ராயபுரம் தொகுதியில் ஓட்டுக்கு 1000 ரூபாய்.? அதிகாரிகள் கண்டு கொள்ளவில்லை என குற்றச்சாட்டு..!!

சென்னை ராயபுரம் சட்டமன்றத் தொகுதியில் திமுக சார்பில் பணப்பட்டுவாடா நடைபெறுவதாக எழுந்த குற்றச்சாட்டு சமீபத்தில் பெரும் பரபரப்பை ஏற்படுத்தியுள்ளது. தமிழ்நாடு சட்டப்பேரவைத் தேர்தல் நாளை நடைபெற உள்ள நிலையில், இந்தத் தொகுதியில் திமுக, அதிமுக உள்ளிட்ட கட்சிகளுக்கு இடையே கடுமையான போட்டி நிலவுவதாகக் கூறப்படுகிறது. இத்தொகுதியில் திமுகவின் வேட்பாளராக ஐட்ரீம் ஆர். மூர்த்தி போட்டியிடுகிறார் என்பது குறிப்பிடத்தக்கது.

சம்பவம் வண்ணாரப்பேட்டை சீனிவாசபுரம் ரயில்வே கேட் அருகே நடைபெற்றதாகத் தெரியவருகிறது. திமுகவைச் சேர்ந்த நபர்கள் வாக்காளர்களுக்கு பணம் வழங்குவதாகப் பொதுமக்கள் சந்தேகம் அடைந்து, அவர்களை மடக்கிப் பிடித்ததாக தகவல் வெளியானது. அப்போது கையும் களவுமாக சிக்கிய திமுக டீம் உறுப்பினர்களிடம் இருந்த பணத்தைப் பறிமுதல் செய்து, தேர்தல் பறக்கும் படையினரிடம் ஒப்படைத்ததாக வீடியோக்கள் சமூக ஊடகங்களில் வைரலாகப் பரவின. 

இந்தக் குற்றச்சாட்டில் அதிகாரிகள் கண்டுகொள்ளவில்லை என்ற புகாரும் எழுந்துள்ளது. சில வீடியோக்களில், பணப்பட்டுவாடா நடைபெறும் இடத்திற்கு அருகில் தேர்தல் அதிகாரிகள் அல்லது போலீசார் இருந்தபோதும் உடனடியாகத் தலையிடவில்லை என்று சிலர் கூறுகின்றனர்.

இதையும் படிங்க: "NO CONFUSION"..! ஈஸியா ஓட்டு போடலாம்..! வாக்குச்சாவடி மையத்தில் கலர் கோடுகள்..!

பொதுமக்களே தலையிட்டு பணத்தைப் பறிமுதல் செய்து ஒப்படைத்ததாகவும், அதன் பிறகே அதிகாரிகள் நடவடிக்கை எடுத்ததாகவும் கூறப்படுகிறது. இது தேர்தல் ஆணையத்தின் பறக்கும் படைகள் மற்றும் உள்ளூர் நிர்வாகத்தின் செயல்பாட்டில் அலட்சியம் இருப்பதாக எதிர்க்கட்சிகள் மற்றும் பொதுமக்கள் விமர்சனம் செய்ய வழிவகுத்துள்ளது. ராயபுரம் தொகுதியில் ஓட்டுக்கு ஆயிரம் ரூபாய் கொடுப்பதாகவும் அதிகாரிகள் இதனை கண்டு கொள்ளவில்லை என்றும் குற்றச்சாட்டு முன்வைக்கப்பட்டுள்ளது.

இதையும் படிங்க: அதிமுக சார்பில் வாக்காளர்களுக்கு குக்கர்..! அதிரடியாக பறிமுதல் செய்த தேர்தல் பறக்கும் படை..!