தமிழகத்தில் மின் தேவை உச்சம்..! மின்சார நெருக்கடியை சமாளிக்க அதிரடி நடவடிக்கை..! அமைச்ச நிர்மல் குமார் பேட்டி..!!

தமிழ்நாட்டில் சமீப காலமாக ஏற்பட்டு வரும் மின்சார தட்டுப்பாடு மற்றும் அறிவிக்கப்படாத மின்வெட்டுகள் தொடர்பாக மின்சாரத்துறை அமைச்சர் நிர்மல்குமார் விளக்கம் அளித்துள்ளார். அவர் கூறியபடி, மாநிலத்தில் காற்றாலை மின்சார உற்பத்தி சுமார் 1,500 மெகாவாட் அளவுக்கு குறைந்துள்ளது. இதனை சரிசெய்வதற்காக ஆய்வு நடத்தப்பட்டது. கடந்த காலங்களை விட வெப்ப அளவு அதிகரித்துள்ளதால் மின்சார தேவை பெருமளவில் உயர்ந்துள்ளது. இந்த வெப்ப அதிகரிப்புடன் காற்றாலை மின்சார உற்பத்தி குறைந்ததுதான் தற்போதைய மின்சார பற்றாக்குறைக்கு முக்கிய காரணமாக அமைந்துள்ளது.

தமிழ்நாட்டின் மின் தேவையை சமாளிப்பதில் காற்றாலை மின்சாரம் முக்கிய பங்கு வகிக்கிறது. வழக்கமாக காற்று வீசும் காலங்களில் அதிக அளவில் உற்பத்தி கிடைக்கும். ஆனால் பருவநிலை மாற்றத்தால் காற்றின் வேகம் திடீரென குறைந்ததால் உற்பத்தி பாதிக்கப்பட்டது. இதனால் தினசரி மின் கட்டமைப்பில் ஆயிரம் முதல் ஆயிரத்திஐநூறு மெகாவாட் வரை பற்றாக்குறை உருவானது. இந்த இடைவெளியை உடனடியாக ஈடுசெய்ய முடியாத நிலையில், சில மாவட்டங்களில் சுழற்சி முறையில் மின்வெட்டு அமல்படுத்தப்பட்டது.

பொதுமக்கள் இரவு நேரங்களில் மின்தடையால் சிரமப்பட்டனர். குழந்தைகள், முதியோர் மற்றும் மாணவர்கள் பாதிக்கப்பட்டனர். சில இடங்களில் மின்வாரிய அலுவலகங்களை முற்றுகையிட்டு போராட்டங்களும் நடைபெற்றன.இந்த சூழலில் மின்சார பற்றாக்குறையை போக்க நடவடிக்கைகள் எடுக்கப்பட்டுள்ளன. அமைச்சர் தெரிவித்தபடி, இன்று காற்றாலை மின்சாரம் மேலும் குறைந்ததால் 1,500 மெகாவாட் மின்சாரம் பொதுதொகுப்பிலிருந்து வாங்கப்பட்டுள்ளது. ஒரு யூனிட் மின்சாரத்தை தோராயமாக இருபது ரூபாய்க்கு வாங்கியுள்ளதாக அவர் குறிப்பிட்டார். வெளிச்சந்தையில் விலை அதிகரித்துள்ள நிலையில் கூட தேவையான மின்சாரத்தை உடனடியாக கொள்முதல் செய்து விநியோகத்தை சீராக்க முயற்சி மேற்கொள்ளப்பட்டது.

இதையும் படிங்க: CM விஜயின் லண்டன் விசிட் வெற்றி..! ரூ.15,300 கோடி முதலீடுகள்... தமிழ்நாட்டுக்கு புதிய தொழில் புரட்சி..!!

இதனால் மின்சார விநியோகம் ஓரளவு நிலைப்படுத்தப்பட்டுள்ளது.நீடித்த கோடை வெப்பத்தால் மின்சார தேவை வரலாறு காணாத அளவுக்கு உயர்ந்துள்ளது. சாதாரண நாட்களில் சராசரியாக பதினாறாயிரம் மெகாவாட் தேவைப்படும் நிலையில், இந்த ஆண்டு இருபத்தொன்று ஆயிரத்திற்கும் மேல் உச்சத்தை எட்டியது. இதேபோன்ற தட்டுப்பாடு தமிழ்நாட்டில் மட்டுமல்ல, பல மாநிலங்களிலும் நிலவுவதாக அமைச்சர் சுட்டிக்காட்டினார்.

காற்றாலை உற்பத்தி தடைபட்டதால் கடந்த இரண்டு நாட்களாக பிரச்சினை ஏற்பட்டது. நேற்று மாலை தேவையான மின்சாரம் பொது விநியோகத்திலிருந்து கொள்முதல் செய்யப்பட்டதால் நிலைமை கட்டுக்குள் வந்துள்ளது.அரசு தரப்பில் கூடுதல் மின்சாரத்தை வெளிச்சந்தை மற்றும் பவர் பூல் மூலம் வாங்கும் நடவடிக்கை தொடர்கிறது. காற்றின் நிலைமை சீரடையும் வரை கண்காணிப்பு மேற்கொள்ளப்படும். மின்வாரியம் தேவையை உன்னிப்பாக கவனித்து, மேலும் கொள்முதல் செய்ய தயாராக உள்ளது என்றார். 

இதையும் படிங்க: வெடிக்கும் மிசா சர்ச்சை... அமைச்சர் நிர்மல் குமார் மீது உரிமை மீற புகார்..!! சபாநாயகரிடம் முறையிட்ட திமுக..!!