காற்றில் கரைந்த தேனிசை..! ஈடு செய்ய முடியா பேரிழப்பு..! இசையமைப்பாளர் தேவா மறைவுக்கு ஆளுநர் அர்லேகர் இரங்கல்..!

தமிழ் திரையுலகின் பிரபல இசையமைப்பாளரும், ‘தேனிசைத் தென்றல்’ என்று அன்போடு அழைக்கப்பட்டவருமான தேவா இன்று காலை உயிரிழந்தார். அவருக்கு வயது 75. நெஞ்சுவலி காரணமாக இன்று காலையில் சென்னை கோடம்பாக்கத்தில் உள்ள ஒரு தனியார் மருத்துவமனையில் அனுமதிக்கப்பட்ட அவர், சிகிச்சை பலனின்றி மாரடைப்பால் காலமானார். இந்த செய்தி திரையுலகினரையும் இசை ரசிகர்களையும் பெரும் அதிர்ச்சிக்குள்ளாக்கியுள்ளது. 

 1980களின் நடுப்பகுதியில் திரைப்பட இசையமைப்பாளராக அறிமுகமான அவர், ‘மட்டுக்கார மன்னாரு’ படத்தின் மூலம் முழுமையான இசையமைப்பாளராக அங்கீகாரம் பெற்றார். அதைத் தொடர்ந்து ‘வைகாசி பொறந்தாச்சு’, ‘அண்ணாமலை’, ‘பாட்ஷா’, ‘ஆசை’, ‘காதல் கோட்டை’ உள்ளிட்ட பல வெற்றிப் படங்களுக்கு இசையமைத்து புகழ் பெற்றார்.ரஜினிகாந்த், கமல்ஹாசன், விஜய், அஜித் குமார் போன்ற முன்னணி நடிகர்களின் படங்களில் அவரது இசை பெரும் பங்காற்றியது. குறிப்பாக கானா பாடல்களை தமிழ் திரையுலகில் பிரபலப்படுத்தியதில் தேவாவின் பங்கு முக்கியமானது. 

தனியார் மருத்துவமனையில் நெஞ்சுவலி காரணமாக அனுமதிக்கப்பட்ட தேவா இன்று காலை உயிரிழந்தார். தேவையான அவசர சிகிச்சைகள் அளிக்கப்பட்ட போதும் சிகிச்சை பலனின்றி இன்று காலை 11 மணியளவில் உயிர் பிரிந்தது. இசை உலகிற்கு தேவாவின் மறைவு ஈடு செய்ய முடியாத பேரிழப்பாக அமைந்துவிட்டது. இசையமைப்பாளர் தேவா மறைவுக்கு 

இதையும் படிங்க: இசை ரசிகர்களுக்கு பேரிழப்பு..! வரலாறு மறக்குமா..? இசையமைப்பாளர் தேவா மறைவு.. முதல்வர் விஜய் இரங்கல்.!!.!!

தமிழக ஆளுநர் ராஜேந்திர விஸ்வநாத் அர்லேகர் இரங்கல் தெரிவித்துள்ளார். தேவா மறைவு தமிழ் திரையுலகிற்கு ஈடுசெய்ய முடியாத இழப்பு என கூறியுள்ளார். மறக்க முடியாத பாடல்களால் தனித்துவம் பெற்றவர் தேவா. தேவாவின் ஆன்மா சாந்தியடைய இறைவனை பிரார்த்திக்கிறேன் என்றும் தமிழக ஆளுநர் அர்லேகர் கூறியுள்ளார்.

இதையும் படிங்க: ஷாக்..! இசையமைப்பாளர் தேவாவுக்கு என்ன ஆனது.? மருத்துவமனை விளக்கம்.!