கோயம்பேடு பார் கொடூரத்தில் மிகப்பெரிய திருப்பம்... அதிகாலையிலேயே அரங்கேறிய அதிர்ச்சி சம்பவம்...!

சென்னை கோயம்பேட்டில் கடந்த ஞாயிறு அன்று  அதிர்ச்சி சம்பவமானது அரங்கேறியது. குறிப்பாக பாரில் ஏற்பட்ட தகராறில் ஒரு கார் 18 வயது இளம்பெண் மற்றும் 17 வயது சிறுமி ஆகியோர் சென்ற இருசக்கர வாகனத்தின் மீது மோதியதில் சம்பவ இடத்திலேயே அந்த 18 வயது இளம்பெண்  உயிரிழந்தார்.

மற்றொரு 17 வயது சிறுமி படுகாயம் அடைந்து சுயநினைவின்றி கீழ்பாக்கம் அரசு மருத்துவமனையில சிகிச்சை பெற்று வந்தார். உயிருக்கு ஆபத்தான நிலையில் சிறுமி தீவிர சிகிச்சை பெற்று வந்த நிலையில், தற்போது இன்று அதிகாலை மூன்று மணி அளவில் திடீரென சிறுமி சிகிச்சை பலனின்றி உயிரிழந்திருக்கிறார்.

இது தொடர்பாக சிஎம்பிடி போலீசார் வழக்கு பதிவு செய்து மொத்தம் இதுவரை ஏழு நபர்களை கைது செய்திருக்கிறார்கள். கைது செய்யப்பட்ட அவர்களை  சிறையில் அடைத்திருக்கக்கூடிய நிலையில் இது தொடர்பாக சம்பந்தப்பட்ட பாருக்கும் சீல் வைக்கப்பட்டு அவர்களுடைய லைசன்ஸும் ரத்து செய்யப்பட்டுள்ளது. முதற்கட்டமாக 17 மற்றும் 18 வயது சிறுமிகளை எப்படி பாருக்குள் அனுமதித்தார்கள் என்ற கோணத்தில் தான் விசாரணை சென்று கொண்டிருக்கிறது. 

இதையும் படிங்க: மதுபான பாரில் தகராறு! சென்னையில் இளம்பெண் கார் ஏற்றிக்கொலை!! கதறி அழும் பெற்றோர்!

மேலும் இந்த இரண்டு இளம் பெண்களும்  ஆதார் கார்டையே மாற்றித்தான் அந்த நட்சத்திர விடுதிக்குள் சென்றிருப்பதும் போலீசாரின் விசாரணையில தெரிய வந்ததை அடுத்து அதுகுறித்தும் தீவிர விசாரணையானது போலீசார் தரப்பில் மேற்கொள்ளப்பட்டு வருகிறது. இந்த நிலையில தான் தற்போது  சுயநினைவின்றி சிகிச்சை பெற்று வந்த 17 வயது சிறுமியும் சிகிச்சை பலனின்றி உயிரிழந்திருக்கிறார். இது தொடர்பாக மேலும் ஒரு கொலைவழக்கு பதிவானது சிஎம்பிடி காவல் நிலையத்தில பதிவு செய்யப்பட்டு, இச்சம்பவத்தில் அவர்களுக்கு கூடுதல் தண்டனை வழங்கப்படும் எனவும் சென்னை காவல்துறை தரப்பில் தகவல் தெரிவிக்கப்பட்டிருக்கிறது.

இதையும் படிங்க: விஜய் பொறுப்பேற்ற நாள் முதலே இப்படித்தான்... தூத்துக்குடி சம்பவத்தை சுட்டிக்காட்டி எரிமலையாய் வெடித்த அனிதா ராதாகிருஷ்ணன்...!