனைத்திந்திய அண்ணா திராவிட முன்னேற்றக் கழகத்தின் (அதிமுக) பொதுச் செயலாளர் எடப்பாடி பழனிசாமி, தேர்தல் பிரசாரத்தை தீவிரப்படுத்தும் விதமாக நாளை முதல் ஏப்ரல் 1 வரை மாநிலம் முழுவதும் சூறாவளி பிரசார சுற்றுப்பயணம் மேற்கொள்ள உள்ளார்.

அதிமுக தலைமை இன்று வெளியிட்டுள்ள அதிகாரப்பூர்வ அட்டவணையின்படி, தேசிய ஜனநாயகக் கூட்டணி (என்டிஏ) கட்சிகளின் சார்பில் போட்டியிடும் வேட்பாளர்களுக்கு ஆதரவாக எடப்பாடி பழனிசாமி இந்த சுற்றுப்பயணத்தை நடத்தவுள்ளார். மார்ச் 25 முதல் ஏப்ரல் 1 வரை நீடிக்கும் இந்த பிரசாரப் பயணத்தில் பல்வேறு முக்கிய இடங்களில் பொதுக்கூட்டங்கள் நடைபெறவுள்ளன.

அட்டவணையின்படி, மார்ச் 25-ம் தேதி (நாளை) மயிலாப்பூரில் பிற்பகல் 3.30 மணிக்கு பிரசாரம் தொடங்குகிறது. மார்ச் 27-ம் தேதி ஆலந்தூரில் மாலை 4 மணியும், தாம்பரத்தில் மாலை 6 மணியும் பொதுக்கூட்டங்கள் நடைபெறும். மார்ச் 28-ம் தேதி ஆர்.கே.நகரில் மாலை 4 மணியும், திருவொற்றியூரில் மாலை 6 மணியும் பிரசாரம் நடைபெற உள்ளது. மார்ச் 29-ம் தேதி நாகர்கோவிலில் மாலை 4.30 மணியும், ராதாபுரத்தில் மாலை 5.30 மணியும் எடப்பாடி பழனிசாமி பங்கேற்கிறார். 

இதையும் படிங்க: அனல் பறக்கும் தேர்தல் களம்..!! முழுவீச்சில் இறங்கிய எடப்பாடி பழனிசாமி..!! நாளை பிரச்சாரம் தொடக்கம்..!!

மார்ச் 30-ம் தேதி கடையநல்லூரில் மாலை 4 மணியும், கோவில்பட்டியில் மாலை 6 மணியும் பொதுக்கூட்டங்கள் ஏற்பாடு செய்யப்பட்டுள்ளன. மார்ச் 31-ம் தேதி சிவகாசியில் மாலை 4 மணியும், பரமக்குடியில் மாலை 6 மணியும் பிரசாரம் நடைபெறும். இறுதி நாளான ஏப்ரல் 1-ம் தேதி சிவகங்கையில் மாலை 4 மணியும், புதுக்கோட்டையில் மாலை 6 மணியும் எடப்பாடி பழனிசாமி பொதுமக்களைச் சந்தித்து பிரசாரம் செய்யவுள்ளார்.

இந்த சூறாவளி பிரச்சார சுற்றுப்பயணம் மூலம் அதிமுக தலைமையிலான கூட்டணி வேட்பாளர்களுக்கு வலுவான ஆதரவை திரட்ட எடப்பாடி பழனிசாமி முயற்சி எடுப்பார் என எதிர்பார்க்கப்படுகிறது. தேர்தல் தேதி நெருங்கும் வேளையில் அரசியல் களம் மேலும் சூடுபிடிக்கும் என்பது உறுதி.
 

இதையும் படிங்க: அதிமுக மாவட்ட செயலாளர்கள் அவசர கூட்டம்! நாளை எடப்பாடி பழனிசாமி தலைமையில் ஆலோசனை!