அறிவுச் சூரியனின் பிறந்தநாள்..! கலைஞர் கருணாநிதிக்கு முதல்வர் ஸ்டாலின் மரியாதை..!

மறைந்த முன்னாள் முதலமைச்சர் கலைஞர் கருணாநிதியின் 102வது பிறந்த நாள் இன்று கொண்டாடப்படுகிறது. ஜூன் ஒன்றாம் தேதி மதுரையில் நடந்த திமுக பொதுக் குழு கூட்டத்தில் கலைஞர் கருணாநிதி பிறந்த நாள் செம்மொழி நாளாக கொண்டாடப்படும் என அறிவிக்கப்பட்டது. இந்த நிலையில், முதலமைச்சர் மு.க ஸ்டாலின் தனது மகிழ்ச்சியை வெளிப்படுத்தி உள்ளார்.

தாழ்ந்து கிடந்த தமிழ்நாட்டை உயர்த்திட, அறிவுச் சூரியனாய் வந்துதித்த தமிழினத் தலைவர் கலைஞரின் பிறந்தநாள் என்றும் முச்சங்கம் கண்ட முத்தமிழுக்குச் செம்மொழிச் சிறப்பு செய்த முத்தமிழ்க் காவலரைப் போற்றிடும் செம்மொழிநாள் என புகழாரம் சூட்டி உள்ளார்.

இதையும் படிங்க: 500 கிமீ தூரத்துக்கு TRANSFER! சிறை தண்டனையை விட கொடுமை... காவலர்களுக்காக குரல் கொடுத்த சீமான்!

ஐந்து முறை முதலமைச்சராகத் தமிழ்நாட்டை ஆட்சி செய்து வரலாறு பல படைத்து, இந்தியாவுக்கே வழிகாட்டும் பேரியக்கமான திராவிட முன்னேற்றக் கழகத்தை 50 ஆண்டுகள் வழிநடத்தி, ஒளியும் நிழலும் ஒருசேர வழங்கிய தலைவர் கலைஞரின் உடன்பிறப்புகள் எனப் பெருமை கொள்வோம் என்றும் முதலமைச்சர் கூறி உள்ளார்.

இந்த நிலையில், கலைஞர் கருணாநிதி பிறந்த நாளை முன்னிட்டு சென்னை கோபாலபுரத்தில் உள்ள கலைஞர் இல்லத்தில் அலங்கரித்து வைக்கப்பட்டிருந்த அவரது திருவுருவப்படத்திற்கு முதலமைச்சர் ஸ்டாலின் மரியாதை செலுத்தினார். இதனைத் தொடர்ந்து மெரினா கடற்கரையில் உள்ள கலைஞர் நினைவிடத்தில் முதல்வர் ஸ்டாலின் மலர் தூவி மரியாதை செலுத்தினார். இதனிடையே, கலைஞர் கருணாநிதியின் பிறந்தநாளை முன்னிட்டு பல்வேறு நிகழ்ச்சிகளில் முதலமைச்சர் ஸ்டாலின் இன்று கலந்து கொள்ள உள்ளதாக கூறப்பட்டுள்ளது. மேலும், தமிழகம் முழுவதும் கலைஞரின் பிறந்த நாள் செம்மொழி நாளாக இன்று கொண்டாடப்பட்ட வருகிறது.

இதையும் படிங்க: ஸ்டாலின் சாரே நினைத்தாலும் அந்த SIR-ஐ காப்பாற்ற முடியாது.. இபிஎஸ் சரமாரி அட்டாக்..!