விறுவிறு தேர்தல் களம்... முன்கூட்டியே தொடங்கும் முதல்வரின் சூறாவளி பிரச்சாரம்..!!

தமிழ்நாட்டில் 2026ஆம் ஆண்டு ஏப்ரல் 23ஆம் தேதி நடைபெறவுள்ள சட்டமன்றத் தேர்தலுக்கான தயாரிப்புகள் தீவிரமடைந்துள்ள நிலையில், தி.மு.க. தலைமையிலான மதச்சார்பற்ற முற்போக்கு கூட்டணியில் தொகுதிப் பங்கீடு இறுதி செய்யப்பட்டுள்ளது. இந்தக் கூட்டணியில் தி.மு.க.வின் உதய சூரியன் சின்னம் மொத்தம் 175 தொகுதிகளில் போட்டியிடும் என்பது உறுதியாகியுள்ளது.

தமிழ்நாடு சட்டப்பேரவைத் தேர்தல் 2026 ஏப்ரல் 23 அன்று ஒரே கட்டமாக நடைபெற உள்ள நிலையில், திமுக தலைவரும் முதலமைச்சருமான மு.க.ஸ்டாலின் மார்ச் 31ம் தேதி முதல் தனது தீவிர பிரச்சாரத்தை தொடங்க உள்ளார். இந்தத் தேர்தல் தமிழ்நாட்டின் அரசியலில் முக்கியமானதாகக் கருதப்படுகிறது. ஏனெனில் ஸ்டாலின் தலைமையிலான திமுக அரசு இரண்டாவது முறையாக ஆட்சியைத் தக்கவைக்க முயற்சிக்கிறது.

இது கலைஞர் கருணாநிதியின் பின்னர் ஸ்டாலினுக்கு தனிப்பட்ட மக்கள் ஆதரவைப் பெறும் வாய்ப்பாகவும் பார்க்கப்படுகிறது.தேர்தல் அறிவிப்புக்குப் பிறகு அரசியல் கட்சிகள் அனைத்தும் தீவிரமாகக் களமிறங்கியுள்ளன. திமுக ஏற்கனவே கூட்டணிப் பேச்சுவார்த்தைகளை முடித்து, காங்கிரஸ் உள்ளிட்ட கூட்டணிக் கட்சிகளுடன் இணைந்து செயல்பட்டு வருகிறது. சில கட்சிகளுடன் தொகுதிப் பங்கீடு உறுதியாகியுள்ளது. ஏப்ரல் 2 முதல் முதல்வர் ஸ்டாலின் பிரச்சாரத்தை தொடங்குவார் எனக் கூறப்பட்ட நிலையில் முன்கூட்டியே தனது பிரச்சாரத்தை தொடங்குகிறார்.

இதையும் படிங்க: என்ன திமுக ஆதரவா? பொன்ராஜை அரெஸ்ட் பண்ணுங்க..! போர்க்கொடி தூக்கிய அன்புமணி..!!

மார்ச் 31ம் தேதி முதல்வர் ஸ்டாலின் தொடங்கும் பிரச்சாரம், அரசின் ஐந்தாண்டு சாதனைகளை மக்களிடம் கொண்டு செல்வதையும், எதிர்க்கட்சிகளின் கொள்கைகளை விமர்சிப்பதையும் மையமாகக் கொண்டிருக்கும். குறிப்பாக, பெண்களுக்கான கலைஞர் மகளிர் உரிமைத் திட்டம், இலவச பேருந்துப் பயணம் போன்ற நலத்திட்டங்களை வலியுறுத்தி, திராவிட மாடல் ஆட்சியின் தொடர்ச்சியை வலியுறுத்துவார் என்று எதிர்பார்க்கப்படுகிறது.

இதையும் படிங்க: அண்ணா பல்கலை.யில் மீண்டும் ஓர் அதிர்ச்சி... பேராசிரியரால் மாணவிக்கு பாலியல் தொல்லை..! கொந்தளித்த அண்ணாமலை..!!