விஜய் மேல CASE போடுங்க... கமிஷனர் அலுவலகத்தில் ரஞ்சனா நாச்சியார் பரபரப்பு புகார்..!!

நடிகை ரஞ்சனா நாச்சியார் தமிழக அரசியலில் பல மாற்றங்களைச் சந்தித்து வந்தவர். அவர் முதலில் பாஜகவில் பல்வேறு பொறுப்புகளை வகித்தார். குறிப்பாக, பாஜகவின் கலை மற்றும் கலாசார பிரிவின் மாநிலச் செயலாளராகப் பணியாற்றினார். ஆனால், மும்மொழிக் கொள்கை திணிப்பு உள்ளிட்ட மத்திய அரசின் சில கொள்கைகளுக்கு எதிர்ப்பு தெரிவித்து, 2025 பிப்ரவரியில் பாஜகவிலிருந்து விலகினார்.

அதே நாளில் அல்லது அடுத்த நாளே, நடிகர் விஜய் தொடங்கிய தமிழக வெற்றிக் கழகம் கட்சியில் இணைந்தார். தவெகவில் மகளிர் அணியில் முக்கிய நிர்வாகியாகப் பொறுப்பேற்று பணியாற்றினார். ஆனால், தவெகவில் அவரது பயணம் நீண்ட காலம் நீடிக்கவில்லை. கடந்த சில மாதங்களாகவே, கட்சித் தலைவர் விஜய்யின் சில கருத்துக்கள் மற்றும் நடவடிக்கைகள் மீது ரஞ்சனா நாச்சியார் அதிருப்தி தெரிவித்து வந்தார்.

குறிப்பாக, விஜய் - சங்கீதா இடையேயான விவாகரத்து விவகாரம் தொடர்பாக விஜய் வெளியிட்ட கருத்துக்களுக்கு கடும் எதிர்ப்பு தெரிவித்தார். அதிருப்தியின் விளைவாக, ரஞ்சனா நாச்சியார் தமிழக வெற்றிக் கழகத்திலிருந்து விலகினார். இதைத் தொடர்ந்து, சென்னை அண்ணா அறிவாலயத்தில் தமிழ்நாடு முதலமைச்சர் மு.க. ஸ்டாலினை நேரில் சந்தித்து, திராவிட முன்னேற்றக் கழகத்தில் அதிகாரப்பூர்வமாக இணைந்தார்.

இதையும் படிங்க: சொன்ன TIME- க்கு வரணும்... மிஸ் ஆக கூடாது.!! விஜய்க்கு பறந்த வார்னிங்..!!

விஜய் குறித்து ரஞ்சனா பேசியதால் தன் மீது அவதூறு பரப்பி, புகைப்படங்களை மார்ஃபிங் செய்வதாகவும் குற்றம் சாட்டியுள்ளார். தமிழக வெற்றி கழக தலைவர் விஜய் மீது வழக்குப்பதிவு செய்ய வேண்டும் என்று கூறி சென்னை மாநகர காவல் ஆணையர் அலுவலகத்தில் ரஞ்சனா நாச்சியார் புகார் மனு கொடுத்தார். தன்னைப் பற்றி அவதூறாக பேசுபவர்களை விஜய் கண்டிக்கவில்லை என்று குற்றச்சாட்டை முன்வைத்துள்ளார். 

இதையும் படிங்க: என்னாச்சு..? தவெக வேட்பாளர் அறிமுகம் திடீர் ஒத்திவைப்பு...! செக் வைத்த தேர்தல் ஆணையம்..!!