'போர்வாள்"..! அதிமுகவின் அதிகாரப்பூர்வ நாளேடு...! அறிமுகம் செய்த EPS..!!

அண்ணா திராவிட முன்னேற்றக் கழகத்தின் உள்ளடி பிளவு மற்றும் அதிகாரப் போட்டியின் பின்னணியில், கட்சியின் பொதுச் செயலாளரும் எதிர்க்கட்சித் தலைவருமான எடப்பாடி கே. பழனிச்சாமி இன்று கட்சியின் புதிய அதிகாரப்பூர்வ நாளேட்டை அறிமுகம் செய்து வைத்தார். ‘போர்வாள்’ என்று பெயரிடப்பட்ட இந்த தமிழ் நாளிதழ், தற்போதைய கட்சி நிலவரத்தில் EPS தரப்புக்கு முக்கியமான ஊடக ஆயுதமாக உருவெடுத்துள்ளது. 

அதிமுகவின் வரலாற்றில் ஊடகங்கள் எப்போதும் முக்கியப் பங்கு வகித்துள்ளன. எம்.ஜி.ஆர். காலத்தில் தொடங்கி, ஜெயலலிதா காலத்தில் ‘நமது எம்.ஜி.ஆர்.’, ‘நமது அம்மா’ போன்ற நாளிதழ்களும், டிஜிட்டல் ஊடகங்களும் கட்சியின் குரலாக ஒலித்தன.

ஜெயலலிதா மறைவுக்குப் பிறகு ஏற்பட்ட பல்வேறு பிளவுகளால் இந்த ஊடகங்கள் தரப்புகளுக்கு இடையே மாறி மாறி சென்றன. ‘நமது அம்மா’ ஆகியவை சமீபத்தில் சி.வி. சண்முகம் - எஸ்.பி. வேலுமணி தரப்புக்கு ஆதரவாகச் செயல்பட்டதாகக் கூறப்படுகிறது. இந்த நிலையில், EPS தலைமையிலான அதிமுகவுக்கு தனது சொந்த அதிகாரப்பூர்வ குரலை உருவாக்கும் தேவை ஏற்பட்டது.

இதையும் படிங்க: அதிமுகவில் அதிகாரப்போர் தீவிரம்..! CV சண்முகத்தை பொளந்து கட்டிய EPS தரப்பு ஆதரவாளர்கள்..!!

இன்று அதிமுக தலைமைக் கழகத்தில் நடைபெற்ற நிகழ்ச்சியில் EPS, முக்கிய நிர்வாகிகளுடன் இணைந்து ‘போர்வாள்’ நாளிதழின் முன்னோட்டத்தை வெளியிட்டார். இந்த நாளிதழ் கழகத்தின் பொதுச் செயலாளர் அறிக்கைகள், கட்சி நிகழ்வுகள், தமிழக மக்களின் பிரச்சினைகள் மற்றும் EPS தரப்பின் நிலைப்பாடுகளை தொகுத்து வழங்கும் என்று எதிர்பார்க்கப்படுகிறது. “போர்வாள் மூலமாக கழகத்தையும் மக்களையும் காப்போம்” என்று EPS இந்த நிகழ்வில் வலியுறுத்தியதாகத் தகவல்கள் தெரிவிக்கின்றன.

இதையும் படிங்க: ADMK படுதோல்வி… EPS மீது CV சண்முகம் நேரடி குற்றச்சாட்டு.! வெடிக்கும் அதிமுக உள்கலகம்!