#BREAKING: முதலமைச்சர் பதவியை ராஜினாமா செய்த ஸ்டாலின்..! MLA சீட் கூட கிடைக்காத நிலை..!!

2026 ஏப்ரல் 23 அன்று நடைபெற்ற தமிழ்நாடு சட்டமன்றத் தேர்தல் முடிவுகள் மே 4 அன்று (நேற்று) வெளியானபோது, தமிழ்நாட்டின் அரசியல் வரலாற்றில் ஒரு முக்கிய திருப்புமுனை ஏற்பட்டது. திமுக சார்பில் முதலமைச்சர் வேட்பாளராகக் களமிறங்கிய மு.க. ஸ்டாலின், தனது கோட்டை என்று கருதப்பட்ட கொளத்தூர் தொகுதியில் தோல்வியைத் தழுவினார்.

இந்தத் தோல்வி மட்டுமின்றி, திமுகவின் ஒட்டுமொத்த பின்னடைவும் கட்சியை பலவீனப்படுத்தியது. இதைத் தொடர்ந்து, இன்று ஸ்டாலின் தனது முதலமைச்சர் பதவியை ராஜினாமா செய்தார். கொளத்தூர் தொகுதி ஸ்டாலினுக்கு நீண்டகாலமாக வலுவான கோட்டையாக இருந்து வந்தது.

2008-ல் தொகுதி உருவாக்கப்பட்டதிலிருந்து 2011, 2016, 2021 ஆகிய தேர்தல்களில் அவர் அங்கு தொடர்ச்சியாக வெற்றி பெற்றிருந்தார். குறிப்பாக 2021-ல் பெரிய வாக்கு வித்தியாசத்தில் வென்றிருந்தார். ஆனால் 2026-ல் நிலைமை மாறியது. தமிழக வெற்றிக் கழக வேட்பாளர் வி.எஸ். பாபு, ஸ்டாலினை சுமார் 8,795 வாக்குகள் வித்தியாசத்தில் தோற்கடித்தார். பாபு 82,997 வாக்குகளும், ஸ்டாலின் 74,202 வாக்குகளும் பெற்றனர். இது ஸ்டாலினின் அரசியல் வாழ்க்கையில் 35 ஆண்டுகளுக்குப் பிறகு முதல் தோல்வியாக அமைந்தது. 

இதையும் படிங்க: எதிர்க்கட்சியாக செயல்படுவோம்..! நீங்க இருக்க வரைக்கும் எனக்கென்ன கவலை..! மனம் திறந்த ஸ்டாலின்..!

இந்த நிலையில் எம்எல்ஏ வாய்ப்பை கூட இழந்த ஸ்டாலின் தனது முதலமைச்சர் பதவியை இன்று ராஜினாமா செய்தார். தனது ராஜினாமா கடிதத்தை ஆளுநருக்கு அனுப்பி வைத்துள்ளார். திமுக தொண்டர்களுக்கு இந்த தோல்வியானது பெரும் அதிர்ச்சியை ஏற்படுத்தியுள்ளது. 

இதையும் படிங்க: எதிர்க்கட்சி அந்தஸ்தை இழந்த அதிமுக..! பேரிழப்பு..! பெரும் சறுக்கல்..!!