சிவபெருமான் கஞ்சா வாங்கச் சொன்னாரா?... காட்பாடியில் போதை சாமியார் சிக்கியது எப்படி?

"சிவபெருமானே நேர்ல வந்து கஞ்சா வாங்கிட்டு வரச் சொன்னாரு!" - போலீசிடமே அசால்ட்டாக ரீல் விட்ட போலி சாமியார்! ஆந்திராவில் இருந்து தமிழகத்திற்கு கெத்தாக கஞ்சா கடத்தி வந்த நபரை, காட்பாடி போலீசார் அதிரடியாகக் கைது செய்து சிறையில் தள்ளிய சம்பவம் பெரும் பரபரப்பை ஏற்படுத்தியுள்ளது!

வேலூர் மாவட்டம், காட்பாடி காவல் நிலைய எல்லைக்குட்பட்ட பகுதியில் ஆந்திராவில் இருந்து தமிழகத்திற்கு கஞ்சா மற்றும் குட்கா கடத்தப்படுவதாகப் போலீசாருக்கு ரகசியத் தகவல் கிடைத்துள்ளது.

இதனையடுத்து காட்பாடி காவல் ஆய்வாளர் தயாளன் அவர்களின் உத்தரவின் பேரில், உதவி ஆய்வாளர் மணிகண்டன் மற்றும் காவலர் வினோத்குமார் அடங்கிய குழுவினர், காட்பாடி கிறிஸ்டியான்பேட்டை சோதனைச் சாவடி அருகில் தீவிர வாகனத் தணிக்கையில் ஈடுபட்டனர்.

இதையும் படிங்க: வங்க கடலில் புதிய காற்றழுத்த தாழ்வு மண்டலம்! 24 மணி நேரத்தில் தீவிரமடையும் என வானிலை மையம் எச்சரிக்கை!

அப்போது, ஆந்திராவில் இருந்து வந்த அரசுப் பேருந்தை நிறுத்தி போலீசார் சோதனையிட்டபோது, அதில் இருந்த ஒரு கைப்பையில் 900 கிராம் கஞ்சா இருந்தது கண்டுபிடிக்கப்பட்டது!

உடனடியாகப் பேருந்தில் இருந்த அனைவரிடமும் தீவிர விசாரணை நடத்தியபோதுதான் அந்த உண்மை வெளிவந்தது! காவி உடை அணிந்து 'சாமியார்' போர்வையில் வலம் வந்த நபர்தான் இந்த கஞ்சாவைக் கடத்தி வந்தது தெரியவந்தது.

விசாரணையில், அவர் மதுரை மாவட்டத்தைச் சேர்ந்த கண்ணன் (வயது 44) என்பதும், திருவண்ணாமலை சப்தகிரி கோவில் பகுதியில் சாமியாராக யாசகம் எடுத்து வந்தவர் என்பதும் தெரியவந்தது.

போலீசார் அவரிடம் விசாரணை நடத்தியபோது, "சிவபெருமான்தான் என்னை கஞ்சா வாங்கி வரச் சொன்னார்!" என்று கூறி அனைவரையும் அதிர்ச்சியடைய வைத்துள்ளார்.

இதையடுத்து, அவரிடமிருந்த ₹9,000 மதிப்பிலான 900 கிராம் கஞ்சாவைப் பறிமுதல் செய்த காட்பாடி போலீசார், கண்ணன் மீது வழக்குப் பதிவு செய்து, அவரைச் சேலம் மத்திய சிறையில் அடைத்தனர்.

காவல்துறையின் இந்த  அதிரடி நடவடிக்கை அப்பகுதியில் பெரும் வரவேற்பைப் பெற்றுள்ளது.

இதையும் படிங்க: அடுத்த கட்சி எம்எல்ஏ-வை இழுப்பது என்ன அரசியல்? ஆளும் தரப்பை நோக்கி சீமான் சரமாரி கேள்வி!