அடி தூள்.. விழாக்கோலம் பூண்ட மதுரை..! அலைகடலென திரளும் பக்தர்கள்..!

முருக பக்தர்கள் மாநாடு இன்று மதுரை மாவட்டம் அம்மா திடல், பாண்டி கோவில் ரிங் ரோடு அருகே நடைபெறுகிறது. முருக பக்தர்களை ஒருங்கிணைத்து, இந்து ஒற்றுமையையும், தமிழ் கலாச்சாரத்தையும், சனாதன தர்மத்தையும் பறைசாற்று வேண்டும்., மேலும், காரைக்குடி முதல் பழநி வரையிலான பாதையை மேம்படுத்தவும், திருச்செந்தூர் பக்தர்களுக்கு தனி பாதை அமைக்கவும் கோரிக்கை வைப்பது உள்ளிட்டவற்றை நோக்கமாகக் கொண்டு இந்த மாநாடு நடைபெறுகிறது.

மாநாட்டில் முருகனின் ஆறு புனித தலங்களான திருப்பரங்குன்றம், திருச்செந்தூர், பழநி, சுவாமிமலை, திருத்தணி, மற்றும் பழமுதிர்சோலை ஆகியவற்றின் மாதிரிகள் அம்மா திடலில் 20,000 சதுர அடி பரப்பளவில் காட்சிப்படுத்தப்பட்டுள்ளன. ஒவ்வொரு மாதிரியும் 40x80 சதுர அடி அளவில், கோவில் கோபுரங்கள், தூண்கள் மற்றும் சிற்ப விவரங்களுடன் வடிவமைக்கப்பட்டுள்ளன. இவை கோயம்புத்தூரைச் சேர்ந்த கலைஞர்களால் உருவாக்கப்பட்டவை. மேலும், பக்தர்களுக்கு திருக்கோயில்களின் விபூதி மற்றும் பிரசாதம் வழங்கப்படுகிறது.

இதையும் படிங்க: கந்த சஷ்டி கவசம் மூலம் கோட்டையை அசைக்கலாம்... மாஸ் காட்டிய எல்.முருகன்!!

இந்த முருக பக்தர்கள் மாநாட்டில் ஒரு லட்சத்திற்கும் மேற்பட்ட பக்தர்கள் ஒரே நேரத்தில் கந்த சஷ்டி கவசத்தைப் பாட உள்ளனர். முருகனின் 108 சேவகர்களின் வாழ்க்கை வரலாற்றை விளக்கும் ஆடியோ-விஷுவல் காட்சி.,பக்தி இசை மற்றும் பிற கலை நிகழ்ச்சிகள், முருகன் பக்தி மற்றும் தமிழ் கலாச்சாரத்தைப் பற்றிய விவாதங்கள் நடைபெற உள்ளன.

உத்தரபிரதேச முதலமைச்சர் யோகி ஆதித்தியநாத் மற்றும் ஆந்திரப் பிரதேச துணை முதலமைச்சர் பவன் கல்யாண் ஆகியோர் முதன்மை விருந்தினர்களாக வருகைத் தர உள்ளனர். மேலும், பாஜக மற்றும் அதன் கூட்டணி கட்சிகளின் முக்கிய நிர்வாகிகளும் மாநாட்டில் கலந்து கொள்ள உள்ளனர்.

தமிழ்நாடு, கர்நாடகா, மகாராஷ்டிரா, ஆந்திரப் பிரதேச, தெலங்கானா, கேரளா, மலேசியா, சிங்கப்பூர், ஜப்பான் உள்ளிட்ட பல்வேறு இடங்களிலிருந்து சுமார் 5 லட்சம் பக்தர்கள் பங்கேற்பார்கள் என எதிர்பார்க்கப்படுகிறது. இந்த மாநாட்டிற்காக முருகப்பெருமான் வேலுடன் நிற்கும் வகையில் பிரம்மாண்ட மேடை அமைக்கப்பட்டுள்ளது.

இதையும் படிங்க: பவன் கல்யாண் வருவதை எதிர்க்கலாமா? மீரு எவரண்டி.. பதில் செப்பண்டி.. H.ராஜா தடாலடி..!