மீனாட்சியம்மன் கோயில் குடமுழுக்கு... மூதாட்டியிடம் 2 சவரன் செயின் பறிப்பு..! தொடர் விசாரணை..!

மதுரை மீனாட்சியம்மன் கோயிலில் 17 ஆண்டுகளுக்குப் பிறகு நடைபெற்ற குடமுழுக்கு விழாவை முன்னிட்டு பக்தர்கள் பெருமளவில் திரண்டிருந்த நிலையில், கேரளாவிலிருந்து வந்திருந்த ஒரு மூதாட்டியிடம் தங்கச் செயின்கள் பறிக்கப்பட்ட சம்பவம் நடைபெற்றுள்ளது. குடமுழுக்கு விழாவின்போது கோயிலைச் சுற்றியுள்ள பகுதிகளில் பக்தர்களின் கூட்டம் அலைமோதியது. அந்தச் சூழலைப் பயன்படுத்தி மர்ம நபர் ஒருவர் இச்சம்பவத்தைச் செய்துள்ளார்.

கேரளாவைச் சேர்ந்த 62 வயதான விஜயலட்சுமி குடமுழுக்கைக் காண மதுரைக்கு வந்திருந்தார். அவர் கோயிலின் மேற்கு வாசல் பகுதியில் பிரசாதம் வாங்கிக் கொண்டிருந்தபோது இச்சம்பவம் நடந்தது. அப்போது அப்பகுதியில் பக்தர்களின் கூட்ட நெரிசல் அதிகமாக இருந்தது. அந்த நெரிசலைப் பயன்படுத்தி மர்ம நபர் ஒருவர் விஜயலட்சுமியின் கழுத்தில் இருந்த இரண்டு சவரன் எடை கொண்ட தங்கச் செயின்களை திடீரெனப் பறித்துச் சென்றார்.

சம்பவம் நடந்த உடனேயே அவர் அதை உணர்ந்து சுற்றிலும் பார்த்தார். ஆனால் கூட்டத்தில் மர்ம நபர் எளிதில் மறைந்துவிட்டார்.இச்சம்பவம் குறித்து விஜயலட்சுமி உடனடியாக அருகிலிருந்த போலீசாரிடம் தகவல் தெரிவித்தார். அதன் அடிப்படையில் போலீசார் விசாரணையைத் தொடங்கியுள்ளனர். மேற்கு வாசல் பகுதியில் உள்ள சிசிடிவி கேமராக்களின் காட்சிகளை ஆய்வு செய்வது உள்ளிட்ட பணிகள் நடைபெற்று வருகின்றன.

இதையும் படிங்க: விஐபிகளுக்கு மரியாதை... பக்தர்களுக்கு அவமதிப்பு... சர்ச்சையுடன் முடிந்த மீனாட்சி அம்மன் கோயில் கும்பாபிஷேகம்...!

கூட்ட நெரிசலில் இதுபோன்ற சம்பவங்கள் நடப்பதால் பக்தர்கள் தங்கள் நகைகளைப் பாதுகாப்பாக வைத்துக் கொள்ள வேண்டும் என போலீசார் அறிவுறுத்தியுள்ளனர்.குடமுழுக்கு விழாவை முன்னிட்டு மதுரை மீனாட்சியம்மன் கோயிலில் பாதுகாப்பு ஏற்பாடுகள் தீவிரப்படுத்தப்பட்டிருந்தன. ஆயிரக்கணக்கான போலீசார் பணியில் ஈடுபட்டிருந்தனர். இருந்தபோதிலும், கூட்ட நெரிசலைப் பயன்படுத்தி இதுபோன்ற சம்பவங்கள் நிகழ்வதைத் தடுக்க முடியவில்லை.

இதையும் படிங்க: நாங்க மனுஷங்க இல்லையா சார்?... அமைச்சர் காரை மறித்து பக்தர்கள் ஆவேசம்... மீனாட்சி அம்மன் கோயில் வாசலில் பரபரப்பு...!