எடப்பாடியை முதல்வர் விஜய் சந்திக்காதது ஏன்? பரபரப்பு அரசியல்... அமைச்சர் நிர்மல் குமார் விளக்கம்..!

தமிழக வெற்றி கழக தலைவர் விஜய் முதல்வராக பொறுப்பேற்றதிலிருந்து பல்வேறு அரசியல் கட்சி தலைவர்களை சந்தித்தார். மரியாதை நிமித்தமாக நடந்த இந்த சந்திப்பு அரசியலில் பெரும் எதிர்பார்ப்பை ஏற்படுத்தியது. ஆனாலும் தமிழ்நாட்டின் புதிய முதலமைச்சராக பொறுப்பேற்றுள்ள தவெக தலைவர் விஜய், அதிமுக பொதுச் செயலாளர் எடப்பாடி கே. பழனிசாமி உடன் சந்திப்பு ஏற்பாடு செய்யப்படவில்லை என்பது சமீபகால அரசியல் விவாதங்களில் முக்கிய இடம் பெற்றுள்ளது.

இந்தக் கேள்விக்கு பதிலளித்த அமைச்சர் சி.டி.ஆர். நிர்மல்குமார், “ஒருசில பேரை ஒருசில சூழ்நிலையில் சந்தித்தால் அது சரியாக இருக்காது. அது மக்களுக்கும் எதிராக இருக்கும். அதனால் சந்திப்பு ஏற்பாடு செய்யப்படவில்லை” என்று தெளிவாகக் கூறியுள்ளார். பரபரப்பான அரசியல் சூழலில் பத்திரிகையாளர் சந்திப்பில் அமைச்சர் நிர்மல்குமார் இந்தக் கருத்தை வெளியிட்டார்.

தவெக தலைமையிலான அரசு பதவியேற்ற பிறகு, அதிமுகவுடன் தொடர்புடைய பல்வேறு கேள்விகள் எழுந்த நிலையில், இந்த கருத்து முக்கியத்துவம் பெற்றது. ஈபிஎஸை ஏன் முதல்வர் விஜய் சந்திக்கவில்லை என்ற நேரடிக் கேள்விக்கு அவர் அளித்த பதில், தற்போதைய அரசியல் அணுகுமுறையை பிரதிபலிக்கிறது.

இதையும் படிங்க: NDA கூட்டணி கட்சிகளை அழைக்கல..! CPI அலுவலகத்தில் தவெக நிர்வாகி நிர்மல் குமார் விளக்கம்..!!

நிர்மல்குமார் தனது பதிலில், அரசியலில் தேர்ந்தெடுக்கப்படும் சந்திப்புகள் மக்கள் நலனை முன்னிறுத்தியே இருக்க வேண்டும் என்று வலியுறுத்தினார். சில தனிநபர்கள் அல்லது குறிப்பிட்ட சூழல்களில் நடக்கும் சந்திப்புகள், பொதுமக்களின் எதிர்பார்ப்புக்கு எதிராக அமையக்கூடும் என்பதை சுட்டிக்காட்டி, அத்தகைய சந்திப்பைத் தவிர்ப்பதே சரியான முடிவு என்று தெரிவித்தார்.

இதையும் படிங்க: விஜயின் நாகரிக சந்திப்பு..! ஊழல் அமைச்சர்களை காப்பாத்தாதீங்க..! வானதி சீனிவாசன் வலியுறுத்தல்..!