அத்வானிக்கு என்ன ஆச்சு? 98 வயதில் மருத்துவமனையில் அட்மிட்! உடல்நிலை குறித்து வெளியான தகவல்!

புதுடெல்லி: பாஜகவின் மூத்த தலைவரும், முன்னாள் துணைப் பிரதமருமான எல்.கே. அத்வானி (98), உடல்நலக்குறைவு காரணமாக டெல்லியில் உள்ள அப்பல்லோ மருத்துவமனையில் அனுமதிக்கப்பட்டுள்ளார். அவருக்கு நெஞ்சுப் பகுதியில் தொற்று ஏற்பட்டுள்ள நிலையில், நுரையீரல் சிகிச்சைப் பிரிவில் மருத்துவர்கள் தொடர்ந்து கண்காணித்து வருகின்றனர். அவரது உடல்நிலை தற்போது சீராக இருப்பதாக மருத்துவமனை வட்டாரத் தகவல்கள் தெரிவிக்கின்றன. 

திடீரென ஏற்பட்ட பாதிப்பு

டெல்லியில் தனது இல்லத்தில் ஓய்வெடுத்து வந்த அத்வானிக்கு, அக்டோபர் 16-ம் தேதி வெள்ளிக்கிழமை மாலை உடல்நலப் பாதிப்பு ஏற்பட்டது. இதையடுத்து, இரவு சுமார் 7.30 மணியளவில் அவர் அப்பல்லோ மருத்துவமனைக்கு அழைத்துச் செல்லப்பட்டார்.

அங்கு நுரையீரல் சிகிச்சைப் பிரிவில் அனுமதிக்கப்பட்ட அவருக்குத் தேவையான மருத்துவப் பரிசோதனைகள் மேற்கொள்ளப்பட்டு வருகின்றன. நெஞ்சுப் பகுதியில் ஏற்பட்ட தொற்றுக்காக மருத்துவர்கள் சிகிச்சை அளித்து வருகின்றனர். அவரது உடல்நிலையை மருத்துவக் குழுவினர் தொடர்ந்து கண்காணித்து வருவதாகத் தகவல்கள் தெரிவிக்கின்றன. 

இதையும் படிங்க: நம்ம நாட்டாமைக்கு அடிச்சுது ஜாக்பாட்..!! இவ்ளோ பெரிய பதவியா..?? தொக்காய் தூக்கி கொடுக்கும் மோடி..!!

மருத்துவமனை வெளியிட்ட தகவல் என்ன?

98 வயதான அத்வானியின் உடல்நிலை குறித்து வெளியாகியுள்ள தகவல்களின்படி, அவர் தற்போது சீராக உள்ளார். எனினும், வயது மற்றும் நெஞ்சுத் தொற்று காரணமாக மருத்துவக் கண்காணிப்பு தொடர்ந்து வருகிறது. அவருக்கான சிகிச்சை மற்றும் பரிசோதனைகள் முடிவடைந்த பிறகே அடுத்தகட்ட மருத்துவ முடிவுகள் எடுக்கப்படும் என எதிர்பார்க்கப்படுகிறது.

இதற்கு முன்பும், கடந்த மே மாதத்தில் வயது தொடர்பான உடல்நலப் பிரச்சினைகளுக்காக அத்வானி மருத்துவமனையில் அனுமதிக்கப்பட்டு சிகிச்சை பெற்றார். தற்போது மீண்டும் மருத்துவமனையில் அனுமதிக்கப்பட்டிருப்பது அவரது ஆதரவாளர்கள் மத்தியில் கவலையை ஏற்படுத்தியுள்ளது. 

பாஜக வளர்ச்சியில் முக்கியப் பங்கு

இந்திய அரசியலில் நீண்டகால அனுபவம் கொண்ட அத்வானி, பாஜக தேசிய அளவில் வளர்ச்சி அடைவதில் முக்கியப் பங்காற்றியவர். கட்சியின் தலைவராக மூன்று முறை பதவி வகித்த அவர், முன்னாள் பிரதமர் அடல் பிகாரி வாஜ்பாய் தலைமையிலான தேசிய ஜனநாயகக் கூட்டணி ஆட்சியில் மத்திய உள்துறை அமைச்சராகவும், 2002 முதல் 2004 வரை துணைப் பிரதமராகவும் பணியாற்றினார்.

1990-ம் ஆண்டு அவர் மேற்கொண்ட ரத யாத்திரை இந்திய அரசியலில் குறிப்பிடத்தக்க தாக்கத்தை ஏற்படுத்தியது. பல தசாப்தங்களாகப் பொதுவாழ்வில் ஆற்றிய பங்களிப்பைப் பாராட்டி, 2024-ம் ஆண்டு அவருக்கு நாட்டின் உயரிய குடிமகன் விருதான பாரத ரத்னா வழங்கப்பட்டது.

அத்வானியின் உடல்நிலை தொடர்ந்து மருத்துவர்களால் கண்காணிக்கப்பட்டு வரும் நிலையில், அவரது உடல்நலம் விரைவில் மேம்பட வேண்டும் என அரசியல் தலைவர்கள் மற்றும் ஆதரவாளர்கள் எதிர்பார்த்து வருகின்றனர். மருத்துவமனையிலிருந்து வெளியாகும் அடுத்தகட்ட தகவல்கள் முக்கியத்துவம் பெற்றுள்ளன.

இதையும் படிங்க: ஷாக் அடிக்கும் மின் கொள்முதல் விலை..! கடன் ஏற்றுவதில் என்ன பயன்.? வானதி சீனிவாசன் கேள்வி.!