குழம்பிய மக்கள்..! கட்டணமில்லா பேருந்து சேவை நிறுத்தமா..? தமிழக அரசு கொடுத்த விளக்கம்..!

தமிழகத்தில் பெண்களுக்கான கட்டணமில்லா பேருந்து சேவை நிறுத்தப்படவில்லை. இது தொடர்ந்து செயல்பாட்டில் உள்ளது. தமிழ்நாடு அரசின் தகவல் சரிபார்ப்பகம் உள்ளிட்ட அதிகாரப்பூர்வ ஆதாரங்கள் இதை உறுதிப்படுத்துகின்றன. தமிழக அரசு 2021-ம் ஆண்டு முதலமைச்சர் மு.க. ஸ்டாலின் தலைமையில் 'மகளிர் விடியல் பயணம்' திட்டத்தை அறிமுகப்படுத்தியது.

இதன் கீழ் அனைத்து பெண்கள், திருநங்கைகள் மற்றும் உயர்கல்வி பயிலும் மாணவிகள் அரசு நடத்தும் சாதாரண பேருந்துகளில் இலவசமாக பயணம் செய்யலாம். இந்தத் திட்டம் பெண்களின் பொருளாதார சுதந்திரம், பாதுகாப்பு மற்றும் பொது போக்குவரத்தை ஊக்குவிப்பதை நோக்கமாகக் கொண்டது.

திட்டம் தொடங்கியதிலிருந்து பல கோடி பயணங்கள் பதிவாகியுள்ளன, மேலும் அரசு இதற்காக ஆயிரக்கணக்கான கோடி ரூபாய் ஒதுக்கீடு செய்து வருகிறது. சமூக ஊடகங்கள் மற்றும் சில செய்திகளில் அவ்வப்போது “இலவச பேருந்து சேவை நிறுத்தப்படுகிறது” அல்லது “பேராபத்தில் உள்ளது” என்று தவறான தகவல்கள் பரவுகின்றன. இவை பெரும்பாலும் அரசியல் காரணங்களுக்காகவோ அல்லது தவறான புரிதலுக்காகவோ உருவாகின்றன.

இதையும் படிங்க: உளவுத்துறைக்கு புதிய தலைமை... அஸ்ரா கார்க் நியமனம்..! தமிழ்நாடு அரசு முக்கிய உத்தரவு..!

தமிழ்நாடு அரசின் தகவல் சரிபார்ப்பகம் இத்தகைய வதந்திகளுக்கு உடனடி விளக்கம் அளித்து, திட்டம் தொடர்ந்து நடைமுறையில் உள்ளதாகவும், எந்தவித நிறுத்தமும் இல்லை என்றும் தெளிவுபடுத்தியுள்ளது. இன்றைய தினம் கட்டணமில்லா பேருந்து டிக்கெட் விநியோகிக்கப்பட்ட ஆதாரத்தையும் தமிழக அரசு தகவல் சரி பார்ப்பது வெளியிட்டுள்ளது. கட்டணமில்லா பேருந்து சேவை நிறுத்தப்பட்டதாக பரவியது வதந்தி என்றும் தெளிவுபடுத்தி இருக்கிறது. 

இதையும் படிங்க: உறுதியளிப்பு ஓய்வூதிய திட்டம்..! 8 வாரம் தான் டைம்..! தமிழக அரசுக்கு ஹைகோர்ட் உத்தரவு..!