சம்பா சாகுபடிக்கு தண்ணீர் எப்போது..? காவிரி நீரை திறக்கணும்... மாணிக்கம் தாகூர் வலியுறுத்தல்..!!

தமிழ்நாட்டின் காவிரி டெல்டா பகுதியில் விவசாயிகள் தீவிர நெருக்கடியை எதிர்கொள்ளும் நிலையில், தமிழ்நாடு காங்கிரஸ் கமிட்டி தலைவர் மாணிக்கம் தாகூர் கர்நாடக அரசை கடுமையாக விமர்சித்து உடனடி நீர் திறப்பை வலியுறுத்தியுள்ளார். குறுவை சாகுபடி ஏற்கெனவே காய்ந்து போன சூழலில், வரவிருக்கும் சம்பா பருவ சாகுபடிக்காவது தண்ணீர் உடனடியாக வந்தாக வேண்டும் என்பது அவரது முக்கிய கோரிக்கை.

சமீபத்தில் காவிரி நீர் ஒழுங்குமுறை குழு நடத்திய கூட்டத்தில், தமிழ்நாட்டுக்கு தினமும் 3,500 கன அடி நீரை அடுத்த 15 நாட்களுக்கு பிலிகுண்டுலு பகுதியில் திறக்குமாறு உத்தரவிடப்பட்டது. இது சுமார் 4 டிஎம்சி அளவுக்கு நீர் வரும். ஆனால் கர்நாடக நீர்ப்பாசனத் துறை அமைச்சர், “தண்ணீர் திறக்க முடியாது. எதிர்த்து மேல்முறையீடு செய்வோம்” என்று பதிலளித்தார். இந்தக் கருத்தை “பொறுப்பற்றது” என்று விமர்சித்த மாணிக்கம் தாகூர், இது மாநிலங்களுக்கு இடையேயான நல்லுறவை பாதிக்கும் தேவையற்ற பதற்றத்தை உருவாக்குவதாகக் கூறினார்.

இது தொடர்பாக கருத்து தெரிவித்த மாணிக்கம் தாகூர், உச்ச நீதிமன்றத்தின் 2018 இறுதித் தீர்ப்பை சுட்டிக்காட்டி, காவிரி நீர் ஒரு தேசிய சொத்து என்றும், எந்த மாநிலமும் பிரத்யேக உரிமை கோர முடியாது என்றும் நினைவூட்டினார். காவிரி மேலாண்மை வாரியம் ஜூன் மற்றும் ஜூலை மாதங்களுக்கு குறிப்பிட்ட அளவு நீர் திறக்க உத்தரவிட்டுள்ள நிலையில், கர்நாடகம் அதை மதிக்க வேண்டும் என வலியுறுத்தினார். வறட்சிக் காலங்களில் கூட pro-rata அடிப்படையில் பகிர்ந்து கொள்ள வேண்டும் என உச்ச நீதிமன்றம் உறுதிப்படுத்தியுள்ளதை அவர் சுட்டிக்காட்டினார்.

இதையும் படிங்க: பறிபோன 21 இளம் உயிர்கள்... அரசின் பெரும் தோல்வி..! தர்மேந்திர பிரதான் பதவி விலக மாணிக்கம் தாகூர் வலியுறுத்தல்..!!

தற்போதைய நிலவரப்படி, ஜூன்-ஜூலை காலத்தில் தமிழ்நாட்டுக்கு சேர வேண்டிய பெரும் பகுதி நீர் நிலுவையில் உள்ளது. கர்நாடக அணைகளில் சில நீர் இருப்பு இருந்தபோதும், மழை பற்றாக்குறையைச் சுட்டிக்காட்டி கர்நாடகம் நீர் திறப்புக்கு எதிர்ப்பு தெரிவித்து வருகிறது. இதனால் தமிழ்நாட்டின் விவசாயிகள் கடும் பாதிப்பை சந்திக்கின்றனர். மாணிக்கம் தாகூர், சட்டப்பூர்வ தீர்ப்புகளையும், கூட்டாட்சி ஒத்துழைப்பையும் மதிக்குமாறு கர்நாடக அரசுக்கு அழுத்தம் கொடுத்துள்ளார்.

இதையும் படிங்க: "மிஷன் 2029"..! ராகுல்காந்தியை பிரதமராக்கும் அடித்தளம்... மாணிக்கம் தாகூர் அறிவிப்பு..!