முன்னாள் IAS அதிகாரி சகாயத்துக்கு துப்பாக்கி ஏந்திய போலீஸ் பாதுகாப்பு..! டிஜிபிக்கு ஹை கோர்ட் அதிரடி உத்தரவு..!!

முன்னாள் ஐஏஎஸ் அதிகாரி யு. சகாயத்துக்கு துப்பாக்கி ஏந்திய போலீஸ் பாதுகாப்பு வழங்க சென்னை உயர்நீதிமன்றம் உத்தரவிட்டுள்ளது. மதுரை மாவட்ட ஆட்சியராகப் பணியாற்றிய காலத்தில் சட்டவிரோத கிரானைட் குவாரி முறைகேடுகளை துணிச்சலுடன் வெளிக்கொணர்ந்தவர் சகாயம். 2014-ம் ஆண்டு சென்னை உயர்நீதிமன்றத்தின் உத்தரவின் பேரில் அவர் சிறப்பு அதிகாரியாக நியமிக்கப்பட்டு மதுரை உள்ளிட்ட பகுதிகளில் விசாரணை நடத்தினார்.

அந்த விசாரணையில் அரசுக்கு சுமார் 1.11 லட்சம் கோடி ரூபாய் இழப்பு ஏற்பட்டதாக அவர் விரிவான அறிக்கை தாக்கல் செய்தார். இந்த அறிக்கை அடிப்படையில் பல வழக்குகள் பதிவு செய்யப்பட்டு சிறப்பு நீதிமன்றத்தில் விசாரணை நடைபெற்று வருகிறது. 

இந்த விசாரணைப் பணியின்போது சகாயத்துக்கு உயிர் அச்சுறுத்தல் ஏற்பட்டதால், 2014 முதல் உயர்நீதிமன்ற உத்தரவுப்படி துப்பாக்கி ஏந்திய போலீஸ் பாதுகாப்பு வழங்கப்பட்டது. பின்னர் 2018-ல் மீண்டும் உறுதி செய்யப்பட்டது. 2020-ல் ஒருமுறை தற்காலிகமாக விலக்கப்பட்டபோதும் நீதிமன்றம் தலையிட்டு மீட்டெடுத்தது. ஆனால் 2023-ல் அரசு பாதுகாப்பை விலக்கிக் கொண்டது. 

இதையும் படிங்க: இன்னும் சரண்டரே ஆகல.. அதுக்குள்ளயா..? செந்தில் பாலாஜி, அசோக்குமாருக்கு குட்டு வைத்த நீதிமன்றம்..!!

இந்த நிலையில் ஓய்வு பெற்ற ஐஏஎஸ் அதிகாரி சகாயத்திற்கு துப்பாக்கி ஏந்திய போலீஸ் பாதுகாப்பு வழங்க தமிழக டிஜிபிக்கு சென்னை உயர்நீதிமன்றம் உத்தரவு பிறப்பித்துள்ளது. எந்த முன்னறிவிப்பும் இன்றி தனக்கு வழங்கப்பட்ட பாதுகாப்பு விளக்கிக் கொள்ளப்பட்டதாக சகாயம் உயர்நீதிமன்றத்தில் முறையீடு செய்துள்ளார். இந்த மனுவை விசாரித்த நீதிமன்றம் அவருக்கு துப்பாக்கி ஏந்திய போலீஸ் பாதுகாப்பு வழங்க உத்தரவிட்டது. பாதுகாப்பு வழங்க கோரி சகாயம் அளித்த மனு மறு ஆய்வு குழு பரிசீலனையில் இருப்பதாக தமிழக காவல்துறை அப்போது விளக்கம் அளித்திருந்தது இதைத்தொடர்ந்து போலீஸ் பாதுகாப்பு வழங்க உத்தரவிடப்பட்டுள்ளது. 

இதையும் படிங்க: "பெரம்பூர் தொகுதி"..! வெற்றியை எதிர்த்து ஆர்.டி. சேகர் வழக்கு..! முதல்வர் விஜய் பதிலளிக்க ஆணை..!!