திமுக கூட்டணி வேட்பாளர்களை ஆதரித்து நடிகர் சத்யராஜ் பரப்புரை..! பயண விவரம் அறிவிப்பு..!

சத்யராஜ் தமிழ் சினிமாவில் தனது தனித்துவமான பாத்திரங்களுக்காக பிரபலமானவர். அவர் பல திரைப்படங்களில் சமூக நீதி, திராவிடக் கொள்கைகள், பகுத்தறிவு போன்ற கருப்பொருள்களை வலியுறுத்திய பாத்திரங்களை ஏற்று நடித்துள்ளார். அவரது அரசியல் பயணம் திமுகவுடன் நெருக்கமாக இருந்து வந்தது. கடந்த சில ஆண்டுகளாக அவர் திமுகவின் பல்வேறு நிகழ்ச்சிகளில் பங்கேற்று, முதலமைச்சர் மு.க.ஸ்டாலின் தலைமையிலான அரசின் சாதனைகளைப் பாராட்டி வந்தார்.

2026 தேர்தல் நெருங்கும் வேளையில், அவர் திமுக கூட்டணியின் பக்கம் தனது ஆதரவை முழுமையாகத் திருப்பியுள்ளார்.குறிப்பாக, தமிழ்நாட்டில் 2026 ஏப்ரல் 23 அன்று நடைபெற உள்ள சட்டமன்றத் தேர்தலில் திமுக 164 தொகுதிகளில் போட்டியிடுகிறது. மீதமுள்ள தொகுதிகளை கூட்டணி கட்சிகளான விடுதலை சிறுத்தைகள் கட்சி, மருமலர்ச்சி திராவிட முன்னேற்றக் கழகம், தேசிய முற்போக்கு திராவிடக் கழகம் உள்ளிட்ட கட்சிகளுக்கு ஒதுக்கியுள்ளது.

இந்த கூட்டணி வேட்பாளர்களை ஆதரித்து சத்யராஜ் பரப்புரை செய்யத் திட்டமிட்டுள்ளார். அவரது பரப்புரை முக்கியமாக திராவிட மாடல் ஆட்சியின் தொடர்ச்சி, சமூக நீதி, மதச்சார்பின்மை, மக்கள் நலத் திட்டங்கள் போன்றவற்றை மையப்படுத்தியிருக்கும் என எதிர்பார்க்கப்படுகிறது.சத்யராஜின் மகள் திவ்யா சத்யராஜ் ஏற்கனவே திமுகவில் இணைந்து, கட்சியின் ஐடி விங்கில் செயல்பட்டு வருகிறார். 

இதையும் படிங்க: நீங்கதான் வழி நடத்தணும்..! தொகுதி மறுவரையறை தொடர்பாக ராகுல் காந்தியுடன் முதல்வர் ஸ்டாலின் பேச்சு..!

இந்த நிலையில் நடிகர் சத்யராஜ் ஏப்ரல் 18, 19 ஆகிய தேதிகளில் திமுக கூட்டணி கட்சி வேட்பாளர்களை ஆதரித்து பரப்புரை செய்கிறார். ஏப்ரல் 18 ஆம் தேதி ராயபுரம், பெரம்பூர், கொளத்தூர், வில்லிவாக்கம், திரு வி க நகர், அண்ணா நகர் ஆகிய தொகுதிகளில் பரப்பரை செய்கிறார். ஏப்ரல் 19ஆம் தேதி மாதவரம், கும்மிடிப்பூண்டி, ஆவடி, பூவிருந்தவல்லி, அம்பத்தூர், மதுரவாயிலாகிய சட்டமன்ற தொகுதிகளில் பிரச்சாரம் செய்கிறார். நடிகர் சத்யராஜின் பரப்புரை தொடர்பாக திமுக தலைமை கழகம் அதிகாரப்பூர்வமாக அறிவித்துள்ளது. 

இதையும் படிங்க: "ஊழலில் ஊறித் திளைத்து தமிழ்நாட்டை சுரண்டும் திமுக"..! ஆதவ் அர்ஜுனா விளாசல்..!!